以貌取米

又到出巡時, 又係貴人最開心既時候~

 

 

不過由於食開果間餐廳太多人, 貴人又唔想呆等...(貴人係一個冇耐性既人, 要貴人等, 只係覺浪費時間...)

 

 

於是就去左都係同一商場既呢間:

 

 

 

由於地方淺窄...差D連貴人既"坐駕"都塞唔入....唯有皇兄出手幫忙~~~

 

哈哈...呢張係偷影既....因為我唔知人地俾唔俾影個牌....又太多侍應出出入入.....快快手啦~

 

呢個"蕃茄", 好似係錯字喎....正寫應該係"番茄"...?

 

 

由於貴人愛上左番茄湯底, 所以出巡時對番茄東東係多加留意...

 

 

不過貴人係唔食生番茄的...

 

 

雞扒就成日食....不過牛腩就真係好耐好耐都冇食......

 

 

就吃牛腩啦~~~

 

 

飲品就簡左"珍珠奶茶", 又係太耐冇飲~

 

 

哈哈..又哈哈哈....

 

D牛腩多到呀......真係得果幾粒......仲要係一粒得半條手指尾咁"長"....

 

少都算啦...好味要緊.....

 

不過就稍嫌佢煮得過火...即係UN UN UN....

 

不過見在有D肥膏份上....加番少少分咁啦...

 

番茄湯底有粟米, 我可以理解, 不過有蔥就....少少難明...

 

你只可以講多左一份氣味....

 

談不上會加分既"地步"...

 

個湯底就唔多似"羅宋湯"味, 番茄味偏重DD, 不過我本人覺味道就假左DD......飲完又未至於要飲水既~

 

唯一滿意既係: 米粉個份量, 平時出街食米粉, 總係會覺唔夠食,

 

份量太少......呢個真係夠哂多...都差唔多有兩個...

 

好夠飽~~~

 

左上角既係煙肉, 呢個要讚一讚, 因為完全保有水份, 唔係"乾爭爭"....好怕咬好似豬肉乾咁既質地....仲有少少肥...岩哂貴人....又唔鹹~

 

 

再讚既係, 塊牛油方包, 唔係白方包, 塊麵包係牛油方包, 成塊都係有牛油香味, 又有少少少甜味~~~好似"X頓"既"牛油味方包"~~~

 

 

又夠厚~再搽埋牛油....就真係極品...

 

 

因為貴人太愛牛油了了.....

 

 

都叫幾有茶味, 珍珠都唔少...唔錯~

 

 

總的來說...呢間都叫唔錯......價錢唔貴....唔記得使唔使加一.,..

 

 

貴人會再光顧的...