FritoLay Cheetos忌廉燉菜粟米條

呢個0係零食屋買既, 原價10.5元, 折左之後就9.5元~

 

 

 

以我記憶所及 (可能, 只係可能), 零食屋好似好少入FritoLay既粟米條.....多數都係7仔或OK有....

 

 

不過偏偏呢2間就係唔入......同埋一個就草莓祭ing, 一個就新年貨ing....

 

 

所以今次見到呢個都要支持一下....

 

 

同埋本身我都OK鍾意食"粟X燒"既~~~

 

 

唔講唔覺, 呢個冬天我都好似食左唔少忌廉燉菜有關既零食......

 

 

佢同"粟X燒"既大小與長度係冇咩分別.....可以話係接近一樣.....

 

 

就連粟米條本身既口感都好似~~!~!

 

 

好脆口架~~~不過佢呢個味就冇味粉"come"0係面~

 

 

味道本身, 佢一D都唔甜, 只係有既濃厚又香既忌廉味~~~

 

 

唔係唧0係蛋糕果D甜忌廉~~

 

 

同埋菜味亦岩岩好, 唔太有草青味...不過都可以食到菜味, 似西蘭花為主多少少~

 

 

LIKE~

 

 

都幾好味呢~~~

 

 

之後我都曾經見過佢一次, 不過因為"苗"到有新target巳放棄左....哈哈哈~

 

 









週一頭碎

• 哎呀...我個"古力倉"竟然吉哂?????????????
• 原來而家D盆菜都唔平喎......4百+....
• 黏太耐膠布, 對皮膚都唔係好事....今晚就試一晚一邊腳唔黏~
• 左腳差唔多好番, 右腳"篤"下都有少少痛...右腳仍需膠布.
• 點樣可以用最少既時間做最多既事, 執行得最完美....果間餐廳既員工...真係學習一下...
• 我地成家都食左誠實豆沙包.....
• 我係一個十分, 極之記仇既人......哼
• 去超市就梗係要排隊等俾錢架啦....唔等得就咪買啦...
• 點解有D商場仲可以播聖誕歌???
• 我好好彩....今個星期食到一次翠華既菠蘿包.....行運了

森永大咀鳥花生朱古力家庭裝

呢個0係萬寧買既, 19.5元一包, 一包入面有8小袋~

 

 

 

我都估唔到萬寧有呢D糖果賣~

 

 

佢都係擺0係賀年糖果那一欄架~ 我個人認為萬寧D賀年糖果好似多樣化少少.....

 

 

講番大咀鳥, 我直情未睇過呢套卡通片, 好似"亞X"播過既~亦知大咀鳥成日出新味, 都好似出左好多年啦~ 都仲係咁受歡迎~

 

 

我之前食過佢"薯仔味"古力, 係有少少薯仔味, 不過又好似冇咩WOW effect....

 

 

不過我就好似偏偏未食過佢最原味既花生朱古力喎...

 

 

難得遇上, 當然要一試~

 

 

 

佢既包裝都好適合擺0係全盒入面既, 不過你個全盒可能要比較大先得.....

 

 

大咀鳥......你好可愛呀~~~~

 

 

包裝既顏色好鮮明, 令人好精神~更想快D去"解剖"....包古力...

 

 

佢大約有8粒左右....因為每次食我都有數, 不過我既記憶係好短暫.....好快唔記得了....大約啦..

 

 

佢既大小, 大約同"MM"既花生古力差唔多~

 

 

呢個既表面仲要"令"D~ 0係未食之前, 我好主觀認為, 表面太"令", 個味道會好假...(因為累積太多EXP...)

 

 



(唔好意思, 太細粒, 而貴人對手係唔靈活果款....冇可能影到佢橫切面....)

 

食落去, 絕對唔係果回事~~~~雖然朱古力味唔算非常濃厚, 不過真正既主角0係花生~

 

 

我食到唔只淨係花生, 好似仲有少少威化之類0係古力同花生之間,.

 

 

食落去既可以食到花生香之餘, 又有多一重口感~

 

 

一包實在太少.....唔覺唔覺就食哂....

 

所以佢只係0係我既宮殿僅僅生存左數天....哈哈哈

 

小病一場

0係呢D一時又濕, 一時乾, 一凍一暖既日子,

 

 

連人都好易病, 何況家禽?

 

 

我都唔知點解我會加入"傷風感冒大軍".....好彩我只係small potato...

 

 

即係只係流鼻水, 不過又鼻塞.....初時係有少少喉嚨唔舒服, 肌肉有少少痛,...

 

 

不過0係家人既"強迫之下, "迫"左我買藥食....

 

 

原本我想用天然療法架....即係乜都唔做, 照平時既生活模式......

 

 

 

不過既然家人都話藥錢佢地找數....當然樂意之至啦~

 

 

講到底...都係錢作怪...

 

 

未食之前, D鼻水就係隨傳隨到....

 

 

食左之後, 就好好多, 次數減少好多~~~不過都係鼻塞塞地........聞唔到咩味咁滯......

 

 

不過咁喎...我食果隻藥唔係"無睡意", 係食左會眼訓...不過我食左竟然好精神....

 

 

算啦, 我但求唔好頭痛就可以啦....

 

 

下星期初又凍番, 都係要食多d野保暖了了了.....哈

 

 

我

OREO草莓牛奶夾心軟曲奇

呢個0係7仔買既, 28元一包, 一包有10小包, 獨立包裝~

 

 

呢個係同之前果個OOO一齊買既~

 

 

不過我買果陣佢就被擺0係相當唔起眼既位置....

 

 

佢呢個軟曲奇, 我對佢既評價係壞多過好....壞既係佢唔太重OOO味....二來佢出新味道唔及迷你包咁快....

 

 

不過我係OOO既粉絲, 就試下啦~

 

 

我幾鍾意食日本零食既原因之一係, 好多時都有零食既"解剖圖"~令我更清楚入面有咩~



都係迷你包~ 個包裝都好少女, 帶有少少夢幻感覺~

 

 

佢呢個係軟曲奇, 嚴格黎講我本人覺佢似蛋糕既質地....

 

 

完全唔似曲奇, 又唔係軟...唔係"Mrs FiXXXs"咁軟...偏似蛋糕...

 

 

不過就係偏濕既蛋糕....

 

 

食起上黎可能麻煩少少, 因為有少少碎走左出黎...除非閣下一口食哂啦~~~

我冇可能"擰一擰"佢, 睇下入面係唔係有草莓醬....掀又唔係....一掀就爛哂......

 

OOO味一如以往, 貫徹左佢軟曲奇既作風...係唔太出既...

 

 

至少比之前果個post 既差好多.....不過又未至於冇...少D咁啦~~

 

 

草莓醬係"軟pat pat"既, 清淡既草莓味, 既不甜也不酸, 同呢個軟曲奇都叫"OK有計傾"既~

 

不過就草莓味可以濃少少就再好D~因為都係幾清淡下...

 

 

呢個合格有餘, 不過比之前果個OOO差...

 

尚可一試~

 

 



Oreo草莓牛奶脆朱古力

呢個係7仔買既, 13.9元一包~~

 

 

P.S. 而家零食屋都有賣, 好似仲平少少~

 

 

懶左幾日, 都要寫番D食X3~~

 

 

不過由琴日開始, 貴人開始流鼻水,又鼻塞....真麻煩....

 

 

唯有....訓多DD咁多多啦...

 

 

0係一時濕一時乾, 一時暖又一時凍既日子....大家要好好保重.....

 

 

7仔而家好似promote"草莓祭", 即係有好多草莓味既零食~ 都係古力之類....

 

 

我只係留意到OOO.....今次7仔入左2隻OOO, 我都有買, 一係呢個, 另外果個我聽日再講~~

 

 

佢呢個迷你包, 一直都有出新味, 隻隻味既質素都好高, 令我唔會太計較價錢~~ 雖然之後知零食屋有售, 係就係"唔鋸"....不過"早買早享受"....

 

 

 

佢大約有一節手指咁長, 絕對係可以食得好方便~

 

 

佢今次呢隻味, 係將草莓牛奶醬為topping sauce, 唔係撈埋0係入面,

 

 

大家0係相入面見到淺粉紅色, 斜紋既就係佢啦~~~

 

 

係就唔係多, 不過佢輕輕既酸甜味就同OOO好夾, 始終OOO先係主角...唔可以"妹仔大過主人婆"嘛~~

 

 

而OOO呢個, 係好脆, 佢本身既白色夾心包實OOO, 不多不少, 成個古力balance得唔錯~~~

 

 

十分OOO~~~~~

 

 

入面都有相當多既OOO呢~~~

 

我唔係一次一粒, 而係一次2-3粒....所以"炸"一聲就...哈哈哈....

 

唔錯唔錯~

 







早早早

嘩....使唔使咁早就擺哂陣呀???

 

 

仲要唔係琴日開始...係早4-5日開始既....

 

 

我想講既係超市.....咪呢個月底就到農曆新年啦,

 

 

而我住呢個屋邨既"百X超級廣場"就比以往更早擺年貨...

 

 

餅乾呀, 糖果呀, 古力呀......多到呢...比對上果年多1/4...

 

 

佢係超級廣場, 鋪面既面積比超級市場更大.....

 

 

平時擺台灣, 韓式食品既全部消失...

 

 

最搞笑既係, 連抽濕用品果格都被"徵用"....搞到我買唔到...

 

 

使唔使入咁多呀......賣唔哂就知味道....到時又咪係要減價...

 

 

D貨就疊到到好高..."金莎山", 藍罐山", "麥提莎山".....統統出哂黎....

 

 

全部都高過一個正常成年人....

 

 

我少D駕駛技術都唔得.....

 

 

呢個故事教訓我, 下次想買抽濕用品, 就要同佢鬥快.....

 

 

哈