不經不覺, 終於來到12月31日, 2013年快要再見了...
睇怕今晚我都無咩興趣倒數...
出街也是, 開電視機睇倒數節目也是...
不過我一定知, 到時街上一定有好多響"安"聲....
雖然我係住高層, 點都聽到少少既...
再唔係....就同周公子夢中一齊倒數..,..
0係夢入中倒數點計都暖過0係街度同人逼.....呀...
哈哈哈...
唔好意思....今日篇文短左少少....
俾我懶下啦~~~
2013年12月31日 星期二
2013年12月30日 星期一
桃哈多枝豆條 - 芝士味
呢個0係零食屋買既, 原價10.8, 折左之後就9.7元~
桃哈多呢隻枝豆條成日都出新味, 好似BBQ味, 牛油醬油味, 鹽味...不過就吸引唔到我...
因為好耐之前食過一次 (唔記得邊隻味), 覺冇咩特別之餘,
仲成包都偏多油....
好坦白講, 如果唔係芝士味既話, 都好難吸引我去食...
哈哈哈~
佢係偏淡青綠色既,
質地亦係軟, 唔係"硬屈屈", 亦稱唔上係脆口....
總之就係"林林地"....
佢包裝袋寫住有3隻芝士, 不過我又唔覺有咩驚喜....
亦唔覺有好大陣既芝味....
不過當佢呢個芝味同枝豆條加埋又幾OK, 有少少清新既豆既甜味添!
不過我完全食唔到有咩唐辛子味....又真係幾隱蔽.......
成包野都係偏多油....D油印多到....
2013年12月29日 星期日
在森林中的古力
琴日講過今日會講埋Pacific Coffee 今年出既聖誕飲品,
佢一共有兩款, 一款叫"Black forest chocolate", 另一款叫"Creme scura black forest mocha"~
前者係古力, 後者係啡~
我果日就試左black forest chocolate~ 可能一陣飲埋mocha~
就先講前者啦~
P.C. 有款古力飲品叫"Chocolate paradise", 從外表上都似係將chocolate paradise + 車厘子醬....
好似有少少hea...
不過當我飲落去既時候, 又覺唔錯喎....
因為車厘子醬(?) 既微酸味同古力味又幾夾....
加埋D紋係梅花間"足"(?) , 可以令客人每一口都飲到兩種口味~
不過我想要多多cream.......咁先夠豐富....好似雪山一樣....
雖然我麻麻地黑森林蛋糕, 不過呢個黑森林古力飲都唔錯~
P.S. 供應期係去到一月頭~
2013年12月28日 星期六
一年一飲
每一年既聖誕, 如果我去星巴巴或P.C,
都一定會叫番杯聖誕飲品~
星巴巴就年年如是....年年都係果3杯......有少少悶.....
不過年年聖誕都係咁過....又見我叫悶? 哈哈~
先講星巴巴先, 因為p.c既我都有飲~
佢有GINGERBREAD LATTE, TOFFEE NUT LATTE & xxx LATTE (我又唔記得左...好似咩咩mocha?)
我叫左toffee nut, 因為都係最穩陣, 冇得輸果隻....
店員問我要cream嘛?
愛吃cream既我, 當然要啦~~~~
不消一會, 由一位senior奉上~ 我點解佢係senior? 因為佢第一句就講:
"好耐冇見你啦~"
其他人我都冇乜印象...
我既回應係: 我懶嘛.......哈哈哈
一打開杯蓋, 好暖哦~~~
再飲, 有少少滾.....不過隨即而來係一份湧上心頭既暖意~~~
LATTE 充滿奶香, 當中充滿果仁味, 真係好好夾~~~
一啖cream, 一啖latte, 一冷一熱, 個效果好得意~ 同埋D cream有少少溶, 就更加分~~~
佢灑0係latte上面既一粒粒, 金黃色既東東, 初時我都唔知係乜,
只覺甜甜地, 又脆脆地, 又再幾好味~
後來琴日決定寫今日既blog文內容之後,
為免我寫錯野, 我上左佢既網站"打布車一車"....
原來係拖肥糖粒~
唔怪得之同一般糖粒好似有少少唔同啦~~
成杯都好夾~
最畫龍點睛既係D糖粒~~~~
非常好~
聽日報告P.C~
2013年12月27日 星期五
2013年12月26日 星期四
海苔芝士牛肉飯@吉野家
有日貴人要出巡去拎野, 0係未拎野之前梗係要行下吉吉島...
行完吉吉島, 再去吉吉家...因為都係0係隔離...
我去親吉吉家都只係食飯, 好少食烏冬, 公仔麵之類....因為貪朝早一碗飯又飽肚..又暖...
我都唔知呢個飯係唔係新野, 不過恆常menu好似係無既?
佢好似有一系列既芝士咩咩, 同溫泉玉子咩咩....加芝士....因為唔記得左係咩咩, 自己睇下啦~
呢個餐16元, 有日本茶, 如果要凍飲就要加錢的~~
我都知牛肉既份量就一定會少左,
因為有芝士嘛...~
不過初初我真係差d望唔到d芝士0係邊....
因為同d飯差唔多顏色.....
睇個樣就似係淡芝~
我先將飯同芝士儘量撈埋, 將飯既熱, 整到D芝士溶~
哈~又得~ 仲可以拉到一條條絲~
我又估唔到芝士同吉吉家牛肉係OK夾喎!
稱唔上100%夾, 不過合格有餘, 因為芝士既奶香味同肥牛味加埋一齊係幾夾~
如果閣下係少少怕羶味, 可能要諗清楚先....
我以光速食哂...因為個量唔多....
我都係覺野菜or淨牛肉飯好味少少...
2013年12月25日 星期三
我的聖誕心願
我既聖誕心願呢....主要分micro同macro....
何謂micro & macro?
micro者係貴人自己既,
macro者係貴人以外既...
無計, 貴人都係讀商科出身, 又恨錢, 又鍾意錢 (^.^;).....
所以我既blog文滲入左唔少商科元素...
My micro X'mas wishes 係:
可以有好多個願望 (燈神style), 中六合合頭...
可以做事更完美, 滴水不漏
屋企人身體健康, 工作順利
唔好再刮到
唔好再買膠布
有ipad mini...(^0^;;;;)
發完瘋了...就要發表macro...
少D天災人禍...
少D爭拗...
少D"掟"野...
不要餓荒, 要人人溫飽...
發表完畢...
祝大家聖誕快樂, 開開心心~sweet sweet~
2013年12月24日 星期二
Lotte Pepero 白朱古力曲奇餅乾條
呢個0係7仔買既~8.9元一盒~ 一盒一份~
佢呢個系列, 好似係有古力味, 杏仁味之類......不過呢個都係第一次見....
好明顯係衝住OOO而黎啦.....
我就即管睇下似唔似...
由於睇唔明相關語言...又搵唔到有關資訊, 我都唔知入面有幾多包...
有可能2包...不過證實左係只得一包....有8? 9?條左右啦....
佢比百力滋要粗身少少...
不過驟眼睇就用上唔少曲奇~!~~
唔算太甜, 始終有白古力, 想唔甜都好難....不過呢個唔算太過份~
咬下去都幾有口感, 因為有好多曲奇~
D曲奇都OK似OOO, 不過都係少左DD可可味....
OOO都係最好的~
餅乾本身, 唔係太"lon", 係少少粗身, 都幾好...因為我好怕食太lon既東東....
8.9元一盒, 話貴又唔係貴...不過都叫有少少新意...
因為如果成日都古力滋就太悶啦...
可以再考慮的~
2013年12月22日 星期日
Dark Roca
呢個0係萬寧買既, 8.2元一包, 一包有3粒~
...........佢又再自己轉方向...
Roca, 我真係有NNNN咁多年冇食過啦.....因為屋企唔太愛食....二來平時要食既都食MM啦....真係好少何會買....
仲有一個最大因由係....佢好似一顆鑽石..."鑽石恆久遠, 一顆永留存"....
所以就"棄食而遠之"....
不過隨住"古力潮"日漸高漲....又開始望下有冇新口味....
我都唔知呢個係唔係新呢....不過我0係超市見到有peppermint味...由於我唔like薄荷...冇買..~
佢同一般Roca一樣大小~~~~包裝顏色用上深啡色, 有少少未食先苦既感覺~
基本上, 實際上, 佢都係一顆鑽石....
唔會有半點流心, 全身都流住Roca既血...
佢的確係冇咁甜, 原味既太甜啦....
牛油味既比例多DD, dark choco味就少DD, 大約6:4~~~
不過重牛油味先係Roca~~~
佢夾雜住少少果仁, 令食起來多一份香氣!
平心而論, 我又幾滿意~~
由於佢唔係獨立包裝, 對於我呢D"打開左就不留活口"既人, 佢地既下場就當然....哈哈~~!
2013年12月21日 星期六
週六又碎
- 係就係暖番....真係DD咁多多...不過都叫好明顯既...
- 凍唔係一個問題...不過唔好咁乾得唔得?
- 人就為五斗米折腰...我就為傷口而折腰...
- 一隻手五根手指頭, "卡啦卡啦"貼哂膠布....唔計整損腳果D...膠布錢真係好"come"計...
- 有意外收穫添...
- 可以與人分享, 係一件好開心既事...
- 就快聖誕, 過完又到新年...時間過得真快...
- 要咳就唔該掩掩口......媽媽好應該教一教小朋友..呢D叫禮儀..
- 可以去pacific coffee了~因為佢地之前重新裝修....好想試聖誕飲品呢~
- 冬天食番件糯米卷, 真係份外好味~~! 又暖肚, 又夠飽~
2013年12月20日 星期五
Nabisco Picola 黃豆粉餅乾條
呢個0係7仔買既, 13.9元一盒~ 一盒有2包~1包有6條~
有時都會見到有黃豆粉為題既零食, 不過就真係好少買黎食....
因為我都唔知佢係乜東東...
後來上wiki一查, 原來黃豆粉係大豆炒後去皮, 磨製而成既粉末~~
加埋本身對呢隻蛋卷都幾鍾意, 都試下啦~
之前既牛奶鹽味都唔錯呢~
.....
佢算好易打開, 入面仲可以保留得幾完整~
我想問一下, 咩叫crepe cookie?
不過又真係幾脆呢~~又不過呢, 又未至於一咬就四散~~
扭紋狀都叫幾討好,
唔好意思, 我冇影佢中間個心....因為佢黃豆粉既味道來源係0係中間...
佢中間係空心既, 不過都唔薄, 黃豆粉CREAM就0係最入~~
雖然佢只係薄薄一層, 不過都好夠味~~
奇怪, 我覺味道有少少似花生醬味???
不過, 我like~!
濃度係中間多少少, 唔會太甜既~
2013年12月19日 星期四
Win2 蒜味麵包
呢個0係零食屋買既, 6.5元一包~ 唔記得有冇9折~
我都幾鍾意食garlic bread, 尤其係"p hut hut"果D......大小適中之餘, D邊又香口...味道又夠濃...
自我去左英國後, 前期係好少食....直至後期, 有個flatmate係好鍾意食,
會0係Tesco (超市)買雪藏既, 通常buy one get one free, 用黎做早餐...
garlic bread做早餐...我未聽過...
不過將garlic bread擺入microwave就更未聽過....變得"軟林林"....又un un 地....
不過呢個確係最快捷既方法....
哈
Malaysia??
我覺佢唔太似係麵包, 因為冇咩脆口既元素.....
似"Riska"粟米球果種質地....
至於garlic 味, 係有既, 不過我反而覺似日式粟米湯既味道, 只不過加多左少少蒜蓉味...
都唔錯~
佢最好就係夠抵食.....好似食極都仲有....
仲有一口最多"啪"2粒(^0^), 因為都幾大粒下....
佢好似仲有多一隻味, 不過我就冇咩留意....
唔.....合格既....不過我覺都係重味少少呢....
又singapore, 又malaysia, 又japan??
2013年12月18日 星期三
勁堅勇
冬天, 我最怕咩`?
就係落雨.....呢幾日本身唔凍架, 不過加埋落雨就凍上加凍....
因為水氣可以降溫, 所以大家可能0係呢一兩日覺特別凍....
不過, 我有我態度,
我依然喜歡開風扇......開窗, 短褲(出街也是), 仲有沖埋凍水涼添...
不過我依然係可以接受~~
可能0係咁, 我既耐凍能力一日比一日高~~
我幾乎日日都被人訪問.....最少兩次......
最近連茶餐廳既掌櫃都特意來訪問我~~
連便利店收銀初初見我一次就講一次, 而家都好少講...
可能佢地認為我着長褲反而係唔正常....
因為我少過10度, 同多過10度都係咁多....只不過都係加多件夾棉褸....
冬天着短褲巳經成為我既標誌...
不過我都有凡人既基因, 都總有時候怕凍既.....
所以就食粥, 食糯米, 食古力....
為求提供糖份同熱量.....
我藉口多多....
我今日要出街拎野...又要同寒風作戰了...
不過又可以擦餐勁了了了....
2013年12月17日 星期二
佳之選-燒烤味蝦條
呢個0係百佳買既, 單買一包就4.5元, 買幾包好似平D.....
不過我只係買了一包....所以各位睇清楚好了....
由於我平時去開果間百佳長期都缺"卡BB"既燒烤味蝦條, 而我又好恨食既情況之下...
終於都係變節....暫時...
由於貴人第一次食, 所以唔想冒險.....小試"蝦條刀"啦~
查實佢呢個同"卡BB"都好似差唔多價錢....當然佳之選係百佳既牌子, 佢當然係要大力D宣傳....係好正常既商業行為既~
唔好睇佢個包裝袋咁大....個量都好似應該成正比..?
錯了, 個量就少左DD....都係一個市場策略~
佢比"卡BB"既顏色要橙色多少少~~
蝦味唔算太突出, 不過BBQ味就偏甜酸....
比較似外國既BBQ sauce味....而"卡BB"就係清DD啦啦啦~
不過佢都係重味左少少, 又未至於食完要飲水...
又不過對於食慣"卡BB"既我.....有少少唔太慣....
總的來說, 都唔錯既~~~
2013年12月16日 星期一
今冬第一粥
我都好似好少0係blog講食粥既事,
因為我本身唔係太喜歡食&飲"熱到不能再熱"既粥&湯.....
我就算食, 都要攤佢一陣先食....
不過隨住天氣有所變化, 我由平時唔飲熱飲既, 都接受左....(除左天氣問題之外, 仲可以慳番2元...)
而家天氣好似再涼多少少, 我既粥癮又再起....
我住果條屋邨商場有間茶餐廳, 有粥餐食既, 都有好多款....不過大多數都係"唔回本"同唔夠飽既粥...
我食來食去都係食 及第粥.....不過茶記轉左menu, 可以有粽 (糭??)食喎....
我又係一個非常喜歡食鹹肉粽既人, 除它之外, 咩粽都唔食....
我愛綠豆.....更愛肥膏....
今次我就簡左: 及第粥+鹹肉粽=28元 (不包飲品)
呢個都算係最回本架啦~~~~
都唔細隻架~~一個人食就剛好~~~
D豉油係帶有少少甜味, 仲岩我~~~
再my肥膏~~~~~MY鹹蛋黃~~~
呢D肥膏真係再多都唔夠我食.....因為太甘香.......
我就係缺脂肪, 缺膽固醇...所以先可以食得咁爽....
我仲要倒D豉油落去....哈哈哈哈....
成隻粽就0係瞬間被我"擦"哂了.....
基本上我0係街外只會食及第粥, 如果以前仲未搬既時候, 都會食"响(?)螺片雞粥", "鹽焗雞粥"(即係0係出面買1/4隻, 之後再"劈"入去...)..
而我獨愛係"杰"既粥.....
呢個粥唔算用太多米去煲, 溶溶地.......又水水地....
不過最令我煩既係....太熱了...
對於我呢個急性子既人......又要攤涼少少先食...係有少少難度...
除左肉丸同豬膶之外, 其他料我都移去第二隻碟放涼...因為只要佢仲浸係粥入面...都係好熱...
D材料都洗得好乾淨, 冇咩異味~
最緊要粒肉丸入面, 加左唔少蝦架~~~食起黎好有蝦味~~
塊膶又冇咩"根"...又甘甘地......真係....岩哂我.....
我覺加左蔥先係畫龍點睛...~ 蔥既香味混入D粥入面....再多D蔥我都仲得...
今日好好涼喎....好唔好再encore???
2013年12月15日 星期日
正字要正確
太好啦....終於UPLOAD到相....
又可以再寫下食了...
不過琴日巳經講左今日既題目係講"搵錯字"....
所以今日就講一下錯字啦~
我自問中文都ok, 雖然會考係F.....轉制之後都係岩岩合格...不過我作文有5星架....
如果你唔問我主旨呀, 段落意思呀, 文章出處呀呢d, 我係冇咩太大問題...
太大問題既意思係, 夠我日常用就可以啦~
唔會寫錯字, 有懶音啦~
我以前冇咁著重錯字呢一環, 自從睇左"最緊要正字"之後, 又加埋以前好鍾意玩PHOTO HUNT, 就變得鍾意周圍搵錯字, 講正音...
懶音呢回事, 真係處處皆是......連名dj都有....
懶音呢個TOPIC, 再搵個機會講啦~
講番正題, 我成日去果間茶記, 個餐牌真係....有好多我唔知佢係錯字, 別字定係根本係岩既字.......
"鹹肉粽"----> 咸肉糭?
我想知雞尾"飽"點香煎....
"飽"------>應該係用於我吃得好飽既意思, 而"包"可以指包容, 包括, 亦可以由麵粉類製成既食品?
沙"爹"定沙"嗲"?
仲有架.......我地平時食"過橋米...", 佢就寫左"綫", 定係"線"先岩???
是"雞"還是"鷄"?
請各位有識之士賜教...小女子不材.....
2013年12月14日 星期六
週六碎碎
- 喂.....原本寫緊篇食....點知upload唔到相.......試左幾次都唔得...放棄了, 唯有寫住碎碎一日先.....睇下聽日點啦~~~ 請見諒..
- 一個人太多小動作係好易被人估中 心諗咩架...
- 原來wifi係咁好用......唔使count流量......
- "炸"一聲就被人"吧"左.....快過閃電..
- 原來湯意粉都幾好食.......
- 茶記加價了, 冇法子.....
- 我太鍾意捉錯字了了了.........一張餐牌都.....(如果聽日upload相, 就講一下~)
- 又播"聊斎".....不過我又好似未睇過呢個單元....最緊要既係主題曲係極之好聽.....好似係彭羚唱既? 1&2都係?
2013年12月13日 星期五
卡樂B脆味滋墨西哥粟米片 - 車打芝士味
呢個0係7仔買既, 7.9元一包~
順帶一提, 而家OK, 百佳都有~價錢差唔多啦~
呢個之前出既, 同而家有既, 都係辣味...唔多岩我.....
所以有日"巡"7仔既時候, 見有車打芝士味都要食一下, 滿足一下我呢個芝士怪...
以前食開Doritos, 覺唔錯, 不過食卡樂B都係第一次...
量唔算多, 不過就岩一個人食~~
顏色就比原味粟米申稍為偏橙色少少....可能芝士關係瓜?
不過呢, 我未食之前聞一聞, 唔...
真係冇我想像中咁濃味....係好好好好清淡, 少量芝士味...
側重粟米片本身既甜味多少少.....
我覺似係粟米湯味 (中式)多少少....
係就係有少少失望, 不過又唔係難食...
下次想食芝士味, 都係食番Doritos....
不過耐唔耐出一出新味, 的確係需要既~
訂閱：
文章 (Atom)