緊急暫停

由於貴人(即係我),

 

頭先晨早PK左, 刮到隻腳, 流哂血...

 

我岩岩先沖完涼...

 

我巳經冇力再寫任何野啦`...

 

有咩野聽日再同大家匯報啦....

 

不過我無事, 不用擔心...

桃哈多CC焦糖朱古力圈圈

呢個0係OK買既, 14個幾一盒 (唔太記得幾多毫子...)

 

 

 

由於要儲OK既line印花, 所以有新零食, 就算零食屋有得賣, 我都會0係OK買, 除非差太太遠....

 

我都好似好耐冇食 桃多多啦,.,,,.一來怕太甜...二來就冇咩味可以吸引我...

 

不過為左印花....加埋呢個又係古力, 就食一次啦~

 

佢呢個盒裝, 真係幾似"熊熊餅",,,,,,

 

不過桃多多而家呢個, 以往出 (blueberry cheesecake & cookies味) 既係以往既桃多多一貫既size, , 外型出現 (即係半月形), 而家呢個就係圓圈圈~

 

有少少可愛~

不大也不小, 一個人食都可以~

 

入面唔算有太多, 不過都叫夠食~~~太多我覺反而太膩...

 

佢圓圈圈既效果當然冇相中咁明顯, 相嘛, 未必可以完全反映真實....一定要靠雙眼考證....

 

佢既大小就大約一個港幣5元啦~ 所以可以一口食哂~~

 

如果咁都要分幾次食....我冇野好講了了了了....哈~

 

先講外層, 佢一點都唔濕, 唔油(因為一般桃多多既缺點就係偏"油林林" , 印哂0係個袋)...仲偏乾....可能有可可粉~

 

 

我硬係覺佢個心 同一般桃多多唔一樣, 乾身少少, 又有少少lon lon地味, 不過只係取其香, 而不見其苦...

 

一咬下去, 佢巳經完全顛覆我過往對桃多多既壞印象.....一D都唔一味死甜, 因為古力味岩岩好~~~

 

同埋口感亦唔錯, 因為佢除左個心, 古力之外,

 

0係外層仲有2種, 亦係令呢個零食成功既元素,

 

就係花生同粟米片(corn flakes),

 

令口感豐富左, 又令個零食變得香口~

 

初時我都只係食得出係花生, 就覺應該仲有另一樣野加左入去,

 

因為單靠花生冇可能令佢咁脆....

 

後來我睇, 係粟米片~

 

係就係有少少DD咁多多痴牙,

 

不過都好好味呀~~~

 

一粒又一粒, 唔使3分鐘就....哈哈哈...

 

我好耐都好似冇俾咁good既comments啦....因為呢個都叫幾合我心意...

 

佢自己又再...

 

 

糖份都幾多下....



 

 

 

 



週四小碎

• 唉....我既第二隻鼠終於"回歸堆填區"...死因同之前果隻一樣...又係俾我一手唔覺意fing左落地下.....
• 呢個故事教訓我, 我以後要小心既事多一樣....同埋以後唔好再用無線既鼠...
• 所以今日係寫碎碎....
• 我愈訓愈凍....(因為我開大個windows, 吹風扇....變態的)...終於要將半邊被cum半邊面....
• 不過都得14度? 我以為再要低幾度...
• 我終於被要課金既遊戲俘虜了,..,..不過而家仲要俾錢買"石"去回復, 抽獎品...因為連基本既都未搞好, 點去玩高level?
• 解決了我其中一個問題了.....多謝師傅.,.,.,
• 一碗牛奶多過麥皮既"牛奶麥皮"....真係有點兒....
• 如果要我為一個包, 而企十幾分鐘....我一定唔會...鑲金...免費都唔會....因為我只係覺浪費時間...
• 如果俾我簡多一次大學讀邊一科, 我一定選哲學又或者係心理學...
• 而家係唔係覺我太少說話, 所以我一出街就不停被訪問???

Doritos 粟米濃湯味粟米片

呢個0係7仔買既, 13.5-9元一包~

 

 

由於我食果陣都係差唔多一星期前, 前一兩日我經過零食屋, 見佢都有得賣~ 價錢仲平....哈哈~

 

 

我都幾鍾意食Doritos既粟米片~尤其係紅色包裝, 芝士味果隻~

 

不過就唔係日版~

 

今次見日版又有限定味, 仲要係粟米湯味..,,,.一定要試~

 

唔知大家有冇留意, 日本既自動販賣機好多時都有細細罐既粟米湯架~

 

不過就係熱既~ 係冬天飲就更加滋味, 因為熱呼呼, 飲完成個人暖哂~ 加埋甜甜地, 人體有糖份去產生熱能, 仲精神D架~

 

不過而家HK有D便利店都有擺日本罐裝粟米湯入個熱飲櫃~

 

大家都可以試一試...不過我個人就buy麥精維他奶 (熱)多D~

 

佢唔係細包~

 

我之前都有食過Riska粟米濃湯球 (零食屋都有, 大約8元, 不過價錢可能有變動), 大約都知呢類零食會係咩味~

 

不過Riska (下稱R) 就係偏甜同重味少少...

 

呢個我一打開個包裝袋, 都聞到粟米湯味, 不過就比R清少少...

 

再咬一塊先, 我都唔多講個脆片啦, 因為都係一貫既脆~ 有D咬口, 有少少粒粒~

 

不過味道食起黎就比R要淡DD咁多多, 不過仲係好稱職既粟米湯脆片~~~

 

亦好容易搵到重要元素, 粟米濃湯既香甜味~~

 

都不過由於佢係粟米片, 係經過 炸, 焗 (?) 始終都多左一份烤焙味~ 即係DD又咁多多既lon 味~

 

兩者加埋都balance到~

 

我巳經encore左一次了~~~

 

 





 

迷你鴨仔團

近排OK有line promotion, 都係儲印花....

 

 

換盒仔, 記事簿, 同新加既sally掛飾~

 

 

初初我仲以為好似上一波咁大個,

 

 

不過今次直情係可以用迷你size黎形容....

 

 

因為連我王兄第一眼見到佢都講:

 

 

"嘩, (好大隻喎)".....

 

 

比較岩掛0係書包既, 上次果D, 我覺太大個啦...

 

 

不過我巳經過左掛野0係袋既年紀....青春不再了...

 

 

所以都係換黎玩下....影下佢....全相...

 

影完就俾屋企人....哈哈哈...

 

 

我都係平時買下game書, 零食多....都係以平穩speed去儲....

 

我而家先知, Line 0係日本係幾hit.....仲有人物性格....

 

又有專賣店.....

 

搞到朋友遲D去日本....佢自己話要去買返D精品...

 

我本人就麻麻....我like kitty or熊本熊 多少少~~

 

 

 

 

 

 

 





暫停一天

由於隻mouse冇哂電, 屋企又冇電池,

 

 

令我寫野好唔方便...

 

 

所以順勢暫停一天啦...

 

 

一陣去買電池,

 

 

聽日再戰~

 

 

sorry~

卡巴也熊貓朱古力餅 - 抺茶牛奶味

呢個0係零食屋買既, 原價6.8元, 折左之後就6.1元~

 

 

佢又出新味啦~ 之前食過什果味既威化餅, 味道麻麻,

 

 

不過依然阻唔到我想食既決心...一心要中伏....哈哈哈...

 

 

我呢款熊貓餅既原因係我十分鍾意熊貓.,..

 

 

"生勾勾"既鍾意, 呢隻"不動"熊貓也鍾意~~

 

 

加埋好似寫"double matcha latte"??

 

 

係唔係真係double先??

 

 

試左咪知...

 

 

呢隻熊貓溶左......佢毀左容...

 

"那埋一舊"...

 

"所謂"五官不見了...

 

不過外表還外表, 味道又真係幾double...

 

又真係幾抺茶牛奶~~都食得出抺茶味, 牛奶味又唔太會完全"吃掉"抺茶味~!

 

balance得唔錯~~

 

不過都係甜左少少.....我仲接受到既~

 

點解對耳仔咁大既???

 

 

是熊不是熊?

 





長左少少

我積積埋埋好多沉底PO....

 

 

遠至一個幾月前...都係出去覆診既時候食既...

 

 

好啦, 新歡 (零食)未上場, 就寫住一篇先啦...

 

 

我都唔知可唔可以將佢歸為...飲...

 

 

算啦....自己同自己拗, 絕對係冇意思....

 

我近來去覆診, 都好鍾意去朗豪坊既mos burger~ 因為服務好, 令我覺自在少少, 主要原因係陣中有限定漢堡嘛...

 

我去果陣係有, 不過係我唔愛食既東東...與其話唔愛食, 呢個係"好唔回本"....

 

就係呢個

 

又咪係一個魚柳包......係精緻少少....

 

 

我想食肉多D....0係我既飲食字典中, 魚唔叫得上係肉, 亦唔可以滿足我對食肉既慾望.....

 

簡單D講, 唔夠飽肚.

 

 

於是我叫左另外一個包, 由於冇咩好彈, 我都唔講多啦...

 

不過今日我想講既係:

 

呢杯咖啡.

 

我唔想飲汽水, 又唔想飲果汁....只係想飲咖啡...

 

 

不過果陣仲係有少少熱, 未係飲熱野既時候, 梗係飲凍啦...

 

 

佢既咖啡, 驟眼睇, 真係"可X", "百X可X"冇咩分別....

 

 

我亦冇叫佢少冰....

 

 

佢另外俾糖水同奶粒....我差D twist斷個奶粒開接口....好艱難之下終於開到...

 

 

佢可以同大品牌既咖啡比, 我完全唔覺有咩地方輸蝕, 好好飲~~

 

 

支飲管我巳經整到最入......都仲係咁樣...

 

 

同個杯唔多岩比例....

 

 

搞到我個頭都要"惡"高D,,......

 

 

我0係飲既過程, 雙手完全係同個杯"零接觸",

 

 

唔係個杯污糟, 而係我有時好鍾意咁樣飲....

 

 

 

我又冇搖佢...當我飲完.......想咬下冰既時候...

 

 

乜咁少冰既?

 

 

唔係溶哂, 因為果陣, 果附近係有少少涼, 唔可能整溶D冰...

 

 

我0係唔夠5分鐘之內食哂所有野, D冰就更加唔會溶...

 

 

真係好少....杯野真係抵飲.....

 

 

係我好彩定係規定架呢???

 

 

我以後都飲凍啡了......





 

 

 



奔訪

琴日終於買到想買既褸.....

 

仲要係我十分喜愛既顏色...

 

0係未着之前, 我拎左去洗衣店洗一洗...

 

我家太小, 冇咁多位可以俾我曬衣, 總之就係冇位, 唔好駁我...

 

當我去完洗衣店之後, 唔夠兩步, 就有個婆婆向我呢個方向行過黎,

 

因為隔離就係診所, 所以我估婆婆係等候緊....

 

婆婆都着好多衫...(我眼中係), 不過長者可能未必夠...,我明.

 

婆婆行到黎我度就停左, 好友善問我, 你夠唔夠衫呀? 凍唔凍呀?

 

哈哈.....婆婆覺佢眼前既, 係一個奇人, 怪人, 外星人....

 

十幾度既時候, 仲有人短衫短褲, 坐波子....

 

果位奇人着既, 仲要係dri-fit tee.....

 

仲更通風...

 

我知, 婆婆好關心我, 係唔係友善既訪問, 我一眼就睇得穿...

 

可能被人訪問太多次了.....

 

我同婆婆講, 我OK呀~岩岩好~ 我慣左呢個溫度啦~~

 

婆婆笑笑口, 話我太厲害...真後生.....

 

查實...我唔後生啦.....我個樣呃得下人...

 

我有提醒婆婆, 下星期會再轉涼...

 

大家, 見到身邊有長者, 不妨作一個善意既提醒,

 

提醒佢地注意保暖....

 

我地一個小小問候, 一樣可以令佢地開心架~

 

完畢

童星闊條麵 - 杏仁芝士味

呢個0係零食屋買既, 原價13元, 折左之後就11.7元~

 

 

請注意, 之前果數日係有特價既 (比我買果陣仲要平), 不過唔知今日佢個價會唔會轉, 因為係特價野~ 睇個價錢牌啦~

 

 

佢呢個都出左2個星期啦....都唔係咩新野lu~

 

 

不過繼上次既麵包條之後, 我開始對童星多番少少信心...1CM到啦....呵呵...

 

 

加埋有杏仁, 又有芝士, 又點可以唔試呢?

 

 

佢既闊條麵都係以雞味, BBQ味果D為主, 因為比較"大路", 易接受少少...呢個未必人人喜歡...

 

 

因為有人可能對果仁類敏感, 可能唔鍾意果仁既味道, 又或者唔鍾意芝士既羶味....

 

 

各類各類...

 

 

不過我就係愛呢D.....係太愛...

 

 

好坦白講, 一打開個包裝袋, 我都聞唔到咩杏仁, 芝士既味...

 

 

唯有一吃知真偽...

 

 

唔.....如果我要比分, 十分為杏仁味最濃, 佢可能只得3-4 分...

 

 

佢真係清香到不能再清香, 因為就消失, "走佬"...

 

 

芝士味喎, 唔好期望好似cheddar cheese咁濃, 同杏仁味一樣, 都係咁....

 

 

又係清, 不過我覺佢既角色係輔助杏仁味, 係帶出杏仁味,

 

不過杏仁味又唔爭氣...

 

 

結果咪....唔多特別, 不過又唔係難食, 冇咩驚喜...

 

 

即係唔會encore果隻lor lor lor....

 

 

順帶一提, 唔鹹, 不過之後睇個label 就....哈

 

 







三三碎碎

• 雖然我唔怕凍, 不過最愛都係被竇.....暖笠笠....
• 被訪問了兩次...內容係: "你唔怕凍咩?"...回應係: "呢個溫度我OK喎~"
• 吹風扇, 沖凍水涼, 短衫短褲, 係my冬天三寶...~變態~
• 一向見我一次就玩我一次既伯伯, 琴日唔用英文玩我, 終於用廣東話訪問我.....我唔介意伯伯用英文訪問我, 我係nicam~
• OK聽日換鴨仔掛飾~好得意, 好彩之前冇換~
• ON CALL 2 都唔錯, 幾好睇~ 想知車車同洋蔥會點~
• 行行超市, 多左好多古力...又禮盒, 又排裝....聖誕...
• Christmas pudding好唔好食架呢? 入面通常有咩架? 酒味?
• 而家先知Line 0係日本都好hit.....

愛上它

 

 

 

由細到大, 我都好怕食"散修修"既食物 (薯片除外.....),

 

即係一食就D碎碎會"自動波"又好"群體"跌落黎....

 

所以, 如果我真係要食, 我就一定會"揸兜"...

 

何謂"揸兜"? 即係拎隻碟, 又或者係盒蓋之類, 等我食完之後可以好乾淨走人~

 

菠蘿包係好食, 不過太麻煩.....所以我食既時候, 成日都要向下望, 睇下D碎跌左....

 

 

等左好耐, 翠華終於開張, 佢真係裝修左好耐.......

 

由於以前住果區係有, 不過我係入唔到去, 所以一知佢開,

 

就好有期待~

 

開張之後, 唔知第二定第三日我就去左食 (之後先再PO), 再之後果日就望下有咩包~

 

因為佢0係店門口, 擺左2個麵包櫃, 放左好多熱門既麵包, 好似菠蘿包, 雞尾包, 墨西哥包, 蛋撻~

 

新鮮焗好既麵包就放係個櫃, 而個櫃係熱暖暖, 確保麵包唔會變凍冰冰...~~~

 

價錢方面, 一D都唔貴, 由5元至6元左右不等, 不過有D包 (番茄XX包)就要十幾元一個, 因為係好大個呢~

 

5元一個包, 今時今日都比較難買, 唔係話冇, 不過愈平, 就愈細個, 空氣包多.....

 

所以, 我對翠華既包都好滿意, 價錢方面.

 

我同店員講我要一個菠蘿包, 佢地就立刻0係包櫃夾一個出黎, 睇見D包仲係互相"痴"住....好開心...

 

 

仲放0係紙袋, 之後仲問我要唔要多個膠袋, 方便我拎....太好服務....又唔黑面...

 

 

我唔等啦, 熱包當然要"即場解決"佢.....如果唔係返到屋企就涼哂.....

 

 

唔好以為佢好細個, 因為角度問題, 佢係比一個拳頭仲要大.....

 

 

個"皮"都好厚~ 有人話過, 如果個皮太"痴"住個包, 即係唔合格? 係唔係個皮唔夠脆?

 

 

如果係咁, 我大可以答你,

 

係好脆~~~~~~~~~~~~~~係好脆~~~~~~~~~~~~~~~

 

 

仲要好厚添~

 

個脆皮又唔死甜, 岩岩好既味~

 

 

一咬個脆皮, 真係有少少"咔咔聲"係脆皮碎既聲~~~~

 

跟住有D碎碎就開始跌....

 

我會點做, 繼續食...

 

因為我個口巳經"吉"左去個紙袋入面, 變相揸兜...D碎碎點跌都好, 都只會跌入紙袋~~~

 

個麵包就幾清甜架, 因為如果大家都甜, 就好難入口啦...~

 

我食完個包既時候, 仲見有好多碎碎, 於是就好似食薯片一樣...

 

倒哂入口...哈哈~

 

一D都冇浪費...~

 

我又可以好輕鬆, 好完美食完啦~

 

以後....我一定會常食你....等我....

 

 

 





 

Chips Ahoy香脆朱古力曲奇

呢個0係7仔買既, 11.9一包~ 一包有兩塊~

 

 

各位....我又古力啦...忍下我啦....我呢隻"脫彊"既貴人, 近排係食古力既日數多左, 因為無咩其他新零食可以吸引我.....

 

 

不過各位請放心, 我都有幾篇麵包同"食X3"....準備緊...

 

 

唔好離我而去....

 

 

講番呢個, 因為吸引我既因素有:

 

 

花生, 古力, 曲奇

 

 

如果唔係都....未必買....

 

 

我都好似係第一次食美國產既曲奇?

 

 

 

佢既大小比"MRS XXXXXS"要來得細, 不過就厚好多~~~

 

不過我打開果陣佢就兩塊都好"愛得痴纏", "如膠似漆"....

 

因為佢係一塊"林林"曲奇, 唔係"藍X"曲奇果種硬度啦~

要可以食得好完美, 真係有少少難度..

 

何謂完美? 就係食起黎冇碎碎跌出黎....因為佢係濕曲奇, 又少少易散, 所以食起黎都要比較小心呢...

 

不過, 又確係幾有古力味~~唔係死甜果隻~

 

因為曲奇夾住碎碎古力, 又有少少果仁 (我都搞唔清係花生定係其他....)....所以食起黎一D都唔寡~

 

不過我期盼既花生, 冇我想像來得咁強烈, 只係少少花生味飄上黎......DD 咁多多...

 

小女子不材.,...咩叫peanut butter cup sugar? peanut butter我知係咩, 不過加埋又係咩????

 

不過總的來說, 呢個真係合格有餘, 如果可以加大少少花生味就更好~

 

睇到我暈.....放棄了

 





M&M花生醬味朱古力

呢個0係7仔買既, 6.5元一包~

 

 

其實M&M都出左D新味道, 拉勻都唔錯, 幾乎隻隻都食勻....(隔幾個月先食一包仔)...

 

 

不過我就係未食過薄荷味...因為我對mint係十分, 非常, 極之抗拒....

 

 

呢個我暫時都只係見到7仔有賣....莫非獨家?

 

 

花生醬味.....我好愛花生醬....如果自己整"奶醬多", 我一定搽多多又多多既花生醬, 再加多多又多多既花奶....

 

 

不過我對花生醬係有要求既, 就係一定要粗粒.....有野咬下好~

 

 

有時仲忍唔到"BUT"一羹仔食.......好好味...(細個果陣)~

 

佢既大小, 比花生味朱力扁少少, 不過又比原味既圓DD咁....夾0係兩者中間~

 

 

夾0係中間既唔係花生粒, 而係花生醬....係唔係好似呢???

 

 

佢係幾濃架, 當你一咬爆佢既時候, 有一陣濃濃地既花生醬香飄上黎, 那當然, 濃度比唔上食一羹花生醬咁濃啦~~~

 

 

佢既質地唔係流沙, 而係"比較結實既沙"...

 

 

唔使你用力去咬爆, 都可以輕易食到~

 

 

算係比較易同古力溶為一體既~

 

 

不過當我食完之後, 我就唔覺有咩大驚喜,

 

 

因為我始終都係愛佢花生古力 (黃色包裝)入面, 有原顆花生果種口感...

 









Oreo 迷你朱古力威化餅

呢個0係7仔買既, 推廣價5元三條~

 

 

我買佢既時候, 佢0係擺0係收銀處既~

 

 

呢個應該都唔係咩新產品, 不過迷你版, 我就好似未見過....

 

 

加埋5元三條.....我呢個又唔想買一盒, 但係又想下既人黎講,

 

 

可以散買就最好啦~~~

 

 

店員都講呢個係有盒裝既~

 

佢大約比手指 (不包括姆指 & 無名指)長DD, 兇狠D真係可以一口食哂.....我就係屬於兇狠一族...

 

 

威化既外層被薄薄既古力包圍住~~~

層次都叫幾分明, 每一層都可以睇得好清楚, 古力, 威化,
OOO, 又威化....OOO心....

 

不過咬落去就稍嫌個威化"浮"左少少...

 

即係冇"嘉X"個感覺咁實在......

 

可能多少少層數好DD?

 

不過OOO味都唔係太出, 唔講真係搞唔清楚食緊OOO威化....

 

只係知食緊古力威化...

 

甜就唔係好甜, 因為威化餅本身好似減退左古力某程度既甜味~

 

又唔係好食, 不過又唔係難食...

 

普通貨仔啦~

 







湖池屋波浪薯片 - 羅勒鹽味

呢個0係零食屋買既, 原價12.8, 折左之後就11.5元~

 

 

哈哈~終於搵到一樣同古力無關既零食...

 

 

因為發現我近排食來食去都好似係古力餅, 古力條....

 

 

我怕大家會睇厭....

 

 

都係要加番多少少古力以外既零食...

 

 

不過我都儲左好幾個古力零食....大家都仲係要忍下我呢....請見諒...哈

 

 

鹽味薯片大家可能吃得多, 可能覺佢平凡左少少,

 

 

不過愈係平凡就難愈做好.....

 

 

不過, 我個人就比較愛花巧野, 就係愛"柚子鹽
", "梅子鹽"呢D......

 

 

今次都係第一次見呢D味, 不過西餐就成日出現架啦, 廚師都會擺各式香草落去鹽, 再0係個石盅磨佢,

 

 

咁香草就會釋出香氣, 精華同鹽混在一起,

 

 

可以用黎醃肉之類~

 

 

係好好味呢~

 

佢係唔係"史上最厚", 我就冇乜興趣去考究, 因為我只在乎好唔好食....

 

好奇怪, 由細到大好愛波浪紋既食物, 例如薯條, 相比起直身既薯條, 我"硬係"覺波浪紋薯條好食D......

 

 

所以呢個我BUY~! 同埋又真係OK厚,

 

 

不過唔知係唔係受天氣影響, 定係生產既時候有少少問題,

 

 

我覺D薯片就有DD咁多多濕, 唔算係十分脆~

 

 

不過都可以接受架~

 

 

味道呢....我竟然覺....佢呢個羅勒鹽味同....

 

 

"媽媽麵" (即食麵+味粉+搖爆佢再食果種),

 

 

十分, 極之相似.....

 

 

不過呢個就係溫和版, 食完唔會覺口乾果隻...

 

 

都唔錯呢~

 









吉百利 Double Decker朱古力

呢個0係吉吉島 (AEON)買既, 5元一條~

 

 

而家仲係唔係呢個價我就唔太清楚....因為果陣做緊好多隻牌子既古力promotion~

 

 

一般便利店同超市都有得賣既, 價錢都相差好遠, 由8個幾去到10元不等...

 

 

而家連便利店既店員都問我一句,

 

 

你都好"搏老命"喎...

 

 

何解? 因為我幾乎次次去, 都係買古力多.....哈哈....尤其入秋之後....

 

 

不過, 我每日一日食一粒, 有時遇到特別D既, 就食一條, 果日食既早餐我就飲既野都走糖架啦~ (雖然我冇需要關注血糖, 不過小心D好...)

 

 

有日去吉吉島, 行行之際, 係一個乜都有 (米, 油呀..)既corner位發現有好多古力....,,三角呀, kinder呀.....不過呢D超市都有啦....

 

想搵下有冇我未食過, 價錢又....哈哈既~

 

竟然俾我0係"云云古力海"遇上佢.....佢都來自英國呢呢....

 

冇理由唔買佢呀~

 

5元一條又真係幾抵.....同埋又未過期.....

 

 



 

佢都寫明係有"鳥結糖", 我買果陣都知既,

 

不過就係唔知佢唔係"硬屈屈.....而係軟林林.,.,,,拉到絲果種軟法....

 

我亦知呢隻"鳥結糖"本身係甜架....不過就係估唔到0係呢隻古力入面, 佢係"甜到冇親人"....

 

古力既底部係有少少脆脆, 好似cereal, 口感唔錯,

 

不過偏偏就係被"鳥咩咩"既"軟PAT PAT"口感破壞左...

 

一咬落去就好似"即溶"一樣.....

 

唔係我鍾意既古力口感...

 

 

沒有中伏, 那知更好?

 

呵

 





週三碎碎

• 好羨慕呀....可以去大阪....不過朋友只係去4日....唔多夠"皮"...
• 不過朋友好好....問我有咩想要....我想要kitkat....因為日版多新口味.....
• 我都有少少後悔唔0係Bicester Village (outlet)唔買多D野....
• 我又中了一元現金咭....lucky~
• 琴日斷斷續續下了一日雨....好討厭...
• 一句"你仲未X"....真係"辣慶"哂所有人....0係人地傷口灑鹽咩.....
• 我真係幾like阮兆祥...佢幾時都發放正能量...一句"紅咩咩咩館"....就令人爆笑.......我都收唔到聲.....
• 我係一個信事實既人, 請拿出數據來....

涼涼暖暖

呢排既天氣真係唔多穩定,

 

 

一陣子暖, 一陣子涼....尤其一早一晚...

 

 

明明訓果陣仲係有DD涼意, 半夜就熱...

 

 

雖然...我有啟動"散熱系統".....不過都係唔得...

 

 

我王兄話梗係啦.....我"cum"果張係駝毛被....唔熱至奇....

 

 

不過我有露我對腳板散熱, 被 亦冇cum到頸架啦.....

 

 

依然出汗....

 

 

"海燕"都叫走得七七八八, 琴晚都好明顯覺係涼左少少,

 

 

起碼我完全唔覺熱....

 

 

仲有....而家我巳經踏入飲熱飲既階段....

 

 

以往, 除左好凍好凍(即係少過10度)先飲,

 

 

而家呢個度數飲唔係我覺寒,

 

 

係都好似慣左飲熱野....仲有,

 

 

可以慳番2蚊....哈哈....

 

 

不過我有個疑問,

 

 

飲凍野既時候, 有時咪會凍到個頭"那"埋一舊, 痛痛地既...

 

 

點解飲熱飲既時候, 唔會出現相同情況呢??

 

 

而變成個"心口那埋一舊"呢????

童星杯裝香甜麵包條

呢個0係零食屋買既, 原價12.8, 折左之後就11.6元~

 

我印象中既童星, 好似都係出點心麵, 點心闊條麵多....

 

 

奈何, 佢款款都太鹹.....雖然係幾好味既...

 

 

出甜吃小點??? 得唔得架?

 

 

不過0係我"不到黃河心不息", "誓要上刀山"既情況下,

 

 

我還是帶了它回家~

 

 

杯上面描述既, 好似係法包? 仲要係非油炸??

 

 

佢每一條麵包條既長度就大約有一隻手指咁長 (除左姆指 & 手指尾),

 

 

佢唔係切邊麵包, 有人可能唔係太like, 不過我覺呢個元素就為呢個零食加左少少香氣~

 

 

佢成氣唔算"喪痴"好多糖, 都係適量啦~ 如果唔係點叫sugar味??

 

 

不過佢唔只糖味, 仲有少少麥芽味...有少少清香~~~

 

 

balance得唔錯架~!!

 

 

又夠脆口, 吓嚓吓嚓~~

 

 

係就係普通D, 不過都幾好味.....因為我唔想為左想食炸麵包條,

 

 

而開爐炸....搞場大龍鳳咩....

 

 

買番黎食好過.....