Doritos濃厚芝士粟米片

呢個0係7仔買既, 13.9元一包~

 

 

好一個"期間限定"......又令佢同我既胃結緣了......

 

 

仲要係芝士味.....佢show出黎果張相確係超吸引.....點住D芝士醬...

 

 

double美味....

 

 

用左3種芝士?? 咁"勁秋"?

 

 

由相中可見, 粟米片既顏色係唔均一既, 較為淺色既係粟米片本身既顏色,

 

 

稍為黃黃橙橙既係芝士粉? 主要味道來源~

 

 

不過都叫多既~

 

 

一咬下去, 脆都係一貫既脆, 不過就食到一種比較油潤既感覺....

 

 

係佢同系列中比較稍為多少少既~  不過又未至於係"油林林"果隻~~

 

 

咁都好既, 唔使咁"乾爭爭"~ 入口比較易D~

 

 

由於呢個唔係煙燻芝士味, 所以就少了苦既味道 (因為之前就係食過同牌子同系列既煙燻芝士味, 係苦夾澀),

 

 

就有丁點兒微甜同奶香既感覺~

 

 

唔算鹹, 不過都尚算叫濃厚既~

 

 

還可以啦~~~可能"點"下芝士醬會好好多~

 

 









週四丁碎

• 哈哈...又再一次發生了....多謝王兄既解救....
• 天氣濕, 真係邊度都唔想去.......
• 終於狠下心腸, 買左傷口用既護墊....墊一墊, 確係冇咁痛...早知早D買啦...
• 10cm X 10cm....都好大塊....不過價錢仲好咩貴...
• 究竟有幾多人中左"星星"毒?
• 係唔係睇左一集就會中毒架?
• 我真係唔記得我幾時見過你...抱歉...
• 7仔又有綠茶節啦......今次D野都好似OK吸引.....
• On call 1 都OK好睇....我而家先至睇完第4集....還需努力....
• 論chok...馬明都幾chok....不過我buy....
• 唔知"食為奴"既ending會係點架呢???

森永盒裝芝士餅乾

呢個0係零食屋買既, 原價18.9元, 八折左之後就15.1元~

 

 

一盒有12塊, 一塊為一包, 獨立包裝~

 

 

請注意, 呢個我係0係八折果陣買既, 八折係有期限既, 買之前確認一下先啦~

 

 

數一數, 好似好耐都冇食森永既餅乾啦, 對上一次好似係食同一系列, 不過就係杏仁味果隻~

 

 

同埋近排好少食餅乾, 所以都唔知係唔係新產品呢~

 

 

芝士....我最愛既芝士....我永遠都係你既粉絲....

 

 

不過有時芝士味既餅乾都有大通病......"鹹到luck毛"...

 

 

呢個又會唔會....???

 

 

大家一樣係森永餅乾, 有D就一包兩塊, 有D就一包一塊~ 不過都好岩擺0係辦公室既~

 

 

用了cheddar cheese?

 

 

個包裝都幾優雅, 幾royal....hahah

 

 







 

佢都係屬於厚餅乾果種, 同同系列既moonlight (藍色盒)果隻一樣大小, 連厚度都好似差唔多~~

 

 

只係聞又聞唔到太大陣芝士味,

 

 

不過咬下去又唔係果回事~~~

 

 

都幾有呀, 唔係"鹹到luck毛", 同cheddar cheese都幾似, 少少鹹鹹地, 不過當中又有些少奶香~~~

 

 

最緊要既係佢同餅乾既甜味都好夾~~~

 

 

芝士味 6: 4 餅乾甜味~~~

 

 

不過一包一塊太少了....

 

 

唔多夠"皮"~~~~~

 

 

愛芝士既你, 呢個都可以一試~

 

 



休一閉塞

貴人對於部電腦成半粒鐘就諗唔到寫咩...

 

 

於是, 休業一天...

 

 

不過就構想緊, 清D沉底野好, 定係寫新野好....

 

 

定係"卡啦卡啦"?

 

 

總之, 聽日再開張~

Oreo焦糖燉蛋味朱古力

呢個0係OK買既, 16.9元一盒, 一盒有8塊, 獨立包裝~

 

 

 

OK又有新既promotion啦, 今期好似主力promote袋裝糖~

 

 

我0係第一日就見到佢.....哈哈....OOO~~~

 

 

講起OOO, 我唔係咁鍾意食一塊塊既OOO, 不過麥記既OOO麥旋風, 我又大愛喎....

 

 

以一粒好似糖果大小既都愛...

 

 

我就係唔鍾意食一塊塊既餅乾....哈....好怪.

 

 

************

 

焦糖燉蛋嘛...我好似好少食呢款甜品.....原因係....冇原因.

 

 

不過就麻麻地焦糖....不過我又好愛以前麥記既焦糖新地.....又係....冇原因....

 

 

所以基於好奇心之下, 我就會一下佢啦~

 

 

佢同手指尾比, 就短少少, 係可以一口K.O.既大小~

 

 

個包裝好有冬日feel~

 

 

 



 

佢既顏色比同款既要黃少少, 係因為焦糖既緣故啦~

 

 

入面都可謂處處也是OOO~~~ 亦有比較大塊既, 都有好似磨到似沙狀既, 可以增加口感~~~

 

 

唔錯呀!

 

 

個形狀亦可以維持得好好, 唔會"東一舊, 西一舊", 食起黎亦唔會有碎碎....我超buy~!

 

 

焦糖燉蛋味嘛....焦糖倒是有的, 不過蛋味就....隱藏了.....

 

 

可能焦糖味太霸道, OOO味也是, 蓋過左蛋香~

 

 

佢呢個既焦糖屬於"中間偏甜".....我仲可以接受到....

 

 

兩者加埋一齊味道是不錯的, 所以佢都係0係我屋企僅僅生存左3日左右就....吃完了....

 

 

哈

 

 

 



FritoLay番茄芝士薄餅粟米片

呢個0係零食屋買既, 原價12元, 九折左之後就10.8元~

 

 

數一下手指, 有好幾日都冇寫零食....而我終於記起要過番d相....今日終於可以有野寫啦~哈哈

 

 

以前未去英國之前, 一直都係食"P黑黑"既PIZZA, 好愛佢既芝心批.....

 

 

可惜英國既"P黑黑"一來冇香港咁多款....又冇咁好食....

 

 

所以就好少食PIZZA.....除非"成村人"0係宿舍又唔想出街食果陣先會叫.....

 

 

不過都唔係好食...

 

 

我呢d頂級懶人, 要我自己整個餅底....."又LEE又路"....我都係...

 

 

會簡打電話....

 

 

哈哈哈...

 

 

*****************

 

 

知就知FritoLay 出左呢個味架啦, 仲好似出左一段日子添, 不過好似未0係市面見過...

 

 

所以俾我0係好遇然, 但係命運將我們巧合地遇上既情況之下,

 

 

我搵唔到理由唔買...... 因為食來食去都係芝士味嘛....

 

 

意大利, 對食材有極高要求, 堅持不花巧又做出美味食物~

 

 

我buy!

 

 

唔知呢個又係唔係花巧呢?

 

 

番茄味唔會過酸, 但係帶有一兩分甜, 係比較完熟既番茄味~~~~

 

 

不過當我一咬就食到好似有燈籠椒既味???

 

 

但係又唔算十分強烈, 亦可以話岩岩好, 唔係叫人"接受唔到"既~

 

 

芝士味, 我只唔太覺有, 因為都好似被前2種食材搶左少少"彩"....

 

 

變成隱藏既味道~! 又可以架~~~

 

 

總的來說, 十分合格有餘, 亦好好味, 叫我驚喜係有少少燈籠椒味~~~

 

 

而唔係一味勁番茄, 勁芝士味~~~

 

 

如果再見到佢....我一定會encore~

 

 









四年一度

自從無記拎左世盃既播映權之後,

 

 

就有埋今屆冬季奧運會, 俄羅斯索契既播映權~

 

 

以往真係未睇過, 極其量都係聽新聞先知少少...

 

 

我連南韓既金妍兒選手係金牌得主都唔知....

 

 

我只知金選手係溜冰, 非常出名, 係"閃耀冰舞台"既評判, 同埋今屆冬奧之後就退役...

 

 

同埋佢好靚~

 

 

我就只係喜歡睇花樣溜冰 (滑冰?), 因為覺得可以0係冰面上(似啦)高速轉動, 跳躍, 落地, 提腿...

 

 

真係唔簡單.....

 

 

佢地轉果陣會唔會暈架???

 

 

我琴日一路睇精華...一路為選手擔心, 因為都有唔少選手失手......,

 

 

不過同時又好enjoy, 因為佢地好優美~~~

 

 

雖然金妍兒選手最後都未能夠衛冕, 不過可能享受過程同得到觀眾支持先係最重要~~~

 

 

加油~

 



週五大碎

• 天氣終於變好了....仲有陽光...仲曬到入屋~ 太陽伯伯 i miss u~
• 不過就乾乾地...好彩有hand cream~
• 我從來係一個理性去行事既人, 愛完美.....同我既星座性格大大不同....
• 被王兄洗腦了....
• 咁都被我中左張"一元現金券"...一陣去買G Zone可以平點了~
• "星星"真係咁好睇??? 我身邊既人都中左毒...不過佢首"My Destiny" (?)又幾好聽既~
• 我以前都唔覺韓劇好睇....一來成日"喊苦喊fit"....不過自從"大長今"之後就慢慢覺好睇....
• 近日好似懶了.....成日都唔入相.....我D零食相就開始堆積....哈哈...
• 冇解啦....我份人唔鍾意等,....咪一支箭走去開門...哈哈..
• 唉...連DJ都有懶音...."國"--->"角".....
• 證人都有分係可信同不可信既....哈哈

新大陸

大家都應該知有Line 呢個Apps架啦,

 

 

佢都出左好多小遊戲, 不能一一講...

 

 

我咁岩都玩厭左其中一個apps, 就搵一下有咩新野玩下啦~

 

 

薑餅人? 唔多岩....

 

 

推幣遊戲, 方塊我又唔岩....

 

 

有一個好似幾得喎....

 

 

就係Line Cafe, 佢都係以經營餐廳為題,

 

 

D道具都好可愛, 人物設定都係可愛為主~~~

 

 

玩家可以一手決定整咩野食, 進行研修.....搵多D銀...

 

 

又可以戳一下D STAFF, 令佢地精神D...又可以上街搭訕, 又賺下銀~~~

 

 

不過我而家要面對既難題就係咖啡豆成日都面臨缺貨...

 

 

又唔知點加ADD, 可唔可以去人地度食霸王餐....

 

 

慢慢黎啦~~~

 

 

我唔想成日課金......我荷包會大出血架....哈哈哈...

 

 

而家呢個, 要成日望住.....不過消磨時間又唔錯既~

 

 



Nabisco波浪薯片 - 濃厚BBQ味

呢個0係零食屋買既, 原價13元, 八折之後就10.4元~

 

 

請注意, 呢個我0係八折果時買既, 平時買唔係呢個價錢, 總之買之前就睇清楚咩價先買啦~~

 

 

太開心了~ 北風來了~~

 

 

由琴日一地都係水, 到今朝巳經乾哂~~

 

 

成個人既心情都好左不少~ 琴日我都唔太覺有暖左, 只係一路覺北風大左, 好大風, "fung fung"聲....帶有少少涼意.....

 

 

我就知地下一定好快乾~

 

 

一入晚上, 氣溫就不斷下降, 雖然未叫好凍, 不過變化係好明顯.....所以琴晚訓得都叫唔錯....

 

 

仲遲左起身添....哈哈哈哈~

 

 

北風來了, 自然就有些少乾....乾都係一件好事, 等地下呀, 牆呀....快D乾, 大家又開心D~

 

 

**********************

 

 

呢個都買左好幾日啦, 唔知而家仲有冇得買呢?

 

 

BBQ味, 真係好難輸....係好難唔好食.....

 

 

不過M&S既BBQ零食就唔太有BBQ味, 薄一點;

 

 

有D就太大陣酸味, 太假;

 

 

呢個?

 

 

平庸左少少..

 

有咁多種香料??? 真係抱歉.....食唔出...

 

 

佢係就係我愛既波浪紋, 不過口感卻又是另一回事......

 

 

唔林又唔硬...."中間騎牆派"......口感似"明X蝦片"?!?!?  真係有DD似.......因為佢唔crispy....

 

 

可能我口味特別左少少...

 

 

至於個BBQ味, 佢唔係太大陣酸味, 嚴格少少黎講,

 

 

酸味3.5 : 6.5甜味+香料味.....

 

 

 

冇咩wow effect....

 

 

佢唔係唔好食, 要扣分真係0係個薯片口感上......

 

 

又或者多少少黑椒味, 酸DD會好少少~~~

 

 

 





 

 

 

 



再潮一篇

唉.....

 

 

再唉.....

 

 

又唉...............

 

 

總之琴日, 今朝, 我間屋都係"唉唉唉"....成屋都係烏鴉...

 

 

唔使問"阿貴", 又係同潮有關....我0係上一個blog entry有提過, 我呢一兩日係唔會寫任何零食entry...因為灰爆....

 

 

我非常唔鍾意春天, 夏天都比春天好,

 

 

起碼唔會地下濕到"一撻撻".....

 

 

要我拎住抺布坐住0係度抺....又要彎腰, 又怕污糟....

 

 

真係十萬個不高興....

 

 

我決定要亂黎....

 

 

食多排古力...哈哈哈....

 

 

令自己開心D~

 

 

我唔怕, 我有大把quota~~~

 

 

不過天氣話轉就轉, 今晚就轉北風, 氣溫仲要急降....

 

 

天文台好少何用到"急降"呢個詞彙, 一跌就十度....

 

 

真係人都癲....

 

 

呢一兩日先俾春天既濕, 被玩弄ing, 今晚開始又凍過....

 

 

我就還可以呀, 因為我來自外太空, 少過十度都唔係問題, 變態野大把.....例如...開風扇..短褲出街...

 

 

不過, 我想請大家關心一下你地身邊既年長一輩, 一個關心問候都好重要,

 

 

溫馨提示一下佢地穿多件衫, 飲多杯熱茶, 食多少少食物....

 

 

留意一下有冇出現反應遲緩....有就及早求醫...因為可能係低溫症....

 

 

大家小心~~~



潮又再潮

真係唔好意思, 要"焗"大家睇多今日, 聽日純文字既blog entry....

 

 

因為我完全冇心機去寫....

 

 

皆因一個字: "潮"

 

 

琴日我都開始感受到開始潮濕.....

 

 

起碼空氣多左水份, 氣味好似好不一樣...

 

 

所以琴日都係快快手去買定D野, 一陣間可以做少樣野...~

 

 

頭先起身, 唔...有霧呀...

 

 

係我最唔喜歡既...

 

 

因為摸乜野都好, 都好似濕"立立"....周身唔聚財...

 

 

連件褸都好似"曉"吸濕咁,.....哈哈....

 

 

好彩一陣只係去超市, 一食完早餐就可以去,

 

 

同埋我一早諗左要買咩, 唔使0係超市逛來逛去...浪費時間....

 

 

我明架, 春夏交替, 有霧, 潮濕係好自然既事....

 

 

不過, 可唔可以快少少到夏天...?

 

 

又或者潮既日子唔好咁多?

 

 

我想同太陽伯伯玩遊戲....

 

 

哈哈哈哈



完了....

一年一度既農曆新年終於過去,

 

 

不過依然仲有人0係初十五派利是,

 

 

因為一日未過十五, 一日仲係叫過緊年~

 

 

十五都是拜年時~

 

 

我今年都算OK啦~

 

 

一來又返左娘家, 見下阿娘, 一齊食下飯,

 

 

不過果餐係冇飯...只係盆菜~~~

 

 

不過果個盆菜都好豐富, 又蝦又豬手又枝竹~~

 

 

仲有阿娘調味, 王兄煎既雞扒~~

 

 

唔錯唔錯....

 

 

我琴日去超市, 終於見到D賀年野以清貨價出售...~

 

 

不過絕大部份都唔岩我.....

 

 

超市入面既佈局都正常ing...

 

 

太好了...我忍左佢成個幾月.....

 

 

由於零食屋呢排星期三, 四有八折,

 

 

所以平時0係超市買啡都變左0係零食屋買...~ 因為愛上微糖啡~~~

 

 

雖然日本啡係就係細罐D, 不過好飲D, 又少糖D!~

 

 

今個新年都有少少難忘事......令我抺餐C....

 



卡樂B香薄餅薯條 - 芝士咖喱味

呢個0係零食屋買既, 原價10.8元, 8折左之後就8.6元~

 

 

請注意: 我係0係8折果陣(星期三, 四)買既, 閒時唔係呢個價, 買果陣自己問清楚有幾多折先決定啦~~

 

 

經過一晚休息後, 貴人覺精神好番好多...~ 因為琴日0係被竇太爽既關係, 貴人既"訓覺掣"突然開左.....仲訓左半個鐘........

 

 

果陣貴人玩緊電話架....好彩冇跌...仲0係貴人既懷抱中....

 

 

之後貴人就好似走左去釣魚一樣...

 

 

終於放下電話...好好睡一覺....

 

 

結果今日唔懶床都可以準時起身~~哈哈~

 

 

******************

 

 

我一向對咖喱味既薯片, 零食都有少少抗拒, 因為永遠唔知佢有幾"啃"......

 

 

我唔係唔食得, 只係怕食完肚痛....捉D野入自己身體咩....哈哈~

 

 

不過, 當我見到有芝士既時候, 我個腦就完全拋開"會肚痛"既念頭....

 

 

皆因我也是一名芝士怪....

 

 

佢呢個既包裝同對上果個焦糖味薯條既大小差唔多, 個包裝袋都係呈長方形~

 

 

一個人都可以輕鬆食得哂架~

 

 

(因乜解究, 有位外國叔叔出現0係包裝袋上?? 個pose仲要咁....)

 

正如圖中所見, 薯片係刻意由一大片分成數小片, 長度大約比手指尾短DD~

 

 

所以食起黎就唔會擺唔到入口啦~~

 

 

同埋佢係波浪紋, 係比一般薄薯片既口感來得要好好多架~~~

 

 

再睇真少少, 佢話係芝士咖喱味, 芝士在哪兒?

 

 

原來差唔多每一塊都有架, 細心D望, 黃黃地, 橙橙地果D就係~~~

 

 

都幾香芝味架~~~6粒星濃~~~

 

 

至於咖喱味, 因為日本咖喱始終辣極都有限....因為佢地0係煮既過程都加左不少蔬菜生果,

 

 

不過就從來唔會覺佢奇怪, 因為加左一份甜味~ 所以0係日本真係大人小朋友都好鍾意呢~

 

 

呢個嘛, 完全冇辣既感覺, 一D都冇, 只係有咖喱既香~

 

 

唔錯唔錯~

 

 

當佢加埋芝士都十分夾, 畢竟大家都係濃味食材, 好易搶對方鏡, 呢個岩岩好~

 

 

睇黎我以後可以放心少少去買日本咖喱味薯片了~

 

 

一堆又一堆倒入口.....真係怏樂不知時日過....

 

 

可以再encore~

 



又休一DAY

由於琴晚發生左一點突發事,

 

 

令本貴人不得安睡,

 

 

不過貴人到現在也是安然無恙.,..,放心...

 

 

又不過, 貴人巳經嚴重缺眠....

 

 

決定休息一天....

 

 

聽日再開....請也

週四又碎

• 唔計今日, 仲有一日凍要捱....之後就暖番D啦~ 頂硬上~
• 依然凍水涼+風扇+開窗ing.......so變態..哈
• 被竇, 永遠係我最想逗留既地方.....
• 琴日零食屋8折...入左少少貨呢...yeah~
• 盒金莎巳經被我食左一半...哈哈...食得唔好嘥....
• 終於收到街坊既利是~~ 佢好好, 隨身帶, 因為我地唔係成遇見~~
• "戀愛季節"既主題曲好好聽....開始喜歡林欣彤既歌~
• 同埋"春之章"果首插曲都好好聽.....".....一層一層剥開我的心"...肯定之前聽過...不過就唔記得主唱者同歌名~~
• 今年完全放棄7仔換kitty.....之前既特別版一個都冇換...D印花送哂俾人....,我唔想晨早流流走落街等成個幾鐘.....,.,哈哈...終於"滅luck"左~

Nabisco薯條 - 焦糖味

呢個0係零食屋買既, 原價11元, 折左之後就9.9元~

 

 

我要吠...呀....吠....呀...吠....

 

 

太凍啦....直情唔想出被竇......

 

 

吠完.

 

 

我一向對焦糖類既零食係好有保留, 十次有九次都係中伏收場.....一係太甜, 二係個味道太假....

 

 

不過當我第一眼見到呢個既時候, 我只係想試下當焦糖加埋薯片, 會唔會...

 

 

新奇左少少?

 

 

所以明知好大機會會中伏都要會一會佢.....

 

 

佢呢個一D都唔大包, 一個人食綽綽有餘~ 岩岩好~~

 

一打開個包裝袋, 唔係聞到一般甜點, 糖果既焦糖味, 因為呢D通常都係太甜,

 

 

呢個有D wow effect, 因為我聞到既焦糖味係好清新????

 

 

一咬落去, 焦糖果然還在, 不過就唔係濃, 係偏淡略帶清新, 甜度有4星 (10星最甜)~

 

 

奇就奇在佢可以同薯條好夾, 完全係"friend過打band", 唔係"你還你, 我還我"~

 

 

可能廠方用左別的品種既薯仔 (唔係一般用黎整鹹味薯片果D), 我覺呢個薯條食出黎既澱粉質既感覺相對少好多~~~~

 

 

唔錯唔錯~~

 

 

 





桃哈多薯圈 - 牛肉壽喜燒味

呢個0係零食屋買既, 原價12元, 折左之後就10.8元~

 

 

 

0係我未開始之前, 先要"吠"一下今次既冷鋒....

 

 

真係"唔吠唔安樂"....

 

 

今次既冷鋒比之前既仲要厲害....冇咩太陽....又多雲.......

 

 

今朝我睇天文台....最update既係我住果區得7度.....我既成間屋都出現了好多"英文字母"......

 

 

我手手腳腳唔覺凍...(果陣短袖衫短褲ing...hahah), 但係D風就向我條頸吹埋黎......(因為我紮起頭髮訓)...

 

 

嘩...果一野真係凍到入骨........我可以着少衫, 但係就D頭髮唔可以唔放落黎....(及肩過少少.....天然頸巾)....我太怕凍親條頸同耳仔....哈哈

 

 

而家我着件棉褸, "cum"實頂帽, 拉高拉鏈, 只係露左對眼同鼻.....哈哈

 

 

想要暖既天氣....最快都要下星期一....最高20度了~

 

 

 

我吠完啦, 講番正題..~

 

 

原本我冇預佢會入呢個, 不過佢就係新味道.....因為零食屋冇幾耐之前先出"考生合格祈願"系列, 冇諗住佢又會咁新味~ 我又係牛魔王, 當然要試下啦~~

 

 

壽喜燒, 牛肉當然係主角, 不過牛肉既價錢偏高, 以前既家庭未必負擔得起, 所以有時加D豚肉入去, 在我眼中, 大家都係肉類, 都一樣好味~

 

 

我未食過壽喜燒, 不過大約都知咩味既~

 

 

 

有蛋味??? 佢真係好隱蔽下喎.....我完全食唔出....

 

 

 

佢既顏色同佢既原味 (鹽味)冇咩太大既分別, 都係咁上下......呈淺淺啡色~

 

 

事先申報, 我食果陣, 我仲傷風緊.....嗅覺唔係太靈光.....我只係聞到甜甜既醬油味~

 

 

佢呢個薯圈, 都係一貫既脆, 不過唔係要你"出盡奶力"果隻, 不過有咬口啦~~

 

 

食落去食到完全係壽喜燒既醬汁味~~~甜甜地既醬油味~~~

 

 

不過中間偏淡, 我就覺岩岩好~~~~ 相反我唔係太食到有太重既澱粉質味~~

 

 

"油益味"唔重...幾輕~

 

 

我一路食, 一路幻想緊, 如果有一日我真係食到100%牛肉壽喜燒, 我個樣會有幾幸福.....

 

 

因為我太愛食牛....

 

 

 

 

 











急降

琴日落左成日雨, 搞到我出街果陣都覺麻煩....

 

 

又濕又凍...不過我依然可以繼續變態....

 

 

開大個窗, 開風扇....飲凍野....

 

 

仲有.....沖凍水涼......哈哈哈.....

 

 

樣樣做齊....

 

 

0係今朝未起身之前, 0係被竇十分爽....暖笠笠嘛...起身果幾數分鐘仲叫OK既...

 

 

不過就愈坐愈凍.....

 

 

我好怕條頸凍, 耳仔凍....

 

 

後來上天文台睇下...

 

 

原來我住果區得8.6度....

 

 

.....

 

 

.....

 

 

.....

 

 

唔怪得之啦....

 

 

今日既早餐可能食粥? 加隻糉?

 

 

食多D野保下暖....

 

 

哈哈~!

 

 

不過氣溫一下子驟解...我都有少少唔慣.....即使過多幾日, 都只係上升幾度...唔太多...

 

 

大家要好好照顧身邊既老友記呢~