海鮮大阪燒堡@Mos Burger

由於最近 (查實一D都唔近) 屋企果個mos burger都摺左,

 

 

所以想食既就唯有趁覆診既時候去Langham Place食, 又或者係去東港城食.....是日去了後者~

 

 

佢都好似出左呢個包一段時間啦, 不過一直都冇去試....我知呢個係限定東東, 過多一排就換第二款架啦~~~

 

 

個包本身就26元, 因為我"又加呢樣, 又加果樣"既關係...

 

 

埋單既時候, 個價錢就係"層壓式"上....

 

 

26元(包)+ 22元(甜品) +8元(古力凍飲)

 

 

甜品冇咩太特別, 所以今次講個米堡啦~

 

 

我一直都幾buy mos burger, 因為佢D包係即叫即做, 保證送到客人手上係熱呼呼的~~~~~ 同埋佢地customer service好好~~~

 

 

順帶一提, 我叫左既係米堡, 不過都有漢堡可以簡架~ 一共2款~

 

 

等都唔係等好耐, 因為美食係要付出時間既, 何況等待都係一種樂趣 (有時)...

 

 

我叫左米堡, 原因係平時都係食漢堡多, 米堡比較少.....同埋貴人太鍾意食飯.....澱粉質怪...

 

 

同埋貴人愛mos burger既原因係, 就算個包漏汁都好, 對手都唔會污糟...因為佢張包裝袋既物料唔錯....又呈漏斗型, 就算食得"呢hea"少少都唔怕一身都係...

 

 

個包真係有好多層...炸海鮮, 雞蛋, 椰菜碎同醬汁~

 

 

貴人都要係未食之前壓一壓, 先可以一次過放哂入口~!

 

 

個海鮮最主要有蝦, 蝦味都幾夠~ 又夠脆~~~由於貴人掛住食, 冇影入面有乜海鮮.......

 

 

初初我以為隻蛋一定冇咩蛋味, 一定係凍冰冰....事實又唔係咁喎........個蛋黃夠哂甘香, 充滿"膽固醇"呀~~~~~~哈哈哈~~~~

 

 

最有趣既, 我反而係覺D椰菜, 係凍冰冰既~ 不過又唔係出哂水果隻....

 

 

係唔係佢想營造一冷一熱既效果?

 

 

我覺唔錯, 可以刺激味蕾, 幾得意, 同埋D凍椰菜唔會"溝淡"左下層既醬汁~~~

 

 

成個包, 我真係搵唔到任何野可以俾我彈....

 

 

我好滿意了...



`

標

OK既Line Friends promotion話咁快到最後幾日啦,

 

 

貴人之前儲落既印花都要快快手換左佢,

 

 

費事之後變左廢貼紙...

 

 

我一早巳經target左sally 鴨(?)既盒仔啦~~

 

 

不過我本身係唔會擺佢0係屋企,

 

 

咁我點解又換? 平時買開野有印花咪儲下~

 

 

換完就要被我拆佢盒, 影佢...."全相"...

 

 

之後佢既命運都唔坎坷架,

 

 

因為我會定轉送俾我娘...

 

 

我娘既宮殿係名副其實既"接收港",

 

 

因為之前既7仔公仔, OK Line Friends果隻鴨仔匙扣...

 

 

我影完統統送哂去我娘....

 

 

好彩阿娘冇咩怨言....

 

 

佢唔係大個, 一個稍為攤開手掌心咁上下大啦~~

 

好似有熊大, 饅頭人, 兔兔同佢, 4款???

 

四四方方, 都幾岩擺散銀, 小首飾之類...

 

黃色又幾sharp醒...

 

如果佢冇頂頂果隻小鴨, 睇怕好難徒手開盒, 一係就唔掀蓋...

 

講promotion,. OK既就實用性高少少, 不過7仔既就可愛D....

 

不過貴人要儲錢, 唔再刻意去儲印花了了了...



週二又碎

• 試過玩P&D, 真係提唔起興趣....
• 我向來做事都係有好多個plan....放心...
• 我個傷口琴晚終於唔扯.....,冇左撕開既感覺...太好了....有得訓...
• 一碗糯米飯好飽肚?? +多杯熱飲要28大洋?? 真係唔知抵唔抵....
• 為左一個包而要我乜居居等15-20分鐘??? 我話之個包鑲金, 放哂鑽石....要我等就等於浪費我既時間...
• 我個額頭真係刻左"麥皮饅頭".....D店面都知我好愛食...第一句就問: "係唔係要麥皮?"....哈哈哈...
• 同一個人一日之內可以遇見三次...太有緣了....不過呢個係auntie....
• 我有鼻敏感, 所以嗅覺唔太好....所以我嗅唔到任何寵物味....鄰居無言了...

富士山包@Panash

好似好耐都冇0係panash買麵包了, 一星期總會經過一次,

 

 

不過就係冇入去既意欲....

 

 

直至前幾日, 我見到佢既小小宣傳牌, 先知佢出新包了~

 

 

panash都係日式麵包店, 逢節日都出節日麵包, 好似X'mas, 就出左一個疑似聖誕樹既忌廉筒....

 

 

而且佢既質素一向都唔錯, 味道有保證...係就係貴DD...

 

 

不過, 味道要緊...

 

 

呢個係: 富士山包, 10元一個, 有牛奶味同抺茶 (綠茶, 唔記得係邊個)味~

(唔係我老作, 真係叫富士山包)

 

 

係唔係好似一座山呢??? 似唔似日本既富士山我就唔知, 不過呢個包既賣相就相當吸引......

 

 

我簡左後者, 因為牛奶味好似平凡左少少.......可能係甜上加甜...

 

 

我都唔知叫佢麵包好, 定係蛋糕好.....不過似麵包多少少....

 

 

佢既質地好軟熟, 好有彈性, 都好綿密, 唔係空氣包~~~

 

 

我先由"咬爆"個"山頂"....

 

 

綠茶係有既, 不過就只限外圍, 麵包最外果層個圈圈.....味道係比較淡少少果款, 都OK既~~

 

 

當我咬爆佢既時候, 有"clock clock"聲出現?!?!?!? 原來係"山腰"以上果層白古力, 同疑似"糖粒" (我都唔知係乜東東...)

 

 

係好有咬口.....一路食, D白古力&疑似糖粒就一直跌....即使我既"保密工夫做得幾好都好...我部坐駕都留左D碎碎....

 

 

白古力同綠茶夾唔夾? 我本人覺麻麻地....因為白古力太甜...

 

 

令我食得唔太清楚綠茶味....只有食到去"山腳"先食得清楚少少....

 

 

哈哈哈...

 

 

不過都叫唔錯架....我王兄食左牛奶味, 佢話唔錯...我王兄因為對食冇咩要求, 不可作準...呵





瑞士三角朱古力家庭裝 - 白朱古力+牛奶朱古力

呢個0係百佳買既, 24.9元一包~ 一袋有16小包~

 

 

聖誕將近, 各大零售商都趕緊把聖誕商品紛紛上架,

 

 

例如, 更多牌子既薯片, 更多多既朱古力....好多仲要係平時好少見, 都係聖誕包裝.....

 

 

我唔睇個包裝啦...唔通我食膠袋咩...?

 

 

味道要緊....可能有D平時少見既味道...喎..

 

 

我前幾日就見到呢個, 平時都只係得純牛奶味(家庭袋裝), 仲要一D都唔平.....

 

 

當我等緊找數既時候, 就見到有瑞士三角既promote架...有好多三角....呢個就被擺0係最低.....

 

 

見一袋有成16小塊, 1塊有"三階"...用黎止一下古力癮係唔錯既...後來我發覺係止唔到既....只會更想食..不過我一日最多都係食2小包...

 

銀色包裝, 幾聖誕feel~~

 

 

真係好細架, 大約只係得一隻尾指 (古力實際長度)咁長啦~

 

 

沿住D"齒齒"扯下去, 就可以好完美撕開, 又可以唔使整污糟隻手~

 

 

佢所謂既白古力+牛奶古力版, 就係個頂部係白古力~~~

 

 

初初我都有少少擔心佢會過分地甜....因為白古力都係幾甜嘛....

 

 

不過, 當咬下去之後都唔覺好甜, 因為白古力佔既比例都唔算太重~~

 

 

又不過, 我唔係好食得出佢同原味有咩分別...又咪係普通古力...

 

 

不過都幾好食既~~

 

 

尤其係D nougat糖~~又唔難咬, 加埋又有少少杏仁.....

 

 

都幾香既~

 

 

三角原本仲有dark chocolate family pack既, 不過我想"獵"其他古力....作罷了~

 

 









桃哈多薯圈 - 奶油燉肉味

呢個0係零食屋買既, 原價12.5元, 折左之後就11.3元~

 

 

原本仲以為零食屋唔入呢個添.....希望仲可以有冬天出既"什菜湯"味啦~~~ 因為都係冬天限定嘛~~

 

 

我都好愛白汁既, 白汁雞皇飯/意粉之類既, 我都係好鍾意食....

 

 

不過而家就好少食啦...

 

 

因為我係一名"不飯少女"....(不會在家煮飯的少女....但係我煮野係唔差...好歹我0係英國都煮左4年...)

 

 

所以一見到又點可以唔買呢???

 

 

雞味, 洋蔥味...我通通都....食唔到...

 

薯圈都係一貫既脆口, 偏硬既, 真係要少少牙力去咬.....所以食完成包, 我D牙有少少攰...

 

 

至於顏色, 又好似冇咩不一樣..即係同鹽味比...

 

 

不過就聞到陣陣既白汁味~~~

 

 

佢當中又有DD忌廉味...唔錯唔錯...因為貴人都好愛忌廉....例如飲熱古力一定要多多cream~

 

 

除此之外, 我就咩味都食唔出...即係包講既肉味, 菜味....

 

 

不過有樣野值得一讚既, 如果你係有少少唔太鍾意薯圈太重薯仔味, 太澱粉既話, 呢個相對黎講就少DD~

 

 

拉勻黎講, 呢隻味都唔錯, 絕對好過萬聖節限定既"炸雞味"!!

 

 



 





堅

由細到大, 貴人都有一種非常獨特既性格...

 

 

就係: 堅持

 

 

難聽一點就係死咬不放, 死纏難打....

 

 

成隻吠吠咁...

 

 

 

一星期前發生左一件事, 令我好介懷,

 

 

我唔相信成件事會有一個咁既結局...

 

 

於是就四出尋找方法去解決...

 

 

遠至海外....哈哈哈哈...

 

 

昨天, 終於收到回覆, 文中建議我可以嘗試用某一種方法,

 

 

貴人當然一定要試, 因為唔試過, 貴人係唔會"心息"...

 

 

萬一呢個就係解決方法咁咪弊?

 

 

哈哈哈哈~!

 

 

解決左啦~

 

 

貴人當然好開心, 因為貴人就係因為堅持到最後一刻,

 

 

唔肯放棄, 先為自己帶來希望...

 

 

睇來我既"死咬指數"又升呢了...

 

 

 

P.S 唔好問我係咩事, 只不過係小事一摏...~