龍舟來了

原來今日就係端午節, 仲要係星期一添,

 

 

打工既朋友可以抖埋今日, 聽日再搏殺過~

 

 

我王兄就最開心, 佢之前買隻中文版既game, 終於拎左了, 佢今日有好多game玩~

 

 

不過今日既重頭戲就係食糭同爬龍舟....

 

 

唔好意思.....今年我未食.....不過都會應下節...開電視睇龍舟競賽既~

 

 

以前都會0係屋企食糉, 不過一烚就唔係烚糉...而係烚人...

 

 

因為成間屋就熱到不行鳥.......

 

 

但係我又好愛綠豆同肥肉.....唯有就範鳥.....

 

 

近幾年就少食, 不過0係冬天食多....哈哈....

 

 

因為冬天凍, 出去食既早餐, 改為食粥, 而粥餐又有鹹肉糉喎....

 

 

當然唔放過.....

 

 

所以冬天我係肥左唔少.....不過近日因為天氣太熱鳥......我的排骨又回來鳥.......

 

 

以我記憶所及......我好似冇去睇過賽龍舟...好似....

 

 

因為出面巳經曬到不行鳥.....細細個就梗係想返屋企....吃雪糕啦....

 

 

都係開電視好......我不過我好鍾意賽龍舟既OP....雖然係果幾秒......

 

 

不過係有種令人振奮既感覺~

 

 

大家出去果陣, 要拎定支水呀~ 熱熱熱.....

珍珍龍蝦湯味薯片

呢個0係7仔買既, 6.9元一包~

 

 

我都好耐冇0係7仔買薯片啦...因為一向都係偏貴.....

 

 

果日咁岩食完早餐, 咁岩又掛住7仔.....D冷氣.....又咁岩果日冇其他野要做......

 

 

0係咁多個"咁岩"既情況之下, 我巳經奔左去7仔了....

 

 

又係果D......不過又好似唔係.....只係有呢個....係新既...

 

 

珍珍都好似有一段時間冇出新口味薯片了, 一定要支持一下本地牌子......~

 

 

6.9元, 個價錢都叫好合理.....因為大家都係珍珍, 同一size, 唔同口味...就要9.2元....

 

 

 

人地就"絕對空空"......珍珍呢個就一定係 絕對經典~~~~~

 

 

咁多年都係佢~~~~今次呢舊薯生仲去埋法國......我都冇去呀....哈~

 

 

 

個包裝就漲卜卜既, 會唔會入面只係得好少?

 

 

薯片袋係要咁漲既, 因為入D特別氣體入去, 令佢唔易碎.~~

 

 

那當然, 如果閣下想修煉"如來掌掌", "黯然銷銷掌"既話, 硬係強"DUM"佢...我都冇野好講啦...

 

 

 

佢整體個量都唔算少, 以6.9元黎講, 都多架啦~~

 

 

不過未食之前望下入面....嘩....佢.....好似我呢排訓醒咁 (塊面)....

 

 

稍為多左少少油.....

 

 

不過食入口又唔多覺油多~~~

 

 

都係珍珍一貫既薯片厚度, 都叫脆~~

 

 

我聞下先.....嘩....佢比"卡卡B"既龍蝦湯味薯片既味度來得要勁...."氣場"十分之勁...(哈哈)...

 

 

 

因為我好少食龍蝦, 唔太記得咩味.....

 

 

只係覺:

 

 

好大陣 魷魚肉餅味......

 

 

即係......直D講句.....如果你係受得了腥既....你都可能OK呢個..~~

 

 

我堅覺佢好大陣魷魚味....後來睇一睇個label.....有魷魚粉的......原來如此....

 

 

又不過, 入口又唔係太強烈....係可以接受....再又不過, 當我食完之後....都係要飲水的....

 

 

 

都幾好食既~

 

 

 





週末又碎

• 熱到傻左了......
• 今年係唔係早熱左?
• 最開心就係買雜誌.....用1-2元毫子.....好有滿足感...
• 排骨身形開始回來了.....少D肥腩啦....
• Sailor Venus....你好型呀........
• 就快端午節了....不過我冇食糉呀, 因為怕難消化......雖然我好愛綠豆同肥肉....
• 不過一隻普通既綠豆糉, 都要22元一隻???? 唔好去搶.....街邊貨仔...
• Pandora新出果款十二星座系列.....又幾靚.....不過要近500元一粒.....貴左DD~
• 今次LINE既公仔竟然0係7仔換...之前果幾次都0係 OK嘛~
• 好想快D睇<點金勝手>~
• 人地點處理婚姻, 都係人地既事...外人都係唔好論斷了...

高高高層

由於我係一名頂級車手......

 

 

最愛一支箭飆出去.....大堂門口....

 

 

(不過我都係一名負責任既司機.....好注意行車安全的...)

 

 

由於都住左好幾年, 早就熟習哂應該點開門好方便自己, 幾時減速.....

 

 

不過有時總有好心人幫我開門~

 

 

前幾日, 有一位我唔常見既保安由老遠走過來, 想幫我開門~

 

 

我一路開, 一路禮貌地謝絕了~

 

 

第一回合完畢...

 

 

我食完早餐, 買完野, 又一小袋返家......

 

 

當我入完我認為正確既password之後......佢唔郁...

 

 

哼.....

 

 

我又將頭兩個數字倒轉.....

 

 

總係記唔好~~~

 

 

 

正當此時, 頭先果位又奔過黎開門了....佢應該係由"細路電視"見到我...

 

 

佢問我: "你係唔係高層?" 查實,佢既問題係: "你係唔係住0係高層?"

 

 

因為大約分開低, 中, 高層lift~ 幫我"禁"埋掣~

 

 

我就......答~

 

 

"我係高層.....高層係我~~~~"

 

 

哈哈哈哈哈~~

 

 

似乎佢get 唔到我既爛GAG......

 

 

唯有自己同自己哼好了....

 

 

呵

那些年的...零食

前幾日去7仔"巡視業務"......竟然俾我....

 

 

"再度重遇你....可喜也可悲".....

 

 

可喜的是, 相隔xx年之後, 我仲可以再見到呢款零食......係我小時候頗愛的...不過學校既小食部就賣得好貴.....

 

 

可悲就係.....要我俾買...哈

 

 

佢一共有3款, 雞味, 芝士味同咖喱味....

 

 

因為唔想食辣, 所以選了前2....

 

 

佢係迷你包, 每包大約4元-4.5元...(我又唔記得...)

 

 

後來, 我發現百x都有, 不過就係大一個SIZE, 一個人食就好吃力, 不過大家一齊食, 睇波就都唔錯既~

 

 

好令人懷念既包裝......

 

 

我仲食左芝士味(紅色包裝), 不過食完巳經完全唔記得咩味了....不過一定係唔難食.....

 

 

以迷你包個量黎講, 都ok多架啦~

 

 

每條粟米條都有少少黑椒粒0係上面~

 

 

不過我聞一聞....覺似係...

 

 

雞粉味???? 即係"家x牌"果d呀....

 

 

食落去都有少少似.....不過就唔係咁強烈, 唔會係令你立刻好想飲水...果隻....不過你食完都好可能想飲杯水清一清....

 

 

佢同"粟二燒"個口感唔太似, 因為佢呢個係有dddd林, 不過只係部分, 大部分都係ok既..

 

 

佢有樣唔好, 就係粟米條入面有"硬到不行"既乾粟米顆粒?

 

 

係十分痴牙......

 

 

痴牙呢個POINT都係今次懷舊之旅既重點.....因為佢冇果d粒粒...就好似唔係果隻粟米條.....

 

 

呢個都係合格多少少, 可能咖喱味會好d......共鳴大d...因為果陣都係食咖喱味多....~

 

 







多又如何

唉......未到七月, 八月就巳經飆升到32度幾.....

 

 

真係熱到人都傻埋....

 

 

早D訓又如何...?

 

 

又咪係訓唔到....

 

 

手臂出汗, 頸又出汗.....

 

 

痴立立....好唔舒服....

 

 

我點解唔開冷氣?

 

 

因為開埋, D電費就好"那利".......同埋而家我D電費巳經好"金"......

 

 

我巳經4年冇開過啦.......不過我依然好鍾意冷氣, 每朝出去食早餐都係我最enjoy既時候~~~

 

 

同埋都想環境出少少力啦.....雖然慳錢成分居多....哈

 

 

好難想像34度會點咁....

 

 

我可能熱到傻左.....

 

 

我唔怕凍, 不過就怕熱.....真係要搬去南極先得.....

無得再慳

唉.....我巳經好多日都寫過零食啦...

 

 

大家會唔會...?!?!??

 

 

因為零食屋入少貨, 我好幾次入去都係"吉吉而回"....

 

 

有次見佢有好多貨啦, 又係港鐵站鋪...一定有新野啦...

 

 

我問相熟店員....有冇咩新薯片返呀?

 

 

佢行左過去望一望...

 

 

答:

 

 

有都俾你食過哂.....

 

 

哎呀....

 

 

係佢地返得少.....同埋我唔食辣味薯片, 可以簡既都真係好少....

 

 

所以我真係要諗計...令個blog可以正常番.....

 

 

唔再係大家就會.....

 

 

我可不想啦....

 

 

俾少少時間我....

 

 

可能聽日有~~~~