好多個

貴人都叫咳左個幾星期, 係琴日先叫冇咩點咳,

 

 

全靠暫戒沙牛同薯餅....

 

 

當我琴日去茶記食早餐既時候, 發生左一件小趣對答:

 

 

我一入到去, "泊"好架波子, 果位伙記就走過來 (係一位auntie, 平時同我都有計傾既)~

 

 

唔使佢問我, 我就"一輪嘴"講:

 

 

"繼續"叉燒意,

 

 

"繼續"茄汁腸炒蛋,

 

 

"繼續"方包多油, (冇得食薯餅, 要食牛油補數...哈哈),

 

 

"繼續"鴦走~

 

 

呢個係我近排咳, 食早餐既完美組合, 日日都係食呢個, 永遠都唔厭..~

 

 

個auntie碌大對眼, 話:

 

 

"你使唔使咁多個"繼續"呀??"

 

 

因為差唔多十次有七次都係佢同我下單, 所以佢唔多唔少都記得我食咩....

 

 

 

我係果種唔太喜歡轉變既人....所以我可以日日食同一樣野都唔厭...可以長達半年....哈哈....

 

 

睇怕...我呢個"繼續", 都要維持多幾日了.....