休業一天

今日休blog一天,

 

 

因為我要"追"番D劇集...

 

 

哈哈...

 

 

明天再續~

樂天朱古力泡芙 - 牛奶楓糖味

呢個0係零食屋買既, 原價16.5, 折左之後14.9元~ 一包過~

 

 

佢一出新味, 我都會食~ 因為味道都幾得我心.....

 

 

等左呢個味好耐啦....

 

 

零食屋而家仲賣緊夏天限定果隻vanilla icecream味....哈哈哈...夏與冬..."同冶一鋪"...

 

 

 

佢都有好多粒, 又細粒, 一口一個都可以~

 

仲有喎, 佢個官網有推介, 可以將呢個加入甜品度......我就未試過了~

 

呢個零食有度好, 就係如果唔想直接用手拎 (痴立立..), 大可以用牙籤"吉"黎食~ 係絕對可以, 冇難度~~ 食得好輕鬆添~

 

 

佢好鬆化, 都可以好清晰見到D酥皮架~

 

而且牛油味又唔算勁, 怕羶味既朋友都可以諗一諗~~

 

 

佢表頭上面啡啡地色既, 我諗都係楓糖, 薄薄地既一層, 加埋少少糖粒,

 

 

係可以有脆脆地既效果架~~

 

 

至於個餡, 覺牛奶味唔算好突出, 因為都被楓糖搶哂鏡~

 

 

整體黎講, 唔算有太大既wow effect, 亦唔算太甜~

 

 





OUT?

雖說過左聖誕一個星期多,

 

 

但又未到農曆新年...

 

 

"領X"有少少懶LOR....

 

 

播果D音樂仲係"聖誕到不能再聖誕"....

 

 

不過, 而家播賀年歌又好似早左少少....

 

 

所以最好就係唔播...

 

 

仲有呢.../公屋既節日佈置係唔係交由各樓自己去決定? 我意思時間...

 

 

因為有D巳經換上"新年燈籠"....而我住緊果棟就仲"聖誕ing"....

 

 



Kinder 繽紛樂白朱古力

呢個0係7仔買既, 好似15個幾2包...1包有2條~

 

 

因為有人找數既關係, 所以我冇咩睇價錢....當然就梗係唔記得幾錢啦~

 

 

嘩......今次仲勁.....180度大自轉....辛苦大家了...

 

 

呢個味都出左好一段日子....以前, 真係好耐好耐以前, 貴人我只係食原味....

 

 

完全冇望過白古力一眼, 因為.....唔愛lor...

 

 

愛kinder呢隻古力既原因, 係因為愛佢夠哂滑......入面既古力榛子醬又夠哂濃.....

 

 

呢個係令我食咁多年既原因...不過近年都好少食, 因為貴人巳經變心, 四出搵其他"後宮" ( \^0^/)....

 

 

如果今次唔係有人找數, 我都係唔會"點佢燈"...哈

 

 

再一次辛苦大家了..

 

 

佢基本上同原味冇咩分別....當然顏色唔同啦...

 

 

仲有, 多左D古力碎0係四周.....

 

 

不過.....當我撕開既時候, D古力碎就跌下又幾粒...跌下又幾粒......."mung"出黎又跌幾粒...

 

 

想點呀....

 

 

不過, 如果冇左呢D古力粒, 又好似太HEA, 加左又豐富番個口感,

 

因為D古力碎碎係好細粒, 偏硬硬地架~~~

 

 

古力條入面既醬, 當然榛子醬都係一貫地濃~又夠滑...又夠甜.....我覺甜左DD...

 

 

梗係啦......白古力嘛...

 

 

不過個醬都叫OK出既~

 

 

當我食完既時候.....件衫巳經好多古力碎粒了了了....

 

 

就係因為呢個原因, 我唔會再"點佢燈"....

 

 

平心而論...呢個既味道都唔錯架....只係貴人我麻煩罷了.

 

 







ABC Pizza味零食球

呢個0係百佳買既, 9.9元一罐~ (如果我冇記錯....因為我整唔見張單...)

 

 

America's Best Canister = ABC???

 

都幾...有趣...

 

呢個都唔算貴啦, 因為而家超市D薯片閒閒地都15.9元/2包, 仲有唔係太大包,

 

好容易"23下"就食哂....所以呢個都OK既! 呢個pizza ball 仲有另一隻味, 不過就好似係spicy既...

 

 

佢一D都唔容易開...因為果張封蓋既紙壓得太實....我撕得好唔完美.,....

 

  

嘩.....又幾pizza味喎...未食之前就聞到!

 

 

佢唔係大粒既, 直徑比一個一毫錢差唔多啦, 不過因為呢個係立體既, 一次一口都唔係可以擺好多粒....2-3粒就最正....1粒太少了了了....

 

 

第一感係有少少pepperoni 味, 不過就唔算太勁...被芝士味搶左少少風頭~

 

 

芝士味係比較重味少少, 不過食完都唔算太要飲水既....

 

 

佢既芝味都叫可以滿足到我~~~~

 

 

我就只係食到呢2種味.....都叫有pizza 既元素既~

 

 

不過有一樣唔太好既, 就係D波波本身都係鬆化 (唔硬)既, 痴左唔少碎碎...我一路食,

 

 

D碎碎就跌....儘管我食得幾小心都好..食完件褸都留下不少烙印....哈哈...

 

 



週四碎碎

• 我終於脫苦海....我D手指好番哂, 冇"爆"~
• 一日用N塊膠布既日子....暫告一段落...
• 人係有時候要作出妥協...想唔爆就搽baby oil+cream....
• 原來Johnson's隻extra care hand cream又幾好用....17.9又唔貴~
• 婆婆聽到我3年以來都係沖凍水涼既時候...佢打冷震....佢好佩服我...
• 與其送果D球員, 不如送現金劵俾我仲好.....
• M記既一日All day breakfast, 唔知多唔多人去食???
• 好想快D試P.C既新年飲品.....桔味latte , cappucino.....中伏率高嗎?
• 一間好好地既鋪頭, D貨品擺到"七國咁亂"...一D都唔歸一....好難行.....
• 新年流流被王兄叫我去C.....哈哈哈......我知佢係開玩笑....

一榮銅鑼燒 - 草莓紅豆味

呢個0係零食屋買既, 原價18.5, 折左之後就16.7元~

 

 

一包入面有6小包, 獨立包裝~

 

 

作為2014年既第一篇blog, 當然要講下甜零食啦~

 

 

祝大家甜甜蜜蜜, 開開心心~

 

 

我以往都好少食Dora燒, 因為唔太愛佢太甜.....

 

 

草莓紅豆味? dora燒都係紅豆味多, 有埋草莓又唔知點呢?

 

 

加埋王兄買左另一隻"抺茶咩咩味", 我當然唔會買同一隻味...要試哂佢嘛...

 

 

佢係迷你size, 絕對係可以一口食哂佢.....

 

佢每一小包入面都附有防腐劑 (乾燥劑?)既, 可能呢類既食品既保質期未必可以擺得耐...

 

 

又或者偏易壞? 點都好, 有都係一件好事, 不過食既時候要小心, 唔好食埋佢落肚, 因為好易痴住dora燒架..~

 

 

如果唔係要影相, 我一定會擺哂入口.....因為個dora燒巳經好細個, 被我咬左一半就更難令我可以"JA定定"去影.....

 

未食之前, 個餡似紅豆餡多喎!

 

 

不過, 當我一咬下去, 先講個餅皮, 十分柔軟, 好有彈性,

 

 

好怕咬落去係"皮還皮, 餡還餡".....我個人比較喜歡呢類餅皮多少少...~

 

原本仲以為要彈個餡, 不過呢,

 

我唔係我想像中甜 (我想像中既係入面好shiny, 可以好清晰見到草莓醬果款),

 

入面亦係偏啞色, 亦冇任何流心既果醬...~

 

不過個餡既比例都唔錯, 紅豆味佔既比例多少少, 不過可以食到草莓既清甜又有少少微酸味!

 

我愛酸DD....可以令草莓味更出~

 

總的來說, 都唔錯~ 同埋都叫OK抵~

 

唉呀...張相影得唔係幾好添...