我的開年大餐

大年初一回了娘家, 初二先吃自己,

 

 

不過呢, 初二有食肆未開, 就算有開既, 都要加一, 加二....我係一個唔肯屈就既人....

 

 

當然, 梗係簡"麥汪勞"啦~ 佢冇新年加價呢支歌仔唱架~

 

 

又不過呢, "麥汪勞"既早餐往往都有一個缺點, 就係唔夠飽....

 

 

所以看似有機會夠飽既就係扭扭通粉~

 

 

我都好耐冇食啦, 就食一次啦~ 人又唔多~~

 

 

我簡左: 板燒雞腿扭扭通粉, 加芝士, 要左優質即磨咖啡~

 

 

27.5+2+1=30.5元~

 

 

點計都仲要平過加一, 加二果D....

 

 

雖然佢既通粉唔係大份, 不過都叫夠架, 因為有塊肉同薯餅嘛~

 

 

我先食薯餅, 因為唔怕攤凍佢....到時D"倒汗水"整到塊餅"林之之"....D紙仲要溶溶地.....??

 

 

都好脆呀~~~

 

 

我第二先食碗粉, 我一直都冇掀開個蓋, 係因為想塊芝士再溶D!!~

 

 

然後"GAN生"撈勻佢同D湯, 不過絕大部分都"痴"住塊扒~ 撈一撈點都好味D既~

 

 

我簡左豬骨湯, 我次次都只係簡佢, 因為愛佢夠濃~

 

 

不過加埋佢既脫水蔥, 我就覺:

 

 

十分"出前二丁"豬骨味~~

 

 

次次食都感覺都一樣~~~

 

 

不過.....我BUY...

 

 

塊雞扒好似.....薄左? 定係我太耐冇食呢??? 都只係兩個月前既事....

 

 

不過味道都叫同以前一樣, 有少少黑椒味, 不過唔太重, 我仲OK~

 

 

塊芝士....痴住塊扒...令塊扒好食一百倍呀~~~~加埋又溶溶咁.....似係cheddar cheese?

 

 

我要左即磨啡, 我硬係覺比佢既普通啡好飲千倍......都只係加一元....

 

 

可能就係鍾意佢有少少咖啡既油脂感...同埋既少少CREAMY既泡泡~

 

 

啡味一D都唔少~~~都叫好足~ 可以同大連鎖店比~~~

 

 

我初時搵唔到飲管...但係我又要加brown sugar...於是就用匙羹......

 

 

算啦, 都係食落肚...!~~

 

 

我又唔覺有咩問題...

 

 

不過當我就快飲完既時候, 我先發現原來佢"喱"埋左一邊...

 

 

呢個開年餐, 我好滿足了~

 

 

同場加映:

 

我應該熄左閃光燈.....最後一張先熄LOR...

 

 

一隻疑似係杯既物體....