年年年年

哈哈~ 本貴人0係新一年祝大家:

 

 

小朋友: 快高長大, 學業進步~

 

 

老友記: 龍馬精神, 身壯力健~

 

 

上班一族: 步步高陞, 狂加人工~

 

 

家庭主婦: 老公加家用, 子女聽教聽話~

 

 

單身人士: 搵個筍盤, 然後封盤~

 

 

有盤人士: 甜甜蜜蜜, 拉埋天窗~

 

 

呵呵

三十三十

不經不覺, 又到左年三十晚.....

 

 

初時仲心諗, 仲有兩個星期~直至今日, 新年聽日就係啦~

 

 

我呢幾日都唔敢上超市, 因為怕人多., 要排大隊....

 

 

何況我要用, 要食既野, 0係年二十八之前就巳經買哂, 所以我可以好輕鬆過年~

 

 

我今日可以好輕鬆出早巡了~

 

 

要出去食番個靚飯, 飲番杯啡, 再食多件cake...

 

 

再食多D零食....因為今日去langham place, 一定會去log on~

 

 

可惜今日睇唔到"換樂無窮".....我想知若海個ending......雖然我知淑香既ending....

 

 

我都諗唔到想寫咩添....只係諗一陣做邊先....先至最smooth.....幾點出去, 幾點食野買野.....哈哈....

 

 

我係一個極之well planing既人....我唔想有意外發生~

 

 

plan完了, 就可以繼續懶.....今日年三十晚, 不過我又冇賣懶,

 

 

因為我打算懶下去......橫誇下一年......

 

 

 

呵

 

 

聽日先同大家拜年啦~

 



龜田帆立貝脆米條

呢個0係零食屋買既, 原價11.5元, 折左之後就10.4元~

 

 

之前都食過同一牌子既燒魷魚味脆米條, 又可以喎~ 因為我本身OK魷魚既~

 

 

不過有我既最愛中既最愛~

 

 

帆立貝~ (帶子?)

 

 

以前去日式餐廳, 即係"味X麵麵", 有時都會叫牛油鐵板帶子~~

 

 

實在太好味啦......因為我本身好鍾意瑤柱呢個食材, 所以連帶都鍾意帶子....~

 

 

不過通常都係食既係縮水版......好想有一次食大大隻既帆立貝呀~~~

 

 

今次就買下支持下啦..~

 

 

佢係薄脆片黎架, 談不上係厚, 冇一般薯片果種咁crunchy既口感, 難聽D講, 有少少空洞既FEEL.....

 

 

佢無油炸, 所以少左一份油膩感, 都幾清新既~起碼唔會食到成口都係油.....

 

 

帆立貝味都算幾有, 不過濃度只有6分....10分最濃~

 

 

因為我好似食到有日式醬油0係入面, 不過醬油係清香既, 唔係"鹹C大拿", 同呢個帆立貝味都叫OK襯既~

 

 

量就唔係太多, 可以一口食好多塊架, 所以我以極快時間就將佢K.O.了....

 

 

食完唔係太有滿足感, 薯片較好~

 

 

不過, 如果下次有新味, 我都會試既~

 



週二倒碎

• 今日要早D去超市...我唔想排成個鐘隊...
• 訓到條頸出汗....傻左....
• 可以過一個暖暖地既新年~ 幾好~~
• 好彩打一打電話問問...如果唔係就"大檸樂"了.....
• 明明濕度都唔算低架啦......點解對手既感覺仲係咁既? "孟孟緊"...
• 而家飲奶茶既口味都轉埋, 由以前既正常變少甜...再變成今日既走甜......
• 我巳經唔太接受到奶味太重既飲品了.....
• 7仔都簡唔中有平薯片賣喎.....留意多D先....
• 而家天氣轉暖....我可以唔食粥了....由始至終, 我都麻麻地.....都係食番通粉, 湯意好...
• 仲煩緊新年去邊食早餐.......我又唔想俾貴...(加三), 有D又休息....都係"麥汪勞"?

卡樂B香濃組合黑椒味薯條

呢個0係零食屋買既, 原價11元, 折左之後就9.9元~

 

 

卡樂B(日版)除左出普通size包裝之外, 都會出細包裝既,

 

 

以下就其一~ 佢係以濃味為題, 我之前都好似食過一次其他味, 尚可既~

 

 

今次一隻薯條入面有蒜頭同雞味, 味道想唔濃都好難~仲要加埋黑椒粒添~~

 

叫得係薯條, 不過我覺佢又唔係薯條, 因為0係我心中既薯條就好似"麥汪勞"果種...再唔係似食雜扒有一堆果D.....

 

 

呢個我就可以講佢係"整碎左既薯片"....

 

 

佢每塊都沾上都叫OK多既黑椒, 聞一聞又真係幾濃味....喎.....

 

 

濃到我聞唔到其他味....添..

 

 

不過食落去就OK濃, 亦唔係食完之後要你"喪灌"水....濃味就中等啦...(因為本人可以食得好鹹好濃...)...

 

 

佢既黑椒味都幾香, 不過稍嫌蓋過左雞味同蒜頭味....我仲可以食到雞味, 不過蒜頭味就真係抱歉食唔出......,

 

 

不過要讚一下既係, 佢唔係薄薯片, 係比較厚身, 又唔係硬屈屈, 唔會要閣下用上100倍牙力既....相對上比較有咬口咁啦~~~

 

 

用黎送啤酒可能好好喎...雖然我唔飲....

 

佢又....







ASAHI 蜂蜜紅茶牛奶夾心窩夫

呢個0係零食屋買既, 原價15.8, 折左之後就14.4~

 

 

一盒有6小塊, 獨立包裝~~~

 

好坦白講, 如果唔係果日有咁岩有七折, 睇怕我都唔會買.....

 

 

我買果陣就七折, 閣下買果陣就要留意一下仲有冇折啦~~

 

 

以前都食過窩夫夾心既零食, 都係麻麻, 原因係個餅偏濕....

 

 

唔知係受天氣影響, 定係受個夾心影響.....

 

 

不過今次我係好明顯受"期間限定"影響.....加埋我一向對紅茶類既東東都OK有興趣既~~~

 

 

加埋加埋.......有王兄找數, 我直頭唔使諗啦....哈~

 

 

 

佢唔係大塊架, 不過要一口食哂亦可以既, 就丁丁點兒難, 難度為2星(5星最難)...

 

 

大家可以見到個餅上面有一點點既黑點, 請放心, 唔係品質出現問題,

 

 

呢個係茶葉黎架!!

 

唔好意思, 呢個影唔到佢D CREAM係點....不過係薄一層, 呈極之淡既紅色~~

 

 

我可以聞到味道既主要來源係來自中間既cream~~~

 

 

不過CREAM係帶有少許甜味, 唔係砂糖既甜味, 因為砂糖既甜味比較重, 呢個就較為清香~

 

 

原來係三溫糖~

 

 

夾心既茶味同三溫糖味係3.5: 6.5~

 

 

不過, 當我咬塊餅既時候, 都仲可以咬到紅茶碎, DD啦~ 釋放到少許茶味啦~

 

 

塊餅做得都係偏濕, 唔算脆, 亦唔係"林之之"....

 

合格...

 

 

不過我唔想試埋其餘果2隻味了.......

 







想點點

 

 想點呀.....


上載唔到相...全部停哂.....


原本諗左食零食既, 都要押後,


仲要唔知聽日得唔得....


唉.....


唯有要大家睇文字啦....


食左N日既沙牛意, 琴日想轉一轉口味食叉燒意....


真係唔轉好過轉....


個湯淡mou mou......基本上係比水只係多左少少味....


如果唔係D叉燒本身帶有少少甜味既話..,.我諗同水可以匹敵....


我望下個調味盤, 我唔想加豉油.....


我又唔食辣椒醬,


唔駛諗, 我唔會癲到加羹糖落去啦...


我就望到紅醋...


我心諗, 會唔會夾架???


不過食小籠包都可以點紅醋啦, 有可不可?


食左有冇事, 數小時後就知.....


我拎起瓶紅醋就倒...一手錯手....倒多左少少....


出現迷你紅海....


好彩, 佢既出現冇令D湯變得難飲左...多左一份微酸味~~~


以後都係食雪菜肉絲OR沙牛好了.....


跟餐仲可以簡要牛油方包OR薯餅,


賬面上係食薯餅賺少少既, 一塊牛油方包值幾錢....


我都食左三四日薯餅啦....


愛佢脆脆地, 同M記既冇太大既分別...


唔知係唔係"朋友來了"既關係, 身體奇異左, 腳腫, 肌肉痛....少少病...


食完早餐之後, 返家覺丁點兒喉嚨痛.....


唔好卦....臨新年先病....


好彩今朝起身就冇啦~


即係有警號, 暫時停一排....同埋唔好"枕"住食.....





XYZ.....當我寫完呢篇既時候, 我又死心不息睇下upload得唔得....


點知....得左....


我既天空有好多英文字母.....


唔理啦...零食聽日先寫啦~哈

 

 



休息一天

由於貴人既"朋友"來了,

 

 

唔係太想諗野,

 

 

所以休blog一天.....

 

 

等貴人小休一晚後, 明日25/1早上再開....

 

 

唔好意思哦...

搽搽搽

我呢兩日做得最多既唔係打機, 唔係食薯片....

 

 

而係拎住支cream, 得閒無事就搽搽搽.....

 

 

因為濕度實在太低, 不能再低....百分之十幾......

 

 

好彩之前同對手做"補水工程"做得叫做夠,

 

 

呢幾兩日對手都冇起哂皺紋......又爆哂...

 

 

比較正常啦....

 

 

打個比方, 我一日搽6次, 0係呢兩日, 我就搽夠8次或以上,

 

 

唧出黎既份量仲要比平時多, 務求D cream既"覆蓋率"可以去到九成以上~~~~

 

 

就係成既份量多左, D cream用到去盡頭既時候, 就變得好難唧.....

 

 

要出盡力唧.......

 

 

由於我太大力, 搞個支cream都變左形.......(塑膠做, 唔係硬屈屈)

 

 

唧極都仲有........

 

 

不過我前幾日都買定多一支擺0係度, 唔想"橋起手"冇得用....

 

 

即使之後一兩日暖番, 濕度高番.....

 

 

做人總要有幾手準備~~

 

 

天氣最暖可以去到20度.....我好滿意啦.....

 

 

天氣太凍真係唔好....我就冇所謂, 不過長者們就多病痛....

 

 

而家我就鍾意暖少少, 天氣好既新年啦~~~

 

 

前個星期, 有位auntie話, 冬落左雨, 新年就好天架啦...

 

 

呢番話我以前都好似聽過...有咩根據?? 命中率有....??%

Blueberry bagel@Pacific Coffee Company

琴日個POST寫我果日食左D咩,

 

 

0係邊食? 當然係0係P.C.啦~~~

 

 

我冇食蛋糕呀, 因為又細舊又貴......

 

 

所以初時我傾向簡食bagel或者pie, 皆因兩者叫幾有水準, 又唔貴~

 

 

好了, 上一次食左plain bagel, 都OK, 今次就向blueberry bagel進發~~~

 

 

盛惠14元, 我另外要了一盒仔cream cheese, 加`4元~

 

 

凍食又得, 請店員幫你加熱又可以~

 

 

店員將bagel中間切開成兩份, 再整熱佢~

 

 

D grill mark好靚~~~~入口果陣仲係熱熱地架~~~~

 

 

我最唔可以抗拒既cream cheese.......仲要係呢隻牌子......i like it~

 

 

整cheesecake都係用佢呢~~~~~

 

 

唔好睇好似好細份, 搽落去夠有"突"...~!~~~~

 

 

我D"水泥工程"唔係做得太好.......一忽一忽....

 

"文"完就進行"合體"~

 

 

啊~~~好香既cream cheese味, 因為平時太少就咁搽黎食, 今次都好似係第一次...!

 

 

不過芝味就稍為蓋過左藍莓味.....

 

 

難少少去食得出~~~

 

 

至於個bagel本身熱熱地, 又夠"煙un"~ 又唔係空氣包,

 

 

食落去好實在, 好有滿足感~

 

 

食完都幾飽架~~~

 

 

我好收貨~~~







Hazelnut Cappucino@Pacific Coffee Company

前幾日, 當我出巡時, 回程前去左P.C飲番杯既時候,

 

 

我既選擇困難症又開始發作.....

 

 

chocolate paradise? 新年桔味latte?

 

 

前者我就飲得多.....桔味既又好似太冒險....

 

 

正當佢地打緊交之際, 我望到menu上有hazelnut latte (冇錯, 又係榛子)既旁邊仲有一項,

 

 

就係hazelnut cappucino~

 

 

點解我唔早少少發現到佢呢? 早D就唔使開戰啦...哈

 

 

於是我就叫左tall size, 瓦杯上, 38元~

 

 

 

不消一會, 就送到了~~

 

 

我唔係咁鍾意用紙杯飲啡既原因有很多,

 

 

一係唔環保, 二係好似失去左飲啡果種風味, 情調.....

 

 

三係少左個賣相, 紙杯係睇唔到個頂頂 咁fluffy個樣lor.....

 

 

個頂頂整得都幾高~~~

 

 

仲好挺~ 冇因為我了下佢, 飲啖而塌下來~~~~

 

 

唔知點解, 有少少梳乎厘feel~

 

 

都叫幾有奶味~

 

 

有榛子味既係啡, 而唔係泡泡~

 

 

味道不濃不淡~岩岩好~~

 

 

如果閣下有吃番件餅, 都唔太會變得無味~

 

 

唔錯唔錯~~~

 

 

聽日再講我食D咩啦~

 

 

 

 

 





倒數

數一數手指,

 

 

距離農曆新年既日子仲有十多日, 兩個星期都唔夠,

 

 

所以琴日出巡既時候都特意提早出門,

 

 

去避開食完早餐開始逛超市既人潮...

 

 

我去果陣, 係唔多人, 好快可以埋單, 幾乎唔駛等~

 

 

不過我諗一過左早餐時間就.......好難講....

 

 

我都要為新年打算一下....為免薯片呀, 咖啡呀為搶購一空,

 

 

我更加唔想排隊排成個鐘......

 

 

 

有某些東東都係要早D買.....

 

 

上一年, 就0係百X由超市搬左上一層, 而變成超級廣場,

 

 

我又唔知個"C"字點寫既情況之下,

 

 

我0係年廿八走入去買野......結果係等左好耐....

 

 

今年我要計好盤數....

 

 

要贏.~

週日碎碎

• 我好長命, 分零鐘我一定等到既.....你咁趕咪你先....打尖...哼
• 食左三四日沙牛意...0係時候轉其他....雪菜意? 叉燒意?
• 食古力, 唔多唔少都係心癮....
• 我搵到代替品~~~ 就係cereral bar~~ 糖份少最少一半, 又多fiber......
• 成功慳到40幾元電費.....金額係幾多唔係最重要, 最重要係我贏左.....乜唔係加左基本電費咩???
• 呢一刻, 我好想食Carbonara pasta......哈哈哈..
• 近來, 我成日突然"斷電", 可以啪一聲訓左......早上最嚴重......
• 我個傷口......就快到終點了.....
• 好彩今日仲係七折.....一陣去零食屋睇下有冇野想買先.......
• 我唔會為左一個包而企0係度呆等幾十分鐘....食第二D都可以jei....

樂天ON咖啡榛子朱古力

呢個0係零食屋買既, 原價15元, 折左之後就13.5元~ 一排過~~

 

 

有時成日都食吉百利, 都想食下其他古力既.....

 

 

有果仁既就得我歡心~

 

 

唔知點解, 我對榛子係情有獨鍾, 可能太愛kinder果隻榛子味, 又好鍾意飲hazelnut latte......

 

 

搞到我今次都要試下...雖然係有點貴...

 

 

唔算難撕開, 不過好似我呢D又要完美, 又要影相既就要多DD時間...哈哈~

 

 

都算OK大塊, 不過唔係厚.......

 

 

佢寫有咖啡味, 點會有少少期待....因為咖啡味既古力, 我唔係食過太多次.....都好似3隻手指數得哂.....

 

 

不過, 當我食下去, 就發覺呢排古力既啡味唔濃,

 

 

只可以講好淡...不過又唔係食唔到...

 

 

似飲mocha果種似有還無既味道....

 

 

......

 

 

算啦, 榛子呢, 都叫幾多, 令食客每一口都可以咬到多多既榛子,

 

 

不過, D榛子又唔算烤得好香, 唔算太突出,

 

 

只係留有果種少少脆口既感覺...

 

 

呢排古力, 合格既, 不過就令我搵唔到再"翻兜"既理由了...

 

 

 





少左少

近排寫零食係少左,

 

 

因為零食屋近排入既都唔太岩我口味....

 

 

又超出價位.....

 

 

不過好彩仲有兩日七折.....可以俾我小出血...

 

 

希望可以儲多少少啦...

 

 

OK又冇咩新野, 皆因全被乜乜山, 物物山所佔據.....

 

 

即係簡單D, 3個星期左右先恢復正常....

 

 

不過好彩同一商場有7仔, 7仔依然有新野既.....

 

 

 

同埋希望過一兩日後出巡, 行下GREAT, 睇下有冇好野~

 

 

我一直猶疑, 好唔好試P.C既賀年飲.....係桔味Latte.....

 

 

雖然我食橙, 唔代表我接受到桔既味道.....

 

 

"大拿拿"三十幾.....定係飲番chocolate paradise好?

 

 

 

仲有, 果個播聖誕歌既商場....終於換上賀年歌了了了~!

摺一天

呢排唔多夠訓.....搞到"日頭"不停釣魚...又突然"斷電"...

 

 

加埋又俾電腦既auto update"洽"....

 

 

得我搞掂時, 我而家比之前更眼訓....

 

 

我去眠一眠先....

 

 

聽日再開....唔好意思呢~

成自然

自從濕度低到不能再低,

又

 

又自從屈服於baby oil cream既"淫威" (哈哈)之下....

 

 

我終於培養到搽cream既習慣.....

 

 

以前要我定時定候去搽, 根本係"mission impossible"....

 

 

因為我覺煩....煩.....仲有煩.....

 

 

又不過經歷過爆到不能再爆, 膠布冇位可黏既時候,

 

 

當十隻手指都黏哂膠布既時候,

 

 

膠布錢"好咩金"既時候....

 

 

當我遇上佢, 煩都係值得.

 

 

由細到大, 都好似用Johnson's既沐浴露多, 所以好自然好相信呢個牌子.

 

 

佢細細支, 淡金黃色既包裝..好舒服......

 

 

佢寫住Extra Care, 高保濕, 都唔錯, 好易推開~~~

 

 

最緊要一支仔賣17個幾, 都唔係貴, 用黎搽手好足夠, 可以用幾耐就好視乎你唧幾多~

 

 

同埋都唔難買到, 一般個人護理店都有~

 

 

我洗完手, 搽...

 

 

出街前, 搽...

 

 

返家後, 搽...

 

 

臨訓前, 搽....

 

 

 

同埋支cream就擺0係當眼處, 令我一定記得....搽...

'

 

久而久之.....我得閒冇事做就....搽....

 

 

托賴, 而家D手指都叫良好~

 

 

咁我就繼續....搽.....

 

 

直至天氣轉濕自先唔....搽.

 

 



FritoLay Cheetos忌廉燉菜粟米條

呢個0係零食屋買既, 原價10.5元, 折左之後就9.5元~

 

 

 

以我記憶所及 (可能, 只係可能), 零食屋好似好少入FritoLay既粟米條.....多數都係7仔或OK有....

 

 

不過偏偏呢2間就係唔入......同埋一個就草莓祭ing, 一個就新年貨ing....

 

 

所以今次見到呢個都要支持一下....

 

 

同埋本身我都OK鍾意食"粟X燒"既~~~

 

 

唔講唔覺, 呢個冬天我都好似食左唔少忌廉燉菜有關既零食......

 

 

佢同"粟X燒"既大小與長度係冇咩分別.....可以話係接近一樣.....

 

 

就連粟米條本身既口感都好似~~!~!

 

 

好脆口架~~~不過佢呢個味就冇味粉"come"0係面~

 

 

味道本身, 佢一D都唔甜, 只係有既濃厚又香既忌廉味~~~

 

 

唔係唧0係蛋糕果D甜忌廉~~

 

 

同埋菜味亦岩岩好, 唔太有草青味...不過都可以食到菜味, 似西蘭花為主多少少~

 

 

LIKE~

 

 

都幾好味呢~~~

 

 

之後我都曾經見過佢一次, 不過因為"苗"到有新target巳放棄左....哈哈哈~

 

 









週一頭碎

• 哎呀...我個"古力倉"竟然吉哂?????????????
• 原來而家D盆菜都唔平喎......4百+....
• 黏太耐膠布, 對皮膚都唔係好事....今晚就試一晚一邊腳唔黏~
• 左腳差唔多好番, 右腳"篤"下都有少少痛...右腳仍需膠布.
• 點樣可以用最少既時間做最多既事, 執行得最完美....果間餐廳既員工...真係學習一下...
• 我地成家都食左誠實豆沙包.....
• 我係一個十分, 極之記仇既人......哼
• 去超市就梗係要排隊等俾錢架啦....唔等得就咪買啦...
• 點解有D商場仲可以播聖誕歌???
• 我好好彩....今個星期食到一次翠華既菠蘿包.....行運了

森永大咀鳥花生朱古力家庭裝

呢個0係萬寧買既, 19.5元一包, 一包入面有8小袋~

 

 

 

我都估唔到萬寧有呢D糖果賣~

 

 

佢都係擺0係賀年糖果那一欄架~ 我個人認為萬寧D賀年糖果好似多樣化少少.....

 

 

講番大咀鳥, 我直情未睇過呢套卡通片, 好似"亞X"播過既~亦知大咀鳥成日出新味, 都好似出左好多年啦~ 都仲係咁受歡迎~

 

 

我之前食過佢"薯仔味"古力, 係有少少薯仔味, 不過又好似冇咩WOW effect....

 

 

不過我就好似偏偏未食過佢最原味既花生朱古力喎...

 

 

難得遇上, 當然要一試~

 

 

 

佢既包裝都好適合擺0係全盒入面既, 不過你個全盒可能要比較大先得.....

 

 

大咀鳥......你好可愛呀~~~~

 

 

包裝既顏色好鮮明, 令人好精神~更想快D去"解剖"....包古力...

 

 

佢大約有8粒左右....因為每次食我都有數, 不過我既記憶係好短暫.....好快唔記得了....大約啦..

 

 

佢既大小, 大約同"MM"既花生古力差唔多~

 

 

呢個既表面仲要"令"D~ 0係未食之前, 我好主觀認為, 表面太"令", 個味道會好假...(因為累積太多EXP...)

 

 



(唔好意思, 太細粒, 而貴人對手係唔靈活果款....冇可能影到佢橫切面....)

 

食落去, 絕對唔係果回事~~~~雖然朱古力味唔算非常濃厚, 不過真正既主角0係花生~

 

 

我食到唔只淨係花生, 好似仲有少少威化之類0係古力同花生之間,.

 

 

食落去既可以食到花生香之餘, 又有多一重口感~

 

 

一包實在太少.....唔覺唔覺就食哂....

 

所以佢只係0係我既宮殿僅僅生存左數天....哈哈哈

 

小病一場

0係呢D一時又濕, 一時乾, 一凍一暖既日子,

 

 

連人都好易病, 何況家禽?

 

 

我都唔知點解我會加入"傷風感冒大軍".....好彩我只係small potato...

 

 

即係只係流鼻水, 不過又鼻塞.....初時係有少少喉嚨唔舒服, 肌肉有少少痛,...

 

 

不過0係家人既"強迫之下, "迫"左我買藥食....

 

 

原本我想用天然療法架....即係乜都唔做, 照平時既生活模式......

 

 

 

不過既然家人都話藥錢佢地找數....當然樂意之至啦~

 

 

講到底...都係錢作怪...

 

 

未食之前, D鼻水就係隨傳隨到....

 

 

食左之後, 就好好多, 次數減少好多~~~不過都係鼻塞塞地........聞唔到咩味咁滯......

 

 

不過咁喎...我食果隻藥唔係"無睡意", 係食左會眼訓...不過我食左竟然好精神....

 

 

算啦, 我但求唔好頭痛就可以啦....

 

 

下星期初又凍番, 都係要食多d野保暖了了了.....哈

 

 

我

OREO草莓牛奶夾心軟曲奇

呢個0係7仔買既, 28元一包, 一包有10小包, 獨立包裝~

 

 

呢個係同之前果個OOO一齊買既~

 

 

不過我買果陣佢就被擺0係相當唔起眼既位置....

 

 

佢呢個軟曲奇, 我對佢既評價係壞多過好....壞既係佢唔太重OOO味....二來佢出新味道唔及迷你包咁快....

 

 

不過我係OOO既粉絲, 就試下啦~

 

 

我幾鍾意食日本零食既原因之一係, 好多時都有零食既"解剖圖"~令我更清楚入面有咩~



都係迷你包~ 個包裝都好少女, 帶有少少夢幻感覺~

 

 

佢呢個係軟曲奇, 嚴格黎講我本人覺佢似蛋糕既質地....

 

 

完全唔似曲奇, 又唔係軟...唔係"Mrs FiXXXs"咁軟...偏似蛋糕...

 

 

不過就係偏濕既蛋糕....

 

 

食起上黎可能麻煩少少, 因為有少少碎走左出黎...除非閣下一口食哂啦~~~

我冇可能"擰一擰"佢, 睇下入面係唔係有草莓醬....掀又唔係....一掀就爛哂......

 

OOO味一如以往, 貫徹左佢軟曲奇既作風...係唔太出既...

 

 

至少比之前果個post 既差好多.....不過又未至於冇...少D咁啦~~

 

 

草莓醬係"軟pat pat"既, 清淡既草莓味, 既不甜也不酸, 同呢個軟曲奇都叫"OK有計傾"既~

 

不過就草莓味可以濃少少就再好D~因為都係幾清淡下...

 

 

呢個合格有餘, 不過比之前果個OOO差...

 

尚可一試~