呢個0係零食屋買既, 原價12元, 折左之後就10.8元~
0係我未開始之前, 先要"吠"一下今次既冷鋒....
真係"唔吠唔安樂"....
今次既冷鋒比之前既仲要厲害....冇咩太陽....又多雲.......
今朝我睇天文台....最update既係我住果區得7度.....我既成間屋都出現了好多"英文字母"......
我手手腳腳唔覺凍...(果陣短袖衫短褲ing...hahah), 但係D風就向我條頸吹埋黎......(因為我紮起頭髮訓)...
嘩...果一野真係凍到入骨........我可以着少衫, 但係就D頭髮唔可以唔放落黎....(及肩過少少.....天然頸巾)....我太怕凍親條頸同耳仔....哈哈
而家我着件棉褸, "cum"實頂帽, 拉高拉鏈, 只係露左對眼同鼻.....哈哈
想要暖既天氣....最快都要下星期一....最高20度了~
我吠完啦, 講番正題..~
原本我冇預佢會入呢個, 不過佢就係新味道.....因為零食屋冇幾耐之前先出"考生合格祈願"系列, 冇諗住佢又會咁新味~ 我又係牛魔王, 當然要試下啦~~
壽喜燒, 牛肉當然係主角, 不過牛肉既價錢偏高, 以前既家庭未必負擔得起, 所以有時加D豚肉入去, 在我眼中, 大家都係肉類, 都一樣好味~
我未食過壽喜燒, 不過大約都知咩味既~
有蛋味??? 佢真係好隱蔽下喎.....我完全食唔出....
佢既顏色同佢既原味 (鹽味)冇咩太大既分別, 都係咁上下......呈淺淺啡色~
事先申報, 我食果陣, 我仲傷風緊.....嗅覺唔係太靈光.....我只係聞到甜甜既醬油味~
佢呢個薯圈, 都係一貫既脆, 不過唔係要你"出盡奶力"果隻, 不過有咬口啦~~
食落去食到完全係壽喜燒既醬汁味~~~甜甜地既醬油味~~~
不過中間偏淡, 我就覺岩岩好~~~~ 相反我唔係太食到有太重既澱粉質味~~
"油益味"唔重...幾輕~
我一路食, 一路幻想緊, 如果有一日我真係食到100%牛肉壽喜燒, 我個樣會有幾幸福.....
因為我太愛食牛....
阿靜.....妳唔會今日都係冲凍水涼嘛!!
回覆刪除吓。。。。。。
刪除完全係沖凍水~~~ 沖完仲覺少少暖添......哈哈....因為我係外星人嘛~
刪除勁............沖凍水
刪除變態架架架。。。
刪除我係外太空生物嘛........不過我一樣都要用風筒既....哈哈哈
刪除我諗我屋企應該都有3度啩。。。
回覆刪除應該都唔會凍死我啩。。。
如果你再 吠 個天氣。。。
幫我吠多2嘢吖唔該。。。
呢啲燒牛肉味。。。
我真係唔多鍾意。。。
不過我都好想睇見你幸福嘅表情啊!!!
我再幫枝仔吠多幾野~~~ 好彩過埋今日, 2日之後, 氣溫升番~~
刪除阿靜!咁下下個post係咪會post妳個幸福嘅表情呢?
刪除好呀好呀!!!
刪除我係真人不露相...露相非真人.....
刪除又或者賭神上身.......只show背脊???