- 熱到傻左了......
- 今年係唔係早熱左?
- 最開心就係買雜誌.....用1-2元毫子.....好有滿足感...
- 排骨身形開始回來了.....少D肥腩啦....
- Sailor Venus....你好型呀........
- 就快端午節了....不過我冇食糉呀, 因為怕難消化......雖然我好愛綠豆同肥肉....
- 不過一隻普通既綠豆糉, 都要22元一隻???? 唔好去搶.....街邊貨仔...
- Pandora新出果款十二星座系列.....又幾靚.....不過要近500元一粒.....貴左DD~
- 今次LINE既公仔竟然0係7仔換...之前果幾次都0係 OK嘛~
- 好想快D睇<點金勝手>~
- 人地點處理婚姻, 都係人地既事...外人都係唔好論斷了...
2014年5月31日 星期六
週末又碎
2014年5月30日 星期五
高高高層
由於我係一名頂級車手......
最愛一支箭飆出去.....大堂門口....
(不過我都係一名負責任既司機.....好注意行車安全的...)
由於都住左好幾年, 早就熟習哂應該點開門好方便自己, 幾時減速.....
不過有時總有好心人幫我開門~
前幾日, 有一位我唔常見既保安由老遠走過來, 想幫我開門~
我一路開, 一路禮貌地謝絕了~
第一回合完畢...
我食完早餐, 買完野, 又一小袋返家......
當我入完我認為正確既password之後......佢唔郁...
哼.....
我又將頭兩個數字倒轉.....
總係記唔好~~~
正當此時, 頭先果位又奔過黎開門了....佢應該係由"細路電視"見到我...
佢問我: "你係唔係高層?" 查實,佢既問題係: "你係唔係住0係高層?"
因為大約分開低, 中, 高層lift~ 幫我"禁"埋掣~
我就......答~
"我係高層.....高層係我~~~~"
哈哈哈哈哈~~
似乎佢get 唔到我既爛GAG......
唯有自己同自己哼好了....
呵
2014年5月29日 星期四
那些年的...零食
前幾日去7仔"巡視業務"......竟然俾我....
"再度重遇你....可喜也可悲".....
可喜的是, 相隔xx年之後, 我仲可以再見到呢款零食......係我小時候頗愛的...不過學校既小食部就賣得好貴.....
可悲就係.....要我俾買...哈
佢一共有3款, 雞味, 芝士味同咖喱味....
因為唔想食辣, 所以選了前2....
佢係迷你包, 每包大約4元-4.5元...(我又唔記得...)
後來, 我發現百x都有, 不過就係大一個SIZE, 一個人食就好吃力, 不過大家一齊食, 睇波就都唔錯既~
好令人懷念既包裝......
我仲食左芝士味(紅色包裝), 不過食完巳經完全唔記得咩味了....不過一定係唔難食.....
以迷你包個量黎講, 都ok多架啦~
每條粟米條都有少少黑椒粒0係上面~
不過我聞一聞....覺似係...
雞粉味???? 即係"家x牌"果d呀....
食落去都有少少似.....不過就唔係咁強烈, 唔會係令你立刻好想飲水...果隻....不過你食完都好可能想飲杯水清一清....
佢同"粟二燒"個口感唔太似, 因為佢呢個係有dddd林, 不過只係部分, 大部分都係ok既..
佢有樣唔好, 就係粟米條入面有"硬到不行"既乾粟米顆粒?
係十分痴牙......
痴牙呢個POINT都係今次懷舊之旅既重點.....因為佢冇果d粒粒...就好似唔係果隻粟米條.....
呢個都係合格多少少, 可能咖喱味會好d......共鳴大d...因為果陣都係食咖喱味多....~
2014年5月28日 星期三
多又如何
唉......未到七月, 八月就巳經飆升到32度幾.....
真係熱到人都傻埋....
早D訓又如何...?
又咪係訓唔到....
手臂出汗, 頸又出汗.....
痴立立....好唔舒服....
我點解唔開冷氣?
因為開埋, D電費就好"那利".......同埋而家我D電費巳經好"金"......
我巳經4年冇開過啦.......不過我依然好鍾意冷氣, 每朝出去食早餐都係我最enjoy既時候~~~
同埋都想環境出少少力啦.....雖然慳錢成分居多....哈
好難想像34度會點咁....
我可能熱到傻左.....
我唔怕凍, 不過就怕熱.....真係要搬去南極先得.....
2014年5月27日 星期二
2014年5月26日 星期一
週一首碎
- 熱呀熱......仲未去到最熱果幾日...巳經訓唔好了....
- 打暈自己算.....
- 一出巡就下大雨...唔通個天都....?
- 一個唔賭馬既人, 偏偏好鍾意睇賽馬.....哈哈哈
- 琴日去零食屋.....又係零收穫...大件事鳥.....
- 一到夏天....食少左野.....又瘦番鳥.....
- 英格蘭...今屆可以去到幾遠?
- 不過世盃可以順利完成嘛?
- 我既"優點"就係雞蛋入面挑骨頭.....同埋挑人地機....哈哈
- 王兄就係我既師父....呵呵呵
- NOTE2 個MON 大過Z2? 8一下....驟眼好似....
- 好彩張一元咭未過期.....如果唔係就.....
- 一到夏天我就唔鍾意古力, 呢排冇咩新薯片出.....所以少左零食po....唔好意思呢....
2014年5月25日 星期日
打破歷史
哈哈...打漏左2個字.....係:
打破我的歷史!
數日前王兄賜左隻game俾我....女角臨要向男角表白既時候,
有一群礙事既主角們.....出來要做樓主....
女角要玩哂先可以過關......仲要all clear...
有節奏mini game....(我最唔擅長...)記憶既...好多.......
我可以玩.....4個幾鐘頭都過唔到關....
好大部分衰0係節奏果PART......
最大問題係, 全部只係有一次機會, 只要你衰一次,
即使你玩到去第4關....都要由頭來過....
我有好多刻想唔玩....又心有不甘....
因為新game, 又想知之後既情節......
0係我不斷挑戰.....加埋少少"手神"之下.....抽到比較易挑戰既樓主....
成功了....!!!!!!!!!!!!!!!!!!!!!!!!!!!!
哈....之後當然立刻save......
再唔夠數分鐘...就冇電了.....
好彩......
我都好驚訝我有咁好韌力.....
好勝心強....我果然係....
好彩之後爆機之後可以買代挑戰劵.....唔使煩
2014年5月24日 星期六
熱烈歡迎
落足2個星期雨.....真係令人都癲.....
濕度之高, 周身痴立立....地下又濕立立....又回南天....
真係日子難過...唔好過...~
好彩琴日又落左一個早上既雨...叫OK涼快~
中午之後就開始停~ 琴晚都叫訓得唔錯, 因為前日大巡.....搞到我好攰...
今日預定有陽光啦~~~~ 仲炎熱添....~
可以見番太陽伯伯....太好了....
我地想您想得好辛苦~~~
可以見到陽光...人都精神D, 唔使咁鬱悶.....
要大叫: "天上有青空一片...."~~~~~~~~~
雖然熱......
不過夏天唔熱大件事鳥.......
有風就可以啦~
同埋飲番杯凍央.....解暑.....
要計劃一下換被的事了~~~
2014年5月23日 星期五
日清Cisco西尾抺茶芝士蛋糕
呢個0係零食屋買既, 原價12.8元, 折左之後就11.6元~ 一包入面有4小包, 獨立包裝~
琴日出巡.....足足玩左我一日.....好彩都咩雨落.....
不過令我十分之攰.......對眼好"澀"....其他又冇咩攰....哈哈哈~
好彩都0係 Log On搵到少少零食, 好快食完就PO~ 等我~
***********************************
佢日清呢個, 之前都有出蛋糕之類既, 不過硬係吸引唔到我.....
我唔食番薯的....佢有.
總之我唔愛既食材....佢都有....叫我點買喎....
直至母親節 (哈哈哈...N日)有七折果日, 我見到佢, 我立刻"叮叮叮"....
因為我呢個芝士怪....(雖然巳經降呢....由頂級變中級)....又唔貴...又係獨立包裝...又有芝士....
樣樣齊...我唔可以唔買了.....
不過我都係要take risk....因為抺茶類東東......好難整得好食....
係細細包......唔好諗佢好似西樵大餅...咁巨....
包裝得簡簡單單...添一份清雅~
佢係可以一口K.O., 不過就.....會....
黏住張嘴.....令你好難講野.....都係分開兩半食好了.,...
佢一D都唔"空氣"~ 食下去係冇脆既感覺, 因為叫蛋糕嘛~~~ 似曲奇既蛋糕lor....lor...lor...
軟"林林"的, 食果陣都係要小心一點, 有可能有碎碎飛出黎~~
我最關心既...係我會唔會再中伏.....
就係抺茶味了...
食下去, 食唔到芝士味咁滯...不過一股清香中又少少澀既茶味~ 唔錯唔錯~
不過都OK甜.....減DD分......
佢真正減分既地方就係佢黏左少少.....水分多左DD......
不過都合格呢~
2014年5月21日 星期三
又幾好睇
琴日冇野做, 0係MYTV一口氣睇左3集<快樂聯盟>,
係估唔到咁好睇~~~
第一集既主題係港鐵....~
可以入到港鐵內部拍攝巳經係好了不起既事, 令大家可以對佢既認識加深~
當聯盟入到去控制室既時候, 唔只佢地嘩....連我都嘩...
令我驚訝既原因係個控制中心十分之大, 設備好先進......
而聯盟既任務係要開咪, 令乘客做指定動作....
其中一個任務係要互相擁抱....0係香港, 要同"3唔識7"既人擁抱係幾難既事...
不過最後有人互相擁抱~~
我都好驚訝....
之後又去屋邨...
有"浩南哥"做樓主~~~
究竟TBB點說D機構去幫助拍攝????
令我想繼續睇~~~~
2014年5月20日 星期二
週二首碎
- 鄭雨盛...你好型呀........
- Running man, 又真係幾好睇...係就係知佢地預先SET好, 不過睇得開心就得啦~
- <秘密花園>巳經大結局了.......唔知下星期六有咩韓劇睇?
- 原來加左一元, 真係會易好多去買.....菠蘿包.....
- 天氣開始熱了......
- 不如諗下覆診果陣去食咩好???? 星巴巴?
- GiGi姐既電飯煲豉油雞......好好味咁喎.....
- 原來曼聯簽左新領隊??? 祝佢好運.....
- 身為半邊英國人...(哈哈), 當然支持英格蘭~~~~~
- 又想剪頭髮了......好熱.....
- 希望覆診果日唔好落大雨.....可以俾我輕輕鬆鬆行下啦.....
2014年5月19日 星期一
香烤脆腸意式包@Mos Burger
呢個都好似係佢新出既限定包~
價錢都係差唔多, 冇話因為限定包而特別貴...~
仲有.....因為王兄找數.....當然唔諗幾錢了~
俾完錢, 廚房就立刻整~~~ 好快就送來了~
我都知Foccacia係意大利既麵包, 比較長條形, 質地同口感都似pizza doughs~
不過呢個Foccacia係比較"林"身少少, 軟身少少....係冇咩味既....冇乜.....
D汁係有少少"多到氾濫"..........同埋係比較稀...水水地......
佢既味道就偏向歐風, 有少少香草味, 又即係有少少澀味......唔係我鍾意既味....
腸仔嘛, 我覺佢同佢出既熱狗腸係十分相似...都差唔多係果隻味...都係咁脆~
只不過形狀唔同~
由於佢個汁太多, 所以唔係好可以食到生菜絲既爽脆`~~~~
由於味道唔係我愛既味 (絕對唔難食), 我食到一半就送哂俾王兄了....
哈哈哈~
2014年5月18日 星期日
慳D啦啦
大家有冇發覺我近來寫少左零食?
一來零食屋唔係返咁多貨....
OK, 7仔果D又唔岩我....
超市既又太悶.....
結果我寫一篇零食.....就要停一至兩日....
真係唔好意思...
希望一陣出巡有收穫.......
**********************
琴日去OK買雜誌既時候, 有紙巾送~
每包紙巾入面都有唔同類型既折扣咭~~~
好似叮叮食品, 麵包, 電池~
不過我竟然中左一箱先有一包既....
一元折扣咭~~
哈哈...又幾好彩喎......
**************************
巴西世盃......
可唔可以順利開幕????
場館..仲有保安......唉...
真係唔想四年一度既盛事, 就咁泡湯....
同埋佢以後想申請其他國際大型運動會就...難過登天....
***********************
韓國咖啡......一般都係好甜既????
飲左2款同牌子, 唔同味既....
我幾乎飲唔出有咩分別.....糖水味.....太甜既可可味...
冇下次了......
2014年5月17日 星期六
湖池屋三重芝士粟米條
呢個0係OK買既, 大約10.9元~ (因為唔記得左...只記得大約啦...)
OK今期個主題係芝士, 有好幾款芝士味米餅, 芝士魚肉腸....吸引到我既就係呢個~~
三重芝士? 係唔係咁勁呀? 對於我呢個芝士怪, 係不可抗拒的....
雖然10.9元有少少貴.....算啦...
如果係其他味, 我就未必了....
一大堆日文....只係明一半....
佢既顏色係呈偏橙色, 同相中顏色有少少唔同~~~
真係好"粟燒燒".....
佢原本同"粟燒燒"既脆度冇咩太大既分別, 都算唔錯, 幾脆架~
佢最好既係一D都唔"碎修修"...保持得好完整~~
佢既三重芝士味就......偏向奶味重少少....
唔係帶有太鹹既芝士味, 少少creamy, 會唔會加左少少奶粉入去呢?
好易入口, 真係好易一條接一條.....
oh...no....係倒哂入口.....哈哈哈...
唔錯唔錯....
唔知"粟燒燒"幾時出限定味呢??? 有少少期待....
2014年5月16日 星期五
週五再碎
- 要搵一處收毫子既地方真係唔容易......因為好多食肆都唔收....我都係0係便利店呢D地方散.....
- 翠華既菠蘿包一加就加一元....即係由5元加至6元.....邊個會咁大方同自己D錢作對....
- 食唐記饅頭都係一樣....
- 我D排骨又回來了.......等你很久.....
- 好想為零食袋添多D....不過我又睇唔岩.......
- 想....永遠是夢幻的......永遠是容易達到的.....小姐(不是我), 認清事實啦....
- 世盃雖然好快開波, 不過唔使咁早就入一個個啤酒山..? 又唔見你入多D啡....
- 一杯比開水多少少味既凍奶茶...夠了.....都係凍央好...
- 抽濕機...辛苦您了....
- 我諗.....如果"三叔"唔搵星星幫手.....D銷情可能.....
- 都教授....你太有型了....
2014年5月15日 星期四
童星丸點心麵 - 粟米鹽味
呢個0係零食屋買既, 原價13.5元, 八折之後就10.8元~ 一杯過~
請注意, 呢個我係0係8折果陣買既, 平日買未必係呢個價~ 自己注意一下啦~
***************************
等左咁多日, 又回南天左咁好幾日.....終於好天了...
雖然有雲, 不過仲可以見到藍天, 下午有陽光~ 有丁丁暖~
地下也乾得8899了~ 因為琴日都好咩咩大風.....
*************************
自從零食屋盤點完之後, 某D店鋪直情可以用"慘不忍睹"黎形容....
因為佢個飲品櫃直情係"吉"到不得了......冇貨返 (直至14/5, 先有DD咁多多既改善)....
想買罐啡又冇, D店員都唯有將D貨拉開黎擺.....
希望快D回復正常啦......
************************
好唔容易先見到有新貨...當然要試一試.....
真係有D貴....如果冇8折.....睇怕我都.....唔會....lor...
一向都幾buy童星既點心丸麵, 愛佢細細粒~
我之前只係鍾意食佢既炒麵味, 粟米鹽喎.....好似係新味?
佢比五毫細DD, 好易放入口....仲可以放好幾粒~~~
一次咬幾粒....仲開心D啦~~
個量都叫OK, 因為好似倒極都仲有~唔算過少~
佢都算幾乾身, 咬下去都十分脆....食點心麵既首要要求就係要脆嘛~
大家可以從點心丸見到有一粒粒乾燥左既粟米, 一粒點心丸有成2-3粒粟米架~~
不過包裝上寫既粟米鹽味, 我就唔係太食得出.....
因為呢個點心丸, 帶有少少雞粉味同丁丁既胡椒粉味...
雖然唔係太濃味, 亦唔可以叫係清新..,
唔當佢係粟米味....可能好少少~~~ 不過絕對唔難食架~~~
都係一次貨仔~~
2014年5月14日 星期三
2014年5月13日 星期二
2014年5月12日 星期一
週一首碎
- 琴日出巡好彩冇被下雨影響~~~仲好開心添~
- 不過晚上就落雨落到"彭彭聲".......又閃電...我成晚都冇咩點訓....
- 好彩, 天文台預計今日日間雨勢開始減弱.....天氣陸續好轉....太好了....
- 皇兄...實在太"種"我啦....哈哈哈.......
- 原來係一般茶餐廳既烏冬同吉吉家既烏冬...味道上同彈牙程度真係有好大差別......
- 要搵一杯岩自己口味既奶茶...真係唔容易....有D太淡, 冇咩茶味.....有D就好奶.....
- 世盃......幾多號開波???
- <食平DD>又真係幾好睇...我巳經睇哂咁多集....個個食譜都好得.....不過我唔係食素既....所以果集唔多岩我..哈哈!
- 原來<愛我請留言>巳經上左GOTV ??? 我又多個選擇了~
- 雨呀...你快D停啦...好嘈....
- 今日都係食叉意.....沙牛都係耐唔耐食一次好了~
2014年5月11日 星期日
善意一二
我係一名獨居既波子人士, 終日與波子為伍.....
與它愛得難捨難離.....海枯石爛.....矢志不移....
直情係寸步不能離...呵呵呵~
我近日成日俾街坊問:
"點解你唔買部電架? 舒服D嘛"
我知呢個絕對係一個善意既提問, 不過總係會答到厭.....因為我永遠都係得一個官方答案.,,,,
因為佢地對我唔多唔少都好好奇.....因為"一條冷"出出入入.....又係車神....又成日一包二包.......
同埋佢地好多時都係0係lift入面問.....
我既答案係:
"因為用手推波子可以做多D運動, 手又推, 呼吸快左, 又多左, 肺活量又大左, 起碼一病果陣唔會咁易"一命嗚呼"....."
"同埋用得電既, 就一定會對佢產生依賴....又係少做運動"
最後一部曲就係show我對"起哂展"既手臂.....三大舊"老鼠"....
咁佢地就會好認同, 好明白我所講....
我唔到最後一步都唔會用, 因為唔多唔少都係涉及自尊問題,
我而家又唔係推唔到, 何解要用?
買野方便D? 我買野獨有一套方法, 永遠唔會麻煩~
去遠D? 我而家全心打機, 唔想出街玩~~~哈哈~何況.....冇電就真係"黎計".....
大家以後最好唔好再問手推波子人士呢個問題啦....明未? Yeah.
2014年5月10日 星期六
2014年5月9日 星期五
Hojicha Sesame Chillino@Pacific Coffee Company
P.C. 又出新野飲~ 今次都係一如以往, 有熱有凍~
Hojicha Sesame Chillino & Hojicha Tea Latte
Chillino係碎冰, Latte唔使我多講啦~
我飲果日有少少暖, 所以都係要chillino, tall size, 要忌廉~ 37大洋~
只係從外表看, 佢同Cookies & Cream係冇咩分別.......因為大家都係黑黑地...~
我仲想要多D cream....hahahah......
佢唔算太出既茶味, 如果你問我有冇焙茶味既,
我一定答你: 我唔知.....因為我未飲過熔茶.....
不過碎冰之間就滲出中等偏淡既茶味, 唔難入口, 都叫唔錯既~
黑芝麻味就比較薄少少...可能店方唔想焙茶被比下去..? 因為黑芝麻既味道都叫比較濃?
飲完之後, 我都係愛Rocky Road, Caramel Swirl多少少.....
不過呢個新野唔難飲既~
2014年5月8日 星期四
買唔買好?
而家我每朝出去食完早餐, 返到屋企果陣,
放番哂所有"行裝"之後, 第一件事就係開WIFI, 一黎打機...
二來就係聽電台....
我只係聽903....因為我都係主要想聽<早霸王>~ 不過佢又10點先播....
都會聽<晴朗>既, 不過就唔會太專注....
不過我近排考慮緊好唔好買部平平地既收音機.....
因為下下用電話去聽, 硬係覺好似會加快送佢去堆填區既速度......
就算收音機聽到壞左, 頂多都係百多元,
不過電話壞左死左就以千元起計....
又不過我又睇唔岩款....
真係可遇而不可求....
我呢D咁挑剔既人......睇怕都有排搵.....
努力了...
2014年5月7日 星期三
忍多一會
大家...就忍我多一陣啦....
因為近來零食屋盤點, 巳經冇哂貨可買....同埋之前又係公眾假期...
我巳經冇咩可以寫....
不過琴日0係7仔買左樣零食, 諗住一陣食, 食完先過相,
咁我聽日就有野可以寫了~
**************
琴日, 突然涼左好多......我竟然覺有少少涼.....
原來又下雨.......之後再聽電台....
吓??? 19度??? 勁喎....唔怪得之啦.....
我見街上既人都添番衣....真係架, 未食五月糭, 寒衣不入籠 (唔知有冇打錯~)
所以我巳經儘快跳入被竇....享受我張駝毛被....因為過多一排就要換被架啦~
*******************
唉....琴日同個一齊0係英國讀書既朋友"輸入中".....
佢下年會返英國玩呀~ (佢希望)...
真羨慕......佢問我有咩想要果陣...我諗都唔使諗....就答:
"銀仔"~
因為琴日我整唔見我唯一一個"遺物".....一便士....
巢來巢去搵唔到....
好彩朋友肯俾個我....佢自己都冇乜....
我想兩鎊銀~~~ 好靚架~
自己點解唔0係返番之前, 留番呢....?又係而家先黎恨.....
呵呵....
2014年5月6日 星期二
佢都有?
曾幾何時, 扭蛋都係0係我生命中佔有好重要既一環....
有時愈係想"抽"想要果款, 偏偏就係好似要同你作對一樣....
就係出左你唔係咁想要既出黎....
唔要佢又唔係, 要又唔知擺0係邊....
不過, 我最愛都係扭蛋果陣, 扭果種聲.....好似咁多年都冇咩點變...?
變既係可以用"八達lon"俾錢......不過一旦"拍"左, 就要0係指定時間內去扭.....
同埋...D扭蛋變得愈來愈貴.....唔再係三四元可以扭了....
我成日去果個屋邨商場都有, 仲有成十幾款....不過都係男性向既多...
即係超人變身器, 高X公仔....女性向既就比較少...
不過有日, 我竟然....見到佢..~
我諗, 如果唔係<美少女戰士>有新動畫出, 睇怕禮服幪面俠都......
我都好想重溫<美少女戰士SS>...同之後果輯....
因為最後果輯我好似一集都冇睇過???
我細細個就好迷<美少女戰士>, 細個成日幻想自己係Sailor Venus....哈哈哈...
因為我最鍾意佢....
不過我又好想有阿衛咁既男朋友.....更呵呵呵....
如果之後有戰士們既扭蛋, 都可以諗諗既~
2014年5月5日 星期一
週一首碎
- 又是下雨天....天天下雨天.....何時見晴天..??? 呵
- 我仲要少少時間去適應冇褸既日子.....
- 第一次入零食屋係"吉吉手"而回.....果間仲要係OK大架....
- 未到夏天, 就巳經想快D秋天到....發夢了....
- 開多間奇華??? 唔錯喎......起碼闊D...我又可以入去嘛.....
- 又要plan下覆診去邊食野了.....
- 冇解啦...我天生太8......我總有方法去尋找答案...
- 我真係姚Sir同柯南上身.....哈哈....
- 我應該讀心理學...一定大有作為.....
- 果隻game既中文版....真係少少吸引.....還是落訂好了....~
- <快樂聯盟>....好睇嘛???
- 我想快D世盃快D開鑼......只要有得睇...我一定場場追....不過我唔係球迷...只不過係四年一度既盛事, 一定要捧場了~
訂閱：
文章 (Atom)