不停的嘟

諗下呢個春夏, 我係不停咁病.....

 

 

幾乎個個月都有....有時好彩到一個月2次....

 

 

又咪係傷風果D.....

 

 

呢個時候, TEMXX就成為我家must have item......

 

 

我經過食完"B理痛", 都好似冇咩太大改善......

 

 

之後就寄望周公子可以K.O.佢...~

 

 

我訓得唔好, 成晚都出汗...我懷疑發低燒....

 

 

不過喉嚨痛就持續有改善......

 

 

到頭先起身, 成個人既感覺都好好多~

 

 

都係食多幾次藥.....

 

 

之後, 我仲飲大半支凍水~~~ 冇錯, 呢個時候一定要以毒攻毒.....

 

 

又有效喎~~~~

 

 

不過就要戒一戒薯片啦.....

 

 

希望訓埋今晚會再好D~~~~

 

 

 

聽日先有食....X3~

作病ing ing

天氣太熱了.....不過總比前日好...

 

 

又不過都係熱到訓唔好....

 

 

結果今朝又流鼻水....不過就唔似係平時果種....

 

 

成個人"慶慶地"...

 

 

似係作病.....

 

 

唔好玩我呀.....

 

 

 

都係食番粒藥穩陣D.....萬一....一個萬一.....點算???

 

 

所以今日都係....一切從簡....

 

 

關門一天....

 

 

 



早都咁熱

嘩.....落左雨幾日後, 涼涼地既日子暫停離我地而去了....

 

 

酷熱既日子再度降臨....

 

 

33度呢...

 

 

有D地區就更加唔只咁少.....

 

 

熱唔係一個問題...又濕濕地....又冇咩風先係最大問題.....

 

 

成個人都好悶......

 

 

 

D汗痴住條頸.....好唔舒服....

 

 

最最大大問題係, 連晚上.....過左12點都有DD熱...

 

 

有時, 睇睇下電視吊左魚......訓果唔夠十分鐘...就巳經條頸出哂汗....

 

 

最大既娛樂同享受就係食早餐既時間....

 

 

因為我光顧開間茶記夠大間, 同佢又OK熟.....

 

 

最好既就係佢唔趕人走~~~ (午飯時間除外)可以坐耐少少都得~~

 

 

一路歎強勁既冷氣, 一路飲冰凍既凍央.....再望下世盃簡報....

 

 

再玩下手機....

 

 

真係人生一大快事~

 

 

不過, 出商場果一下又係好難受......果下焗...不過離開個冷氣出風範圍就好好多~~

 

 

我好明白夏天係要熱.....不過可唔可以唔好連早上都咁樣樣呢...???

 

 

秋....呀秋....我好想你哦..

 

 

 

週五又碎

• 雖然唔係咩新鮮既新聞...不過意大利出局真係好令人驚訝.....
• 不經不覺世盃巳經過了一半....
• 琴晚又開始熱了.....
• 原來今年西曆九月七日就立秋?
• 我好應該搬番去英國....因為唔太熱.....仲好凍...
• 又再流鼻水....好煩...
• 如果計埋八折在內, 都係同一包薯片, 零食屋同7仔差太遠了...前者平
• 而家D學生巳經開始放緊暑假啦?~?
• 以前就好怕數學, 而家就好鍾意....特別鍾意錢......哈哈哈
• Mos Burger出左和牛新包? 好似幾岩我呢個牛魔王....
• 幾搞笑喎......."電腦效果".....

山芳薯片 - 巴西BBQ味

呢個我0係零食屋買既, 原價10.8元, 8折左之後就8.6元~

 

 

請注意, 呢個我係0係8折果陣買既, 平時唔係呢個價, 買果時睇清楚啦~~

 

 

有成幾個星期冇寫零食......都係果粒可惡既痱滋.....

 

 

不過而家我都唔係每日一包, 隔日啦, 始終呢排唔夠訓, 驚又再黎過~

 

 

呢排世盃, 真係乜都可以同佢扯上關係.....

 

 

難得出巡時又可以入到去零食屋 (我巳經放棄屋邨商場果間...次次都入唔到.....D貨又亂....), 有新薯片喎, 仲要巴西味......都要支持一下....

 

 

雖然我唔係巴西球隊既粉絲....

 

 

呵呵.....其實想滿足一下薯片慾....

 

 

 

BTW, 咩係 maka sauce???

我係一名食肉獸....BBQ味既薯片好岩我~~~

 

係薄薯片~係幾脆架~ 每塊都keep得好好~~

 

 

呢個味, 係我從未食過既, 相類似既都未食過......

 

 

佢完全唔辣, 少少都無...好岩我.....

 

 

每一片都係好多紅紅地色既粒粒, 初初我以為係七味粉...不過呢個係巴西BBQ味...又唔會有佢既出現喎.....

 

 

我都唔知係咩了....

 

 

整體既味道, 如果要我搵一樣食材去形容, 我"gan 粗"咁講係海鮮醬...

 

 

又可以係甜醬.....無錯...

 

 

真係好似......甜甜地, 不過又唔係甜得過份,

 

 

因為當中有少少番茄味~

 

 

係就係新奇左少少.....不過都叫OK好味既~

 

 

 

 

 

 

 

先甜後苦

呢幾日, 落雨下個不停, 至少我呢區係.....

 

 

佢唔係傾盆大雨, 係好密既中雨...哈哈.....

 

 

有時, 天未光, 真係望唔到出面係唔係落緊,,,...

 

 

想知係唔係落都好簡單.....除左嘈唔嘈之外, 仲涼唔涼....

 

 

因為開始落雨果一剎那, 周圍既氣溫都會變低,

 

 

自不然會感受到一陣涼意~~~

 

 

果陣的確係幾爽架....

 

 

不過當日出之後, 氣溫又會變高, 同時蒸發地面既水.....

 

 

一陣水既氣味....同非常焗既感覺.....

 

 

令人周身唔聚財......

 

 

果陣我都係拿拿臨返屋企好.....

 

 

開門, 同窗形成對流, 會特別扯風....

 

 

唔開風扇都OK架~

 

 

大暑都未到....真係唔知可以去到幾熱了....

 

 

唯有飲凍野了....哈哈哈~~~

 

 



真的解禁

太好了...........

 

 

經過幾日既試驗......琴日又食左包薯片....

 

 

完全接受到~

 

 

乜事都無~~~~

 

 

終於可以解除薯片禁令了.....

 

 

太好啦....因為有好一陣子冇食....

 

 

愈係唔可以食, 就愈想食....

 

 

忍得有少少辛苦......

 

 

好快....最快聽日有薯片post了~~~ 請等多一陣~

 

 



週一先碎

• 我呢D人.....冇波睇又想睇....得到有既時候又想訓......哈哈...
• 下完雨後既翳焗....真係唔係講少.....
• 不過真係流少左汗...訓都訓得....好安樂~呵
• 好彩0係零食屋都買到D新野~~~ 可以有限度出post!~
• 星期一, 新開始~~~~
• 今期麥噹噹既新包好似...幾吸引....不過個賣相同味道係唔係好呢?
• 由於我個腦同手唔多協調.....我唔太精玩節拍遊戲...每一次都令人好緊張~
• 秋風送爽既日子....幾時先黎?
• 睇完某廣告...的確有少少想去飲 冰X奶茶.....
• 原來我真係唔太岩奶味太重既啡.......
• 今日有邊隊對邊隊?
• 要到月頭先有波睇~快D到就好了~~

突然多了

暫時冇波睇既日子,

 

 

時間都好似突然多左好多......

 

 

有少少悶.....我都係簡去MYTV睇番之前既running man!!~

 

 

啊....G.D 太有型了.....

 

 

淨係睇RM都睇左好耐~~

 

 

不過始終心郁郁個賽果....都上睇<黃金戰報>, 係就係短左D, 不過好過完住無....

 

 

雖則要明白, 人地係做生意既, 梗係想擴大利潤~

 

 

有得睇就應該要心足.....唔好用以前既角度去衡量而家既事情....

 

 

哈哈哈哈~

 

 

***************************

 

 

我琴日小試左一包芝士片, 個感覺都OK,

 

 

不過成日"營"住D芝士片硬左少少, 會戳到D牙肉.....

 

 

所以係就係食得唔太安樂.....

 

 

到今日為止, 之前生痱滋果個位都完全無事~

 

 

不過我都係唔敢全面恢復食薯片, 隔日食啦....等牙肉習慣番~

 

 

不過叉燒意就挑戰成功~

 

 

**************************

 

 

而家出面行雷了....有少少愈來愈近....

 

 

哈

休一下先

免費既球賽暫時播完了~

 

 

可以暫時重回平常正活...~ 大約十多天後先再有了~

 

 

可以俾我恢復元氣.....消一消對黑眼圈....

 

 

原本有, 不過就係因為 為左睇波而再黑D....哈哈哈~~

 

 

 

所以今日休息一天~~~

 

 

等我升番少少HP先啦~~~

 

 

YEAH!

測試一戰

自從果粒好可惡既痱滋之後,

 

 

真係咬咩都唔係....連我喜愛既餅乾都....不能吃....

 

 

焗吃能量棒....又甜.....又黏....總之就唔係我杯茶.....

 

 

好食果D, 貴貴貴.....

 

 

我琴日見呢幾日都冇翻發, 於是把心一橫....

 

 

買番之前食開果隻餅乾~~~~

 

 

一陣就測試一下.....

 

 

不過薯片都仲係要戒多一陣啦~~~

 

 

好彩呢排好似冇咩新野出......

 

 

***************************

 

 

一陣就英格蘭了......有DD緊張....

 

 

作為球迷, 贏唔贏唔係太重要, 最緊要盡力, 有一場好波睇~~~

 

 

 

今日完

望見家鄉

生痱滋, 前前後後都搞左我好耐.....

 

 

我呢一兩日都有少少怕, 因為晚上天氣都係太熱,

 

 

熱到條頸不停出汗....

 

 

心靜自然涼....呢句話, 知易行難.....

 

 

熱到訓唔到....又好眼訓.....點靜?

 

 

所以, 都幾怕痱滋又翻發....

 

 

不過, 好似又冇事.....因為我巳經實驗左....我用叉燒意為試驗...~

 

 

我唔覺意用有出過痱滋果邊咬....

 

 

乜事都無~~~

 

 

YEAH~

 

 

當堂令我想起薯片......不過, 我心知, 都係戒多一陣零食為上......

 

 

所以, 大家都係忍我多一陣......

 

 

好快有零食post.....希望可以一星期內啦.....

 

 

*************************

 

 

頭先, 我好認同阿叻所講....真係一額汗.....

 

 

因為澳洲曾經領先過荷蘭......不過好快又被 雲佩斯追平.....

 

 

 

好彩最終都.....荷蘭贏左.....

 

 

***********************

 

 



週三又碎

• 一記完場前既抽射.....由1分變番3分~ 不過我係冇睇哂頭場.....哈哈...
• 巴西真係人腳唔夠? 冇咩冠軍相?
• 我0係入睡後, 被"巢"醒.....仲可以諗野諗咁清晰...都算係咁上下啦....
• 嘩...呢幾日咩事??? 熱到跳舞.....連入夜後都仲係咁熱....
• 一陣記得拎張10元coupon去.....唔好蝕....
• 又好了一點......起碼冇再出痱滋.....
• 不過都係有少少腫....
• 周圍都係 都教授~~~~型~
• 薯片呀...薯片呀.....我幾時先可以再與你相會...?
• 又是流鼻水的時候......tempo候命
• 好想快D秋......發夢了...

估佢唔到

琴日挑戰食叉燒意.....

 

 

又OK喎~~~ 雖然係要咬慢D, 不過總叫有舊肉落肚......

 

 

冇肉落肚好難受架.....

 

 

最緊要係食完唔痛.....~~~

 

 

成日都冇乜痛.....不過又起左粒痱滋.....好大粒呀....

 

 

不過當我一訓...個幾鐘後, 又消失了....

 

 

我都知呢排我好熱氣...之前食太多薯片, ...又成日打機.....

 

 

加埋呢排世盃....哈哈.....

 

 

不過最緊要佢一日好過一日~

 

 

*****************************

 

 

嘩.......Germany VS Portgual.....

 

 

 

當我一打開個apps, 一個令我唔敢相信既半場賽果......

 

 

3-0.....

 

 

我唔係邊一隊既粉絲....不過個比數使唔使差距得咁大呀.....

 

 

有位德國球員仲大演帽子戲法......

 

 

唉.....佢仲可唔可以小組出線?

 

 

完場時.....4-0....

 

 

我都冇野好講了....

 

 

冇解啦....C朗受傷了....

 

 

希望唔好加深傷勢啦~

沒薯一會

唔.....英格蘭.....

 

 

意大利防守得太靚....太堅了......一攻擊就招招中.....

 

 

佢贏都好正常.....不過心總是支持英格蘭...~

 

 

希望餘下既比賽要好好加油..~~~~

 

 

********************

 

 

唉...曾經有人問我, 我"每日一薯"唔熱氣架咩?

 

 

一星期前, 我真係食咁耐, 乜事都無......

 

 

前幾日 (世盃未開始前), 牙肉開始痛,

 

 

有D野"UN"住, 有一忽又腫左少少.....

 

 

我以為我前幾日了牙了大力左, 整損左....

 

 

原來唔係, 係生痱滋.....佢生係最討厭既地方......

 

 

唔係口腔兩旁.....而係上下(岳), 最入果個位.....

 

 

只要我要合埋個口就....哈哈....

 

 

我頭果一兩日真係食乜都唔係.....

 

 

結果係冇食薯片, 蝦條, 總之係熱氣既野都同我絕緣......

 

 

連餅乾都唔食....因為只要稍為係硬既, 都令我咬唔到....

 

 

但係我又覺肚餓....唯有食能量棒...

 

 

偏偏係超市搵到果款就係.....好"嘟嘟難食".....

 

 

之後我買番日本牌子 (我之前都有0係blog介紹過), 好好多.......

 

 

 

不過...都係唔夠飽....

 

 

又不過, 我既情況一日比一日好......只要我訓一訓, D腫就近乎消哂...

 

 

令我舒服不少....~~~

 

 

所以我都爭取時間休息....

 

 

不過, 想同薯片, 熱氣野再結緣....真係要再隔一排了....

 

 

 

我今次真係....有咁耐風流....就有咁耐嘟嘟....

週日碎碎

• 隔天就流鼻水...仲要一流就流數小時.....好煩
• 今年第一風~
• 金秀賢.....你好有型呀.......
• 不能薯片的日子.....真難過....仲好餓
• 世盃~~~~有得, 可以睇既, 我都會睇哂佢.....
• 不過我一定係睇下又吊下魚果群......
• 維他出左盒裝港式奶茶.....好唔好飲?
• 而家巳經有月餅既 TVC???
• 王兄....辛苦你了........我家的清潔部的唯一員工....
• G DRAGON....你都幾型......好想快d睇今集RUNNING MAN~
• 數數下....原來我都有好多中學巳經結婚了....哈哈
• 原來印花魔咒, 0係我身上係無效化?
• 英格蘭...你要加油呀.....

吊下睇下

等左好耐既世界盃終於開鑼了~~~

 

 

琴日就冇11點起身, 冇睇party 同 open ceremony....

 

 

不過當然有坐定定睇開幕大戰~~

 

 

尼馬又真係幾OK喎.....

 

 

不過世盃第一場第一球...竟然係一個比較高娛樂性既入球....

 

 

我果陣O 哂嘴.......又唔可以大叫.....

 

 

唯有不停細力拍打坐駕.......

 

 

不過之後就真係愈來愈好睇~~~~ 好刺激~~

 

 

入下一球又一球....

 

 

就算門將手長腳長都係擋唔住.....最終都係....巴西羸~

 

 

我睇下差唔多收場...一路吊魚, 一路睇.....到最後果十幾分鐘都唔知睇左D咩....

 

 

哈哈哈~

 

 

岩岩起身既時候, 仲以為 墨西哥 VS 喀墨隆 巳經完場....

 

 

點知唔係完場, 係岩岩完上半場...~~~

 

 

仲可以趕得及睇下半~~

 

 

唔知之後既 西班牙 VS 荷蘭 會唔會delay???

 

 

呢場....我冇點支持邊個....

 

 

我今日變左半隻國寶......哈哈~

 

 

好期待聽日果場.....England~~

好好岩位

我回來啦~

 

 

好緊張呀......過多幾粒鐘就開鑼了~~~

 

 

雖然我唔係特別喜愛足球, 不過都係四年一度既盛事~ 一定要感受一下個氣氛....0係屋企....哈

 

**********************************

 

 

一定要打左呢篇先, 因為想寫好耐.....

 

 

一直成日唔記得....日日復日日......月月復月月......好彩未年年復年年....

 

 

以前一入醫院, 原因不外乎對腳既"力水"差左, (因為醫生話, 如果感覺唔好, 力水差, 就要返醫院吊藥, 因為可能神經發炎...吊左舒服D)

 

 

一入院既例牌, 當你換完病人服唔夠數分鐘....

 

 

姑娘就拎齊工具.....抽血....

 

 

有D姑娘見慣我....非常喜歡.....我....既....

 

 

血管....呵

 

 

因為我天生D血管屬於粗.....唔使點拍都總有一條係岩打既....

 

 

粗到係比一般筷子幼DD.....

 

 

因為有D病人既血管好幼.....幾乎係好難搵.....要唔只一個姑娘搵.....

 

 

有時要打"豆豆", 我一定要有要求, 通常姑娘打手背,

 

 

而我就要求打手臂....因為打手背既話, 只要我一握緊拳頭, 針管就戳到血管, 唔係咁舒服....

 

 

拎筷子, 做乜都唔方便....

 

 

手臂好好多.....

 

 

我知, 條針管係膠造, 有彈性.....不過......都係手臂好...

 

 

次次姑娘都會如我所願....

 

 

我由以前怕抖唔到氣, 到而家稍為緊張.....

 

 

真係唔知叫好定唔好了....

 

 

 

完



強制一休

真係唔好意思....

 

 

十萬個唔好意思....

 

 

因為琴日對我黎講, 發生左一件大大事,

 

 

令我崩潰....

 

 

不過經家人安撫.....查實幫我執手尾.....之後就好好多....

 

 

我而家巳經冇事...心靈.....

 

 

不過體力就透支啦....因為個腦唔多聽話...成日發生左咩事....

 

 

所以強制自己唔好諗咁多野.....

 

 

因為我諗唔到野....

 

 

一日咁多啦....

 

 

聽日再開....謝啦~

Nabisco 筒裝明星薯片 - 胡椒煙肉味

呢個係零食屋買既, 原價10.8元, 八折左之後就8.6元~

 

 

請注意, 呢個我係0係八折果D日子買既 (一星期某幾日), 如果0係其他日子買既就唔係呢個價架啦~

 

 

 

好似有一陣子冇寫零食了....

 

 

難得我0係零食屋搵到岩心水既, 當然要寫啦~~~ 截至今日為止, 我巳經食左2筒, 因為正當我想寫既時候, 我偏偏就係唔記得咩味.....於是買多一筒啦~

 

 

趁我仲記得....快快手寫左佢為上策...

 

 

**************************************

 

 

唔知呢個包裝同世盃有冇關係.....因為有德國 國旗既顏色LOR.......又唔見有第二隻味.......即係巴西色...英格蘭色.....

 

 

不過有冇關係都唔緊要.....最緊要有Bacon....因為我好愛煙肉...不過大前提不能太鹹, 一定要有肥膏......不能煎太"lon"....

 

 

 

同以往佢既筒裝薯片一樣size, 不過外面係紙筒, 掀面入面仲有一個包裝既~ 都好密實~

 

 

個量一個人夠, 唔會太少~

 

 

當我小心翼翼去撕開個包裝, 因為要研究一下點影薯片既正面...

 

 

佢每一塊都有唔少既黑椒碎~ 看似好碎...其實都幾惹味,

 

 

因為我第一塊唔知係食唔慣黑椒味既野, 覺辣.....

 

 

不過習慣之後就FEEL到有bacon味, 佢勝在唔係C鹹......又幾接近真bacon既味道喎~

 

 

幾香幾香~

 

 

而佢都叫脆, 似X客咁上下啦~

 

 

如果你好濃味既野, 你可能好like~

 

 

唔錯~~~

 

 

我要英格蘭色.......哈哈

 









優惠起孖

世盃就快開鑼了.....

 

 

真係全城也世盃.....

 

 

便利店promote睇波小吃, 杯麵....超市自不然promote飲品, 薯片....

 

 

快餐店又promote換以豬仔造型既世盃精品, 麥麥又世盃kitty...

 

 

不過真係估唔到連生活用品店都可以參加埋一份...

 

 

之咪係"日日城"lor....

 

 

有日, 我去佢度買野, 都買左二百幾元,

 

 

收銀員就叫我0係隔離板抽兩張 (買滿一百元抽一張, 如此類推), 塊板就擺哂列強出黎,

 

 

如果我冇記錯, 好似唔係全部....show出黎既大家熟悉既~

 

 

我當然....梗係....支持.....她~

 

 

英格蘭~~~

 

 

話哂0係英國住左幾年, 我早就當左英國係我第二個家....哈哈哈....

 

 

世盃當然支持佢...~

 

 

雖然...我知佢今屆都幾危險......

 

 

我王兄話佢可以小組出線都唔錯架啦.....

 

 

話雖如此.....都要支持~~

 

 

就係中左2張優惠劵~~唔錯呀~~~ 因為我成日都去日本城買野, 好易過一百元, 點都可以慳~

 

 

不過就要提醒自己要帶埋去....

 

 

如果唔係過左期就唔好啦~~~

 

 

不過我更想就係世盃可以安安全全, 順利完成~~~

週一碎碎

• 還是第一次覺星巴巴好過太洋洋?
• 吉吉家.......都係間唔中吃一次好了....都係唔太慣佢既野菜.....
• 一起身就喪流鼻水....就好似開水喉咁......
• 我知琴晚好大雨......嘈嘈閉.....原來紅雨.....
• 飲過雀巢咁多隻罐裝啡......都係綠罐最深得我心....因為冇咩奶味....啡味OK~
• 兩兄妹, 一個就OK韓劇, 一個就OK台劇....南轅北轍
• 黃鴨也來賀世盃?
• 1600隻國寶......好想見下佢地....
• 不過我鍾意堅既多D.....
• 三叔究竟一年內出幾多部機架? 好似喪多...

風起雲湧

我以前....NNNN年前, 真係"純"過蒸餾水.......

 

 

唔唔.....我意思係我NNNN年前, 仲係細路既時候, 只係飲水....從不飲其他...

 

 

後來......逐步踏入.......

 

 

好立克.....芬達, 忌廉 (仲只係飲婚宴上面, 一支支既....果陣仲有膠蓋"YIM"可以撕既年代..)..

 

 

後來步入中學年代.....

 

 

就麥精 (只係飲麥精), 又後來有冰極雀檸出現...又迷上了....

 

 

當時真係一日一罐....我冇病都好好彩....

 

 

情況一路都冇咩改變...直至去左英國....

 

 

我倒退了......竟然特愛....瘋愛飲牛奶....仲要係全脂...(結果肥得相當快...)

 

 

又接受了Baileys on rock...(多rock)....

 

 

我壞了.....呵呵

 

 

不過, 唔至於劈, 只係同朋友聊既時候飲....我從不去clubbing...我就係去過, 嘈到耳到聾埋.....

 

 

直至最近.....數年前啦...

 

 

又愛上奶茶...咖啡....(以前無論點樣"坤"我去飲, 我都唔buy...)

 

 

先係奶茶, 少甜多奶.....後來嫌煩, 只係少甜.....

 

 

飲厭左奶茶....(查實係飲開果檔摺左), 改0係第二檔飲....唔得....有少少淡....

 

 

改飲凍央 (打左咁多行....終於講到凍央鳥....), 都係要少甜......因為就係曾經飲過正常甜度....就係甜到有病果隻....因此叫少甜....順喉得多.....

 

 

愛佢多啡少茶.....仲夾雜有少少粗糙味道, 我不太愛太滑的...

 

 

一飲又飲左幾個月.....日日如是.....

 

 

琴日當我去食早餐既時候, 當侍應送上凍央既時候,

 

 

見到頗為有趣, 就拍下來了~

 

 

 

完

我又要休

琴日終於連綿下雨.....令炎熱既天氣頓時涼快不少~

 

 

令我有覺好訓....

 

 

不過當我醒過來....

 

 

睇見廁所有少少滴水.....

 

 

好彩之前有經驗, 以前滴水果個位有擺個小桶....

 

 

如果唔係就大大鑊鳥......

 

 

 

同埋我琴日手多多扭下個連接水箱果個開關.....唔知我果陣係唔係扭大左個掣...

 

 

我頭先扭細左DD, 又沖左一次水,

 

 

D滴水聲冇哂...

 

 

 

個水箱入面個水位太高, 搞到D水由個喉位漏下來.....

 

 

希望唔再漏水啦.....

 

 

觀望中......

 

 

我冇力鳥.....

 

 

聽日先寫啦~再報告

涼快一下

正當琴日同朋友0係whatsapp抱怨緊,

 

 

點解我果區唔落雨既時候.....說時時那時快......

 

 

Boom一聲就落雨了....

 

 

我開心既程度同正值旱季, 下大雨緊既地區居民咁開心~~~

 

 

YES 左一聲....

 

 

哈哈...因為真係好熱.....我果區比市區仲要熱.....

 

 

開心唔夠5分鐘....停了????

 

 

我又有好多"英文字母"要出動鳥.....

 

 

正當要出動之際....

 

 

來鋪"巨毛雨"...即係"很大的毛毛雨"....呵呵....

 

 

又刮大風.....出面白茫茫.....我都費時關窗, 反正都係驟雨......

 

 

D雨水"pi"左我部遊戲機上...多得很...

 

 

不過由於我太無聊既關係....我眼定定望住佢.....睇D水點幾時蒸發哂....

 

 

唔使5分鐘......

 

 

就歸零鳥,,,,,

 

 

成個下午, 我都覺好涼快, 不過都係會出汗的....

 

 

又不過, 至少冇果種"慶過火爐"既感覺....

 

 

不要要求太多了.....夏天唔熱就唔係夏天啦....

 

 

不過....

 

 

下次可唔可以落耐少少呢?

 

週四碎碎

• 唔......都係果句....熱到傻左鳥.....
• 咁都叫藐爆.....咁我咪成日藐爆人...??
• 人地既婚姻....都係人地既事......
• 以我記憶所及...我成世人都好似未食過涼粉....呢樣食物....
• 今期7仔既Line公仔...又幾得意喎....食正世盃熱....不過我冇意思換...
• 又見到星星了...0係同一位置~~
• 我都冇睇M Club, 梗係唔知邊個"打"邊個啦.......
• 加左一元, 果然少左好多人買.....
• 仲要熱多幾日....先有少少雨...
• 而家我又聽到蟬叫了?
• 我果然係唔需要用alarm....全自動起身....
• 諗唔到寫咩鳥.....今日完

那些年的零食(二)

呢個0係百X買既, 好似, 好似11元2包??? (又唔記得左...)

 

 

真係熱到傻左.......成日唔記得幾錢.....

 

 

數一數, 我有幾多年冇食"牛仔片"呢?

 

 

耐到自己又唔記得....鳥...

 

 

見超市有特價, 算係平既, 買黎緬懷一下啦~

 

 

而家超市巳經被薯片, 飲品...所掩蓋了....

 

 

薯片特大包.....嚇親人果隻.....無計啦....就快開波了~

 

 

咁多年....都係果隻牛牛.....同呢兩位.....絕對正~~~~

 

 

佢地係阿Jill同阿Jack? 純粹個人推測....

 

 

其實都唔可以稱為薯片....叫薯格比較好呢~

 

 

果陣味同以前好似一樣~~~~

 

 

嘩.....味道都係同以前一樣.....不過我都唔知似唔似牛肉味.....

 

 

如果真係要我去形容.....幾香濃既味精味....

 

 

有少少鹹....我食得比較吃力....

 

 

食完之後要飲番啖水沖一沖.....

 

 

不過又唔係唔好食既......以我記憶所及, 好似有細一個size, 即係迷你包~

 

 

如果係迷你包就perfect~~~

 

 

 







暑熱熱暑

琴日係端午節, 天氣就係有少少熱到發癲....

 

 

不過好彩有風....有風都叫爽少少....

 

 

我就最食早餐既時間......果間茶記既冷氣夠勁....佢又唔趕人走...(我都唔坐得耐....最多都係半粒鐘)....

 

 

最緊要係杯凍鴦岩我口味...我飲過第二間既, 就係異常重紅茶味....

 

 

我唔like....

 

 

我要重啡味, 又要有少少粗糙既味道...呢間岩我....

 

 

我往往就係留番最後先飲, D冰仲未溶哂, '了"勻佢....真係透心涼.....

 

 

成個人精神哂...~

 

 

食完就去下超市.....買野之餘又涼下冷氣~

 

 

之後就拿拿臨返屋企.....

 

 

雖然我堅持唔開冷氣....但係我都係會開風扇既.....涼涼地....

 

 

之前果幾日, 熱到親人都唔認得果幾日, 我都會訓得唔好....

 

 

奇就奇在.....今日下午我開始覺冇咁熱......有少少涼風....

 

 

不過訓到咁上下依然手臂出汗的...

 

 

都叫做訓得唔錯.....

 

 

唉...仲有3個月夏天要捱....

 

 

有雨又想見太陽...

 

 

不過太陽太猛又想下雨.....

 

 

好矛盾.....