卡樂B厚切韓式紫菜味薯片

呢個0係日本城買既~ 原價8.9元一包~ 買2包 (同味)就15.9元~

 

 

我都有好幾日冇寫零食了~~~ 請見諒....

 

 

又係一個期間限定~~~~ 我都唔係好記得係唔係新野......不過我好似未試過喎......就試下啦....

 

 

因為我本身好少食紫菜....

 

 

不過近期興韓風嘛,,....參與下啦~

 

 

 

查實我一直都唔知韓國紫菜同日本既有咩分別...一直唔知...

 

 

直至有日贂<都市閒情>, 先知原來係加左麻油~~

 

 

岩哂我呢個麻油怪......以前0係英國讀書果陣, 自己煮嘛,, 醃肉一定加多多既麻油....哈哈....

 

 

連冬菇雞飯都加.....一個麻油怪...就此誕生了....

 

 

不過呢個麻油怪係唔鍾意0係一丁加麻油....呵

 

佢雖然外表都幾普通, 不過"索" (哈哈哈)完之後就聞到一股麻油味~

 

 

佢既香味唔算好濃, 都係中等多少少~ 都幾易入口既~

 

 

因為主角都係紫菜....總唔可以"妹仔大過主人婆"...

 

 

D紫菜雖然係就係碎左少少, 不過依然仲可以吃到紫菜味, 有少少鹽味"吊"下, 唔錯~

 

 

佢同麻油味都幾friend喎......

 

 

大家既比例都係 5:5咁上下啦~~

 

 

由於佢有齊我愛既元素...我巳經encore左一次了~~~

 

 







永不夠

我而家起身飲一罐啡....

 

 

飲完都叫好精神....

 

 

不過兩, 三小時之後....

 

 

就開始跌WATT.....

 

 

會突然斷電, 突然可以鬆手.......好彩未試過跌野....

 

 

之後就異常嗜睡....

 

 

不停釣魚....

 

 

釣至天荒地老....

 

 

之後落街食早餐又來一杯凍央....飲完仲精神~

 

 

好彩飲完之後就冇再釣魚....因為要打機啦, 聽903啦.....總之D野排住隊...

 

 

唔會俾我有一刻安寧.....

 

 

不過當我攤0係張床既時候, "安寧時刻"又來了....

 

 

又突然斷電....我就知道0係時候要訓了....

 

 

我知啡呢樣野, 真係一杯起, 兩杯止....唔可以太多......

 

 

但係對我黎講...好似再多既啡都係唔夠......

 

 

我都要keep搵野俾自己做...

 

 

例如追劇??? 我又唔想追"西遊"..."X Club"....

 

 

都係上GOTV睇番之前既好少少......

 

 



週一要碎

• 等我下次整大D個魚餌先.......王兄.....
• D檬粉愈來愈難食.....下次都係食其他好了.....
• P.C. 出左新糕餅...我一定會逐一"點燈"...
• 我發覺...原來我係唔鍾意飲奶味重既啡......少少好了...
• 我有幾耐冇食過麥記11時後既餐呢??? 1年? 2年???
• 好耐冇見過藍天.......真開心~~
• 王兄......唔買對唔住自己呀.........減左咁多.....
• 呢排愈來愈冇癮....零食屋入D貨好似.......唉.....
• 我好想飲歐亞果隻微糖啡......超市幾時先有?
• 一起身就"喪"流鼻水......繼而塞埋.....oops....
• 呢D天氣......唔涼又唔熱......好易病.....一家幾口, 中哂招...

一紙婚書

我都好想有人同我輸入中......

 

 

我都好想有甜梳.....

 

 

 

我上哂腦了......

 

 

係就係琴日有人同我輸入中.....

 

 

不過果位係我既舊同學....係女性來的...哈哈哈...

 

 

傳來一個不好既消息....

 

 

就是她同丈夫分居了...一段兩年幾既婚姻, 長跑感情可能要劃上句號了....

 

 

當我得知, 我不感到意外, 因為都係我預期之內.....

 

 

不過一段長跑感情就此結, 雙方付出既代價都未免大左少少...

 

 

 

她的朋友為她感到可惜, 其實未必, 可惜係她的朋友感到可惜,

 

 

可能她本人感到釋懷....

 

 

我總不可以將自己感覺強加別人身上....

 

 

不過我諗一紙婚書代表什麼? 簽唔會離? 一定唔係.

 

 

簽完可以一生一世? 又未必係

 

 

唔簽好D?

 

 

 

 

如果我可以遇上樂先生.....我又唔介意簽....發夢ing.....

可一不可二

雖然我都算係好專一既人.....但間唔中都想"出軌"既..

 

 

哈哈...不要誤會....."此軌不同彼軌也"....

 

 

我都食左好多日早餐既叉燒意....

 

 

琴日突然好想食沙牛意.....

 

 

我以前係日日食....後來有一日我終於覺佢幾鹹...幾濃味..

 

 

為左"副計"....都係少食啦....

 

 

連薯餅都少食左...

 

 

我呢排因打機而十分唔夠訓, 如果仲日日沙牛+薯餅....

 

 

睇怕我都可以"回春"了...即係生豆豆....

 

 

一次咁多啦......

 

 

我真係好想食...

 

 

於是吃了....好味plus好味~~

 

(幅圖係之前既post用過既~)

 

 

愛佢有好多蒜蓉.......

 

 

 

不過到我臨上床要覺覺果陣....

 

 

弊了...

 

 

疑似"喉嚨痛"?!?!?!?

 

 

我一咁樣, 好大機會流鼻水呀, 鼻塞呀...咳呀.....全部一齊黎....

 

 

我唔想0係一個春天病咁多次呀...

 

 

於是都係早DDDD又咁多多訓...

 

 

 

幸好...(touchwood), 今朝起身冇哂事....

 

 

沙牛.....睇怕我想點你"燈"....都再隔一排了......



Mos Burger 番茄雞珍珠堡

如果再唔出呢個post, 肯定變成沉底post or過期post...

 

 

因為呢個係期間限定既包包~

 

 

上次食果個鰻魚珍珠堡, 味道真係唔太好....

 

 

不過依然無損我對Mos Burger既喜受, 因為佢又再出新包了~

 

 

有錯字了.......蕃...茄...

 

 

哈哈....近來熱衷捉錯字.....因為我好堅持一定要正字....

 

 

我都唔記得左幾錢啦, 同一般佢既漢堡都係差唔多價,

 

 

我要左珍珠堡+ 摩斯炸雞+ 抺茶咩咩...(咩咩係咩咩....係我唔記得咩咩係咩咩lor....)

 

 

成個餐就5X元~

 

 

我都好少理....因為有王兄找數....

 

 

我唔食新鮮, 一舊舊既番茄, 沙律番茄....誓C不食.....

 

 

不過煲湯番茄, 焗豬扒飯入面既番茄...我又會食....哈哈~

 

 

今次我見唔到塊狀既茄....所以OK~

 

***********************

 

個珍珠堡, 難免食起黎有少少"呢hea", 因為佢太軟熟,

 

 

表面唔太crispy, 不過D飯又幾chewy.....又不過D飯好容易唔團結....一咬就自動分體....(下次還是吃普通漢堡好了)

 

 

個醬就幾似西式既, 因為佢唔太甜, 甜度係一般,

 

 

因為佢加左香草0係入面, 所以食到既係香草味多~

 

 

唔係只係茄醬加糖果種味~~~good~

 

 

不過塊芝士就整唔溶...佢依然都係好堅持係塊狀....哈~

 

 

不過要讚下既係, 塊雞扒真係十分十分嫩, 唔係生, 佢地拿捏煎果個時間岩岩好~~~

 

 

好juicy~ 同埋...有我愛既雞皮....煎得好好味....

 

 

55555....

 

 

又不過D生菜係凍凍地....再55555......

 

 

呢個都唔錯既~ 可以試下呢~~~

 

綿綿綿

春夏交替, 又係綿綿細雨既日子,

 

 

差唔多呢幾日都好似落雨....琴日仲好似落足一日...

 

 

好彩溫度亦唔係高, 叫涼涼地, 又係東風,

 

 

所以冇咁唔舒服, 訓覺都被比較安樂....

 

 

不過, 我唔係咁鍾意0係落雨既時候出去,

 

 

點解?

 

 

因為地下總係濕到一撻撻.....D水"tum"到處都係...

 

 

雖則冇法子要食早餐, 不過總係介意個"輪"污糟.....

 

 

所以就要儘量避開D"tum", 返到屋企果陣就抺一抺個輪啦~

 

 

好快又到打風既季節.....希望到時唔好太大雨....

 

 

我巳經好掛住秋天.....好想快D黎...

 

 

春天都好似仲未完, 咁快就想秋...

 

 

 

睇黎我都未訓醒...

 

 



吉野家羅宋湯早餐

數一數, 我好似好耐冇食吉野家啦....

 

 

一來顧住我既打機"業務", 二來....懶LOR....

 

 

所以都係趁出巡經過吃一吃先~

 

 

我好鍾意飲羅宋湯架, 去親茶餐廳吃午飯就例叫呢個~~

 

 

我鍾意飲酸酸地既湯...不過我唔鍾意食酸酸地既餸.....異常有趣...

 

 

**********************

 

原本我只係諗住食牛飯, 見到呢個就梗係要試...不過係唔係新野黎呢?

 

 

因為好似以前都出過相類似既東東???

 

 

我簡左要烏冬 + 午餐肉+ 煎雞~~~ 加2元要凍奶茶~

 

 

成個餐就: 25.5元+2元=27.5元~

 

 

由於係王兄去買, 當然我就梗係"橋"起對手等食啦....呵呵~

 

 

由於我係要煎雞, 相對比要牛肉, 湯上面既油份就好似少DD,

 

 

湯既味道都似似地羅宋湯既味 (唔好將佢同大家X果D比較), 不過就淡身少少...

 

 

番茄又未至於冇哂, 中間偏淡啦~

 

 

又有DD番茄碎既, 就真係果DD....~

 

 

煎雞, 大家唔好期望係好彈牙, 好juicy, 因為佢都係用番本身吉吉家一向既煎雞,

 

 

係少少"鞋", texture稍為硬少少, 塊皮就再稍為lon少少.....只要你食過吉吉家既煎雞飯, 你就會知係咩味~~

 

 

不過我都幾BUY呢個煎雞, 咁先似食緊吉吉家~

 

 

不過數量就唔多, 可以話係少, 我冇記錯好似3-4舊?

 

 

塊午餐肉, OK厚架~ 冇咩好彈~

 

 

烏冬呢, 係好好彈牙呢~~~ 好就好在唔係煮到爛哂~

 

 

 

不過食完成個早餐, 我既感覺就係:

 

 

"好似冇食過"...

 

 

可能我個胃係黑洞.......

 

 

哈哈





休息一天

咆哮auntie琴晚又咆....

 

 

佢呢排好鍾意0係果個鐘數咆....

 

 

咁岩佢咆果個鐘數就係我訓得比較好既時段....

 

 

衰在佢又唔係喪咆...

 

 

怪就怪我太好"耳"...

 

 

完全聽到佢咆咩.....來來去去都係"果幾幅被"....

 

 

最弊我一醒之後就訓唔到...一來佢咆, 二來我好八想聽佢咆咩...

 

 

0係"自己搵自己笨"既情況之下......

 

 

我就眼光光..

 

 

結果就....

 

 

55555....

 

 

都係休一日, 聽日再寫好了.....

 



週一首碎

• 琴日終於買到了.....想換很久的東東...
• 又食到一件cake, 不過比我想像中....差很遠....
• 睇左無記下午播一套電影...睇來睇去....都唔知"up"乜....可能我領悟力有限...
• 數數下, 世界盃仲有唔夠60日就開波~~~有少少興奮~
• 蟬叫了.....久違了....
• 收到遠方朋友寄來的禮物~ 真開心~
• 數一數...又就快覆診.....萬里長征.....>.<
• 我係對食有要求, 而唔係挑剔....哈哈...
• 有要求, 可以係合理, 不過, 挑剔, 大多都係不合理...
• 唔知最後茹小姐可唔可以同波鞋爸爸一齊呢???
• 唔好玩我啦...王兄....我識你咁多年....你想引我入局.....好難啦....

馬莎焦糖脆脆夾心朱古力蛋

呢個0係馬莎買既, 13元一顆~

 

 

而家放緊復活節假, 就來一篇復活節零食啦~

 

 

以前仲0係英國既時候, 就真係好少行馬莎, 因為嫌太貴...即使係食品部....

 

 

而家就....好想行...哈哈...好彩出巡去果個商場係有馬莎既, 叫做可以解我"半邊"思鄉之愁啦~~

 

 

HK馬莎賣既野雖然比本部既少, 不過D西方節日好似聖誕呀, 萬聖節呀, 復活節呀, 出既商品, 香港都可以搵到, 都叫幾齊~~~

 

 

*************************

 

 

佢呢隻蛋一共好似有3隻味道 (包埋呢個在內), 不過我唔記得係咩味了....因為好似唔太吸引我.....

 

 

同埋13元一顆...係就係有少少貴.....不過我要定期食"解思鄉病藥"既關係....一次半次啦~~

 

 

***********************

 

 

佢呢個唔大顆, 一個人食也可以~ 如果貪心少少, 一口都可以擺入口~

 

 

由於我食果陣既天氣仲未有呢幾日咁少少熱...所以古力蛋既外表仲可以保存得好好~~

 

 

 

嘩...初初我仲以為中間既焦糖夾心係"實屈屈"既,

 

 

點知又唔係喎, 係流心架~ 不過又未至於係"激流"果隻~~哈~

 

 

完全令我有驚喜~

 

 

我似乎0係古力同焦糖心之間食到一D好似脆脆既東東...0係相中係見唔到既,

 

 

係就係好薄, 不過就偏偏可以有化學作用, 增加口感,

 

 

又令整體既味道冇咁單一~

 

 

叫得焦糖古力蛋, 就梗係甜~ 不過就唔算係死甜~~~

 

 

我都好少何讚焦糖古力好食......因為主要係個薄脆同流心之外, 同埋佢係....來自英國...呵呵

 

 

 

我好想你...UK







山芳薯片 - 壺漬燒肉味

呢個0係零食屋買既, 原價10.8元, 八折左之後就8.6元~

 

 

請注意, 呢個我係0係八折果陣買既, 平日唔係呢個價, 買之前留意一下啦~

 

 

**************************

 

 

我好鍾意食燒肉味, 燒雞味, 壽喜燒味既薯片~ 因為愛佢既濃味~~~

 

 

我好少好少...真係好少買鹽味薯片....因為大家價錢差唔多......只係鹽味....好似蝕左少少....哈哈~

 

 

加埋之前都成日食山芳既薯片, 都幾好食, 所以都想試一下~

 

 

******************

 

真抱歉...我都唔知"壺漬"係乜東東......於是上網查, 又冇咩好詳細既資料....

 

 

照"字面"估, 應該係擺D肉入去壺, 再醃佢?

 

 

 用咩醃, 醃幾耐...我統統都唔知.....因為查唔到...

 

 

 

佢係薄薯片, 同"熱X"既厚度差唔多, 顏色亦唔見得好深, 都係一般色...

 

 

不過0係薯片上面有唔少好似"鹽"既物料......我都唔知係味粉定係鹽....

 

 

唔...一咬呢...都好濃味....偏濃, 不過又未至於立刻要飲水既~

 

 

味道有少少似燒牛肉乾既味~?

 

 

愈食就愈覺食緊一塊牛肉乾~~~ (豬肉乾都似~)

 

 

如果可以多番少少油脂味就好少少~

 

 

不過而家都叫唔錯~

 

 



閉塞

最近, 有好多野都閉塞......

 

 

鼻塞......

 

 

腦閉塞......

 

 

 

我竟然對住部電腦成半粒鐘都諗唔到寫咩....

 

 

可能近排入唔到零食屋, 因為佢D貨返得太多太雜....

 

 

又擺到密密麻麻, 我根本只可以0係門口"望望貢".....

 

 

我唯有0係假日同王兄出巡果陣去大D既零食屋...

 

 

同埋, 近排硬係覺...大家對寫blog既熱情好似冷卻左....少左人寫...

 

 

我希望我可以搵番D新衝擊, 令我再有動力.....

 

 

因為, 總有D題目我係唔會講...例如, 政治...

 

 

因為而家實在都....唔唔....唔想掀起罵戰...

 

 

同埋, 近日都想到唔少唔太好既消息, 雖然唔關我事,

 

 

不過心情唔多唔少都受影響....

 

 

我唔係好想寫blog變成例行公事, 好似寫report一樣....

 

 

我好需要搵多D fun.....

 

 

hahahha....

 

 

聽日, 總有的....是零食or 食?



卡樂B厚切雞清湯味薯片

呢個0係日本城買既, 8.9元一包~

 

 

*************

 

 

你冇睇錯, 我亦冇打錯, 我真係0係日本城買既~~~

 

 

事情係咁既, 因為我要去日本城買抽濕袋, 見收銀機旁有多款零食賣,

 

 

好似日本碗麵, 薯片...同罐裝咖啡...(仲要係我既最愛UCC微糖~)

 

 

價錢都叫平, 比超市平一截, 有D貨品比零食屋貴DD, 不過有D又比零食屋平....

 

 

薯片佢都好似得卡樂B, 不過都有3-4款, 都好似係同一條line, 厚切~

 

 

8.9元, 分分鐘0係超市買一包本地薯片都差唔多呢個價錢, 橫掂都買野, 就試下啦~

 

 

 

我好少食鹽味薯片, 因為覺普通左少少, 所以我比較常吃既係清湯味多~

 

佢都比一般厚切薯片稍為厚, 不過咬下去仍有卜卜脆既感覺~

 

 

薯片亦冇因為天氣濕巳沾上太多濕氣, 都叫幾乾爽~

 

 

我仲以為有少少"ma ma麵"既感覺, 不過完全唔係果回事,

 

 

係有好多種蔬菜味既湯~~~~

 

 

以番茄味, 洋蔥味為主~ 好易入口~

 

 

亦唔會鹹~~

 

 

相反雞.....味就.......哈哈....要登報了...

 

 

每食一塊就好似食緊"高純度"既什菜湯一樣~~~好味~~~哈哈哈哈哈~

 

 

唔錯唔錯.....

 

 

因為我買既時候, 佢都係岩岩上架冇幾耐....

 

 

所以我搵唔到營養標籤...

 

 

不過當我隔幾日再買既時候, 巳經有貼紙了~

 









週三D碎

• 睇左"食平DD"...我而家先知可樂雞翼到最後係煎的......
• 我未睇哂"法證3"...就追"談情說案'~ 犀利妹俾Kingsley睇佢割手個傷口, 我覺佢地handle場戲好好...一個就快被逼入末路, 一個就十分內疚...而最後Kingsley果場感言...令我好touching...
• D 天氣真係好麻煩.....一時涼, 一時熱....一時濕..一時乾....差D又中招....
• 上一年某品牌出新機....岩岩又出新既......熱烈討論不復再了.....佢D質素又係差少少既~~
• 我對於扭蛋.....停留0係2元一次, 扭"彈彈球"果個階段...而家扭蛋機進化到可以用八達lon找數...
• 而家有少少熱...可以飲凍野啦~~凍央少甜, 要出動了~
• 做人最緊要有衣食......要惜食.....唔食既就唔好叫啦.....
• 今年通識科試題都唔算難......一步一步解開, 平時有睇新聞就可以啦~

桃哈多黃金男爵薯圈 - 牛油味

呢個0係零食屋買既, 原價14元, 8折左之後就11.2元~

 

 

請注意, 呢個我係0係八折果陣買既, 平日未必係呢個價, 買果陣睇清楚啦~

 

 

**************

 

先update 我既status, "血崩"巳經完全停止~ 精神哂~~~

 

 

所以今日好有充勁去打零食~

 

 

**************

 

 

桃哈多,佢間唔中都出一D比較細包少少既薯圈, sell精緻~

 

 

我見好似未食過呢個味, 咁岩又有8折, 就買下啦~~~

 

 

我諗所謂既"黃金伯爵", 應該係薯仔既其中既一個品種????

 

 

叫得"黃金伯爵"...味道會唔會好elegant???

 

 

有粉??? 咩粉先....又係"此粉不是彼粉也"....乃是"不知名的粉", "X粉"也可以...呵呵...

 

 

我又唔覺'X粉"有咩特別味...,.

 

 

只係覺薯圈比桃哈多同一條line, 大包少少既, 個厚度同硬度都差好遠....

 

 

呢個明顯厚好多.....形狀比較似放大左既通心粉..~

 

 

要出多少少牙力去"粉碎"佢....

 

 

我食第一口巳經"超乎我想像"....

 

 

因為我預期又或者係我認為佢係一個鹹既零食...

 

 

殊不知, 佢帶有清甜味, 唔係甜....

 

 

因為呢個牌子既薯圈一向以鹹味居多....甜味既好少.....

 

 

係有少少唔多慣, 因為一心想食鹹既...點知黎左個甜甜地既.....

 

 

不過絕對唔難食...~都好易入口, 唔太有好重既澱粉質味,

 

 

不過就真係..."黃金"在哪兒??? 哈~

 

 

合格合格.....

 

 

後來我睇番個包裝, 加埋粟米味....咁有趣? 唔怪得之甜甜地啦~

 

 







最少最多最好

我成日都講,

 

 

點樣用最少既時間去做最多既事,

 

 

從而可以做到最完美, 有最好既效果~

 

 

事前既planning真係好重要,

 

 

所以我好多時都plan好哂我果日要做D咩,

 

 

我唔會俾個plan 飛出我既"手指罅".......哈哈...

 

 

當然, 亦要做好風險評估....

 

 

意外意外, 意料之外....

 

 

冇法子, 我係讀商科出身, 又簡accounting黎讀,

 

 

我份人一向都好現實......

 

 

有時我都會諗, 如果我中三升中四簡科既時候, 唔簡商科,

 

 

我會簡咩科? 一定唔會係computer, history.....

 

 

哈哈......

 

 

 

由於依然"血崩ing".....所以唔打太多啦~~~~

 

 

不過精神比琴日好左~~

 

 

聽日實寫零食~ promise!

強休一天

原本諗今朝打多一篇零食,

 

 

點知我每個月最怕既事要來了....搞到我訓又訓得唔安樂....

 

 

仲腰都實埋....

 

 

訓唔到之外又走去打下手機...

 

 

咁就係訓唔到+訓唔到...

 

 

所以今日精神唔太好....

 

 

決定休息一天.....

 

 

 

聽日回來復寫~~~

中的人

琴日, 當我食完早餐, 去完日本城買野 (有88折.....太抵)之後,

 

 

回程就去OK買G-Zone,

 

 

我當然會排隊啦,

 

 

因為0係我前面有位auntie又要退樽, 又要換禮物, 所以我都等左一陣...

 

 

我冇所謂既, 因為買野俾錢就梗係要排隊,

 

 

只要唔好太過分就可以, 例如你一路收錢一路同客人傾無聊野, 又"慢慢貢".....

 

 

終於到我啦, 有位相熟既收銀想趕上黎幫我收錢,

 

 

 

不過我等緊果個岩岩收完錢, 就話:

 

 

"阿妹唔介意既, 文明人嘛~"

 

 

呢句話呢, 有潛台詞:

 

 

佢想cum熄我把火, 俾"糖"我吃....

 

 

令我即使想開火亦唔好意思開火...雖然我一D嬲既意思都冇....

 

 

只不過係冇咩表情.....

 

 

我都"彈"左一句:

 

 

"我雖然0係野蠻, 但係都文明既~~~ 哈哈哈"

 

 

因為我係住0係"野蠻谷"入面, 不過就進化左少少既野人.....

 

 

雖然帶有強烈既"野蠻基因", 不過經過年月進化, "文明基因巳經植入了......

 

 

只要你講得羸我就可以.....呵

桃哈多端午節版 - 紫菜鹽味

呢個0係零食屋買既, 原價12元, 折左之後就10.8元~

 

 

基本上我好少買呢個黎食.....

 

 

因為桃多多將薯圈分成兩條line, 薯圈同薯戒指 (個名係我作既), 我食前者居多~

 

 

不過都食到冇野可以再食.....就食下啦....0係我印象中, 好似未食過紫菜鹽味~

 

 

原來日本都有端午節..? 不過我上wiki搵過, 原來日本既係將希望男孩既家庭0係門前同不同物料去畫鯉魚圖案....

 

 

不過我睇小丸子, 好似就算生左男嬰既, 都好似會掛? 定係個trend變左, 變左祈求寶寶身體健康?

 

 

不過我就真係諗唔明兩者 (鯉魚旗同紫菜) 有咩關係.........

 

 

佢比薯圈要來得闊, 稍為薄身少少 (不過都係要用少少牙力去咬)...

 

 

仲有, 擺到明俾你將佢"圈"0係手指fing fing 貢.....

 

 

講完外表啦~

 

 

佢既表面鋪滿左好多"碎修修"既紫菜碎, 數量可不少....

 

 

不過當我第一口食, 唔...

 

 

都OK有紫菜味, 未至於係好"腥亨亨"果隻~ 不過係幾清楚食緊紫菜既~

 

 

不過呢...我稍為覺鹹左DDDD咁多多多....

 

 

食緊要加倍小心, 因為如果你想"一野"倒入口.....睇怕閣下個口都要闊少少...

 

 

因為佢扣住左, 又或者係疊埋, 好易一倒就倒成群lor...

 

 

唔...合格...不過我搵唔到encore既理由.....因為普通左少少~