樂天脆米抺茶朱古力

呢個係7仔買既, 10.9元一排~

 

 

上次7仔既promotion係綠茶節, 今次又係差唔多....一個月都係綠茶/抺茶....哈哈

 

 

今次終於見到有特別少少既味啦...次次都係見牛奶味......黑古力...

 

 

去開7仔, 買黎捧下場......因為都唔知零食屋入唔入貨~

 

 

以往食過呢個牌子既古力, 中規中矩.....所以唔太擔心....既

 

 

佢以錫紙 (我當係..)包裝, 包得好好, 完全聞唔到任何古力味道~

 

 

都OK大排.....一個人未必食得哂......

 

 

當我小心翼翼撕開後, 古力後面有好多脆米呀!!!!!

 

 

以前, 我都幾鍾意雀巢古力..(排裝, 藍色果隻), 所以呢個有脆米, 我都好buy~

 

 

前面係咁樣既~

 

 

一食落去, 都叫幾有抺茶味, 不過就唔苦, 因為佢點都叫同牛奶撈勻,

 

 

所以變得幾creamy~

 

 

不過呢.....我覺甜左少少......味道叫幾近似0係出面飲既green tea latte / matcha latte~

 

 

脆米嘛.....佢唔係好大粒...亦有少少林...即係唔多脆...

 

 

可能係古力本身整林左佢....~

 

 

咁....我又覺加左脆米好少少, 因為純粹抺茶味...普通同hea左少少....

 

 

 

唔係厚架....,厚唔過吉吉利既排裝古力...~

 

 

食起黎尚算方便, 唔會整污糟對手~ 只要小心D"吞'排古力出黎就可以~

 

 

合格合格~

 

 

朦左少少添...







第一黃

琴日掛左今年第一個雷暴警告同黃雨....

 

 

我起初估都係星期一先有, 不過"炸"一聲係短短時間就掛哂....

 

 

琴日仲係潮架, 成個早上都有霧, 地下仲濕濕地....

 

 

真係唔舒服....

 

 

我坐0係屋企, 望住個天由灰變黑, 由黑再變少少金色...

 

 

心知都唔係好野...係好野又點會變得咁快??

 

 

佢快既程度令我有少少心寒....

 

 

再唔夠一分鐘....就嘭嘭聲落雨...係大雨~

 

 

又"行"雷.....乜都齊哂...

 

 

我唔理啦....當我沖完 (20mins)涼, 都巳經停雨咁滯...

 

 

仲開始光猛...~

 

 

最令我開心既係, D視野變得好清楚~~~

 

 

希望一陣出巡唔好落太大雨啦......好"呢hea"架~

 

 



卡樂B櫻花蝦鹽味蝦片

呢個0係OK買既, 7.9 ? 7.5元? 一包~! (唔係好記得....哈)

 

 

估唔到今次卡樂B會出限定蝦片喎~

 

 

呢個開頭OK有, 跟住7仔, 而家連百X都有~ (附近冇惠X, 所以唔太清楚呢~) 大家既價錢都唔係相差太遠~

 

 

春天嘛, 又係賞櫻既季節....

 

 

自然有好多櫻花味, 唔知點解都會包埋櫻花蝦既零食紛紛出爐~~~

 

 

我都係對呢個比較有興趣...平時少食蝦~ 只係知佢係好細隻, 係清潔蝦既一種~

 

 

有少少可愛...

 

佢都唔係大包, 不過亦唔係迷你包, 仲乎兩者之間, 一個人都OK冇問題~

 

 

個包裝設計都叫好靚, 包裝袋既物料係別於一般薯片袋, 係比較啞色, 拎起黎比較重手少少, 亦較有手感~ like~

 

 

連塊都襯埋櫻花.....係櫻花造型呢~ 至少唔覺HEA~

 

 

蝦片既大小嘛, 比一個港幣5元大DD咁多多, 都可以好輕鬆一口一塊~

 

 

顏色係好淡好淡既粉紅色, 呢個顏色我OK, 因為太紅, 太橙反而令我覺太人工......

 

 

味道係比較淡既, 10分係最濃蝦味, 呢個有5分多少少~

 

 

不過, 又唔係差喎~ 因為呢個蝦片係櫻花蝦鹽味~ 所以蝦味唔會勁重,

 

 

鹽味都佔有一定比例, 兩者都好夾,

 

 

唔會"那"喉, 唔會太鹹, 都唔會好想飲水果隻~ 唔錯~

 

 

惹味程度唔算好勁, 不過好令人舒服咁~

 

 

唔好以為份量好少, 其實都叫幾夠~

 

 

我巳經encore左一次了~

 

手指入鏡了....哈









一轉的時間

由於個早餐都唔係太夠飽,

 

 

好多時回程既時候都會回去"唐記"買個包食~

 

 

買咩包???

 

 

當然係......麥皮饅頭~~~

 

 

佢係好受歡迎, 加埋個量唔係咁多,

 

 

所以我都唔係成日都可以買到.....呢排就買白饅頭, 少少甜, 一樣好食~

 

 

我買之前都會望一下個牌, 睇下仲有冇我想買既野,

 

 

(因為店方會update仲有咩包供應~)

 

 

只係得白饅頭? OK~ 

 

 

另一個senior 同我講, 叫我"不如行個轉再返黎就有架啦~"

 

 

呢個時候....我既"寶劍出山"了....

 

 

"我碌一碌既一轉, 分分鐘一分鐘都唔使喎~~~車神嘛~"

 

 

哈哈...她靜了...一秒~~

 

 

"係??"

 

 

我再話: "我都係要白饅頭啦~"

 

 

價錢都係一樣, 麥皮感覺上好少少, 不過白饅頭一樣可以呀~

 

 

總唔可以日日菠蘿包.....甜C人啦....~

 

 

 

"寶劍"會不定期出劍....呵

週四點碎

• 呢個春天, 真係病到"冇停手".....TEMXX真好用....
• 開始轉風向了....
• 今次7仔既米奇公仔又唔錯喎.....有野買就順便儲下啦~
• 只係一個虛擬人物.....使唔使尖叫???
• 同一個商場, 同一件貨品, 可以差4成價錢.....好彩.....
• 琴日睇<都市閒情>.....見個觀眾整碗仔翅.....好想食呀.......多胡椒粉, 多醋, 少許麻油......
• 追完<on call 2>, 再追<宮心計>~~~~ 果陣冇睇......都唔錯喎~~~
• 而家先知"主婦手"都係濕疹既一種.....
• 而家麥當當既早餐可以加錢轉黑芝麻豆漿...有冇朋友飲過??

日清湖池屋激酸魔薯酸梅味薯片

呢個0係百佳買既, 4元一包~

 

 

佢同日版既都有80%似~~~

 

 

不過呢個係台灣版, 唔係日版~

 

 

佢呢個係迷你包, 4元一包~~ 都叫幾適合擺少少0係office既~

 

 

同屬迷你包既, 好似仲有另一隻味, 好似辣的?

 

 

除左4元既迷你包, 仲有普通size, 平均8個幾包果D (價錢未必日日8個幾....買之前留意)~

 

 

我呢D保守派.....當然買4元果D....唔好食都唔會肉痛嘛...

 

 

佢係密波浪紋, 厚度都厚既~

 

 

不過啦......厚還厚, 一D都唔脆.....

 

 

仲帶有少少濕既感覺.....我巳經一開即食....

 

 

唔係太好lor....

 

 

酸梅味嘛, 有既, 不過唔係包裝上所寫既"激酸"....

 

 

只係"一般酸".......同埋佢有少少偏甜添...

 

 

如果唔執著係唔係"激酸"既話, 味道尚可...

 

 

不過脆度真係有問題.....

 

 

呢D貨仔.....一次就夠....

 

 

日本產既質量始終好D~

 

 









又解又封的早餐

我早0係兩個幾, 三個星期前, 因為一包魚仔零食而搞到我...

 

 

咳到luck肺...喉嚨痛數星期...

 

 

當時為左快DDDD好番,

 

 

不得不暫時放棄我最愛既沙牛意....改食叉燒意....

 

 

食左數個星期, 終於唔再咳.....

 

 

當然要解封禁令啦~~~

 

 

沙牛....

 

 

0係食之前當然要將D牛肉, satay 醬同本身個湯撈勻D~~~~

 

 

其實都叫OK份量多架, 起,碼飽肚過公仔麵....米粉.....

 

 

 

佢既satay醬入面有唔少既蒜蓉, 食起黎好惹味~~~

 

 

仲有DD既紅椒碎~

 

 

唔算辣, 係我可以接受既程度~

 

 

D湯係就係濃味, 真令人忍唔住飲多幾口,

 

 

不過為左健康DD, 飲兩三口啦~

 

咳既期間, 我下達既除左"沙牛令"之外, 仲有"薯餅令"~

 

 

佢太香口啦.......

 

 

而且唔使另外加錢就可以要薯餅...我幾乎次次都食....

 

 

佢唔係燙口, 不過都可以保留到邊邊既脆口感~

 

 

我覺得比麥當當好~~因為夠厚~~

 

 

又可以簡炒蛋, 煎熟蛋.........又可以簡餐肉, 火腿, 腸仔.....

 

 

我近排迷上左"凍央", 不過就附加:

 

 

少甜少冰...~

 

 

真係少好多架~

 

 

因為平時既份量, D冰佔一半杯既份量...

 

 

加埋佢既啡茶既份量岩岩好....又唔會酸~

 

 

好岩我~

 

 

成個餐, 28元+凍飲2元, 都叫咁上下了~

 

 

近一兩日, 又再病....

 

 

今次就鼻塞+流鼻水....

 

 

為穩陣計...都係食一陣叉燒意啦.....

 

 

又封....唉







休假一天

岩岩發生了點事,

 

 

令我完全未諗到方法可以好完美解決...

 

 

 

所以請假一天, 聽日再戰...

桃哈多女兒節版薯圈 - 鹽燒蝦仁味

呢個0係零食屋買既, 原價12元, 超抵價貨品7.5元~

 

 

請注意, 呢個桃哈多薯圈係有推廣期限既, 各位買之前要睇清楚個價錢, 以免損失~!

 

 

叫得女兒節版, 都出左一段短時間.....佢當時出果陣, 我覺少少普通....

 

 

所以都係冇買....

 

 

直至數日前, 零食屋做特價, 我睇一睇個食用日期, 有排先到....

 

 

7.5元唔買又好似對唔住自己...對唔住桃多多....哈哈...

 

 

佢呢個薯圈, 以鹽味為恆常產品, 所以好多時都係"乜乜味+鹽味"架~

 

 

今次就係蝦味鹽~

 

******************

 

講開蝦, 係我最愛海產之首~

 

 

阿娘會簡簡單單加蒜蓉+蔥去炒....

 

 

D蝦膏又溶0係個汁入面...好味到...呢~

 

 

加埋我地都係食中細size既蝦居多, 所以D殼都係可以食埋架~~

 

 

不過就要咬碎D~ D殼係最有蝦味架~~~~

 

********************

 

 

加左鈣??? 又唔錯~~

 

 

佢既顏色, 硬度同佢同系列都係冇咩特別, 都係淡黃色, 都....OK硬咁啦~~

 

 

不過聞落去又幾有蝦味添~~~~

 

 

10分係最濃, 佢呢個都有7分架~

 

 

不過食落去就有少少被鹽味蓋過左,

 

 

之但係佢地又好好夾~~~

 

 

又不過仲可以食到蝦味, 就只係稍為稍左少少分數~

 

 

亦唔算鹹~

 

 

7.5元, 都算係咁啦~我都OK收貨~~~

 

佢又自動波...

 

 

又作病??? 今個春天...我都病左好多次....



Montevergine鳥結糖

呢個0係零食屋買既, 原價13.9元, 折左之後就12.5元~

 

 

一包有大約20粒, 獨立包裝~

 

 

 

我細細個就好鍾意食鳥結糖, 好愛佢果種"不能再硬"既質地......

 

 

以前食果D係有可食用既米紙包住, 雖然張紙係可以食落肚,

 

 

不過0係佢未溶之前, 又"張"個口個感覺....有少少怪...

 

 

不過又幾好食....哈哈...

 

 

所以今次見到有鳥結糖都好想重溫兒時感覺~~

 

 

****************

 

 

我上過wiki睇過, 原來鳥結糖傳統上係由麥芽糖, 砂糖, 奶油, 奶粉, 蛋白, NUTS, 果乾, 花瓣(???)混合而成既糖果...~

 

 

原來有廠商為左D糖唔好變形 (?), 所以用左可食用既米紙包住...

 

 

原來係咁...不過有時有D糖都係會用米紙既~

 

 

****************

 

 

 

唔係好大粒, 2/3節手指尾啦~ 大約~~~ 可以一口一粒架~

 

 

一開就聞到幾強勁既奶粉味....

 

 

一入口...嘩....有既就係"無窮無盡"既甜味....太多糖.....

 

 

不過亦好濃奶粉味.......

 

 

佢係100%軟既鳥結糖, 不過唔係林之之, 亦唔係一按就有跳彈床果種彈力,

 

 

而係可以好輕易咬開, 跟住即溶你口.......

 

 

唔使出盡牙力都可以"趙"既糖....

 

 

佢中間既花生, 亦唔算有咬口, 基本上...好少花生味....哈....

 

 

仲有仲有....糖既面頭鋪上一層薄薄既"粉"....."此粉不同彼粉"....

 

 

相信是奶粉也...

 

 

我唔係太喜歡...

 

 

後來再睇wiki, 原來歐美既係有少少不一樣....

 

 

玉米糖漿, 奶粉, 大豆蛋白質, 植物油而成...口感鬆軟少少

 

 

就係用左呢D, 個口感先會....咁?

 

不過呢隻糖既原產地0係巴西.......唔0係歐美喎....

 

 

哈哈...

 

 

少少少少

我既零食entry, 近排都真係少左好多....

 

 

因為零食屋返既, 我都唔係太岩, 就係成日都係果D....

 

 

我只係仲有DD咁多多既存貨....

 

 

睇黎我都要積極D開拓新地方了...

 

 

例如大超市...

 

 

寫多DD食既entry~

 

 

大家就忍一忍......好快就有新entry...

 

 

我要努力.....

 

 

今日去超市睇下有冇好野先.....

 

 



難得難得

太陽伯伯...你終於出來了~~~

 

 

潮左幾日, 周身唔聚財....我既心情就變得不安...因為好怕地下濕....

 

 

好彩...(拍拍), 今次都冇咩影響.....

 

 

只不過大堂就變得濕轆轆...地下是, 天花板也是...

 

 

真係唔多"開胃"...

 

 

出到去仲以為外面地下都係"濕到冇朋友", 又唔係喎....

 

 

因為果陣開始有陽光~~~

 

 

仲有風添~

 

 

當我食完早餐, 回程果陣, 抬頭一看, 見到雲之間有隙縫,

 

就知今日既天氣應該唔錯,

 

 

仲見到藍天~~

 

 

我地真係好多日都冇見過啦....

 

 

成日都好暖.....冇咩涼既感覺~

 

 

到訓覺仲覺有少少熱....哈哈.....

 

 

(我用駝毛被.....又一變態事件...)

 

 

不過今日起身覺涼了丁點兒....有些少風~

 

 

因為今日又再轉風向...

 

 

大家要保重...

 

 

 

哈哈....我琴日巳經解封"沙牛令".....

 

 

聽日過一兩日再PO~~



山芳薯片 - 他他蛋黃醬牛肉味

呢個0係零食屋買既, 原價10.8, 折左之後就9.7元~

 

 

 

山芳既薯片一向都唔錯, 都好似以薄薯片為主, 味道都算多樣化既~~~

 

 

我係牛魔王 (身為牛魔王, 就要為喉嚨痛戒食沙牛.....真係愧對族人....哈哈)...加埋我又好鍾意食mayo~~~

 

 

以前食mayo, 就係0係我仲0係英國實習既時候, 由於canteen同酒店相距太遠, 係唔會有人"山長水又遠"走去食飯.....

 

 

於是我地就人人自製三文治.....食左半年凍冰冰既三文治....搞到我以後唔係太想食三文治....

 

 

就算要食, 都一定要食熱既...

 

 

果陣最常整既就係 egg mayo, tuna mayo....貪佢可以罐頭, 快捷又方便~

 

 

加好多好多mayo....因為mayo太好食.....

 

 

我不得不承認, 係汁多過主食 (即係tuna, egg etc).....

 

 

自此就愛上mayo....卻不愛sandwiches....

 

 

所以我以後旦凡一見到有mayo既零食, 都十居其九會買....等我可以再懷念一下0係英國既日子~~~

 

************************

 

佢張收據上係寫他他蛋黃....唔好意思...我真係唔知他他蛋黃醬係咩...

 

 

我知他他醬係咩, 當然知mayo係咩, 不過有呢2樣野加埋架咩???

 

 

定係係廠方創既味道?

 

 

 

佢都係薄薯片, 都叫幾脆既~ 都有薯味~

 

 

顏色就冇咩特別, 都係一般薯片顏色~

 

 

聞就唔係有太大陣mayo味,

 

 

 

食落去, 分別有2種味既, 當然有mayo啦, 不過就少左mayo既甜酸味,

 

 

同時多左一份比較溫和既味道, 我諗都係牛肉味啦~

 

 

都叫幾易入口, 唔係太有"那口"既味道~

 

 

還可以既薯片~

 

 

巳經encore了一次, 不過可能佢D味撈唔太勻既關係...又覺麻麻.....哈哈哈....

 





週二好碎

• 潮...又再潮.....
• 估唔到一包咁既魚仔零食.....會令我又咳又喉嚨痛...
• 咳就冇啦...不過喉嚨痛左好多日......我冇食炸野, 辣野架.....最多都係薯片....哈
• 腰包條拉鏈爛了.....不過仲可以頂多一陣....係時候諗下買咩牌子....
• Columbia? Lafuma??? hahahha~
• 繼續追"On call 1"~~~~之後就追埋"On call 2"~
• 唔知點解, 真係提唔起興趣睇韓劇.....
• 近排我...金田一同柯南上身........
• 黃老太.....又再出現了....不過以卡通人物形式出現....又幾可愛喎...
• 太陽伯伯....我好想您.....

森永Dars白朱古力

呢個0係零食屋買既, 原價9.9元, 折左之後就8.9元~

 

一盒入面....好似有...12粒...(係就係數過, 不過數完食完就唔記得左....)

 

我一向都好少食森永呢個系列既古力, 冇他既, 因為佢冇咩特別LOR....

 

 

不過今次見有玫瑰喎...會唔會係白古力加玫瑰味??

 

 

又不過, 我見佢將同森永同一牌子, 同一包裝, 都係白古力味既擺埋0係同一度....

 

 

唔知係唔係同一樣野....?

 

 

唔理了....

 

 

零食屋仲好似有返2-3隻味, 不過就唔記得係咩...好似係新野?

 

 

包裝得唔錯, 亦好易撕開,

 

 

 

有個小兜仔裝住, 起碼如果要溶亦唔會溶到成袋都係~

 

 

粒與粒之間係完全分開, 唔會痴埋一舊.....~

 

 

係一口SIZE, 唔會過大, 好岩女士食~

 

 

玫瑰呢?

 

 

橫睇,

 

 

直睇,

 

 

斜睇,

 

 

倒轉睇...

 

 

都冇,.....係乜都冇...

 

 

連玫瑰味都冇...有既就只係白古力味~

 

 

不過, 都要讚下, 呢個白古力, 我本人覺仲未算"甜到LUCK毛"既地步.....

 

 

不過巳經係我既臨界點.....

 

 

亦唔算好硬~~

 

 

唔算差, 亦唔算好...'

 

 

我諗, 呢個期間限定既意思係.....個包裝?

 

 

如果係既, 就哈了....

 

粟一燒 - 牛油帆立貝味

呢個0係OK買既, 7.5元一包~

 

 

請注意, 而家個價係仲要平少少, 因為7.5元係我0係較早既時候買既~

 

 

仲有仲有, 7仔, 百X都有得買~ 惠X就唔知~

 

 

終於再出新味啦~~~ 仲要係唔辣~~~

 

 

仲要係我愛既海產五大之首.......帆立貝~~~

 

 

點都要捧場...好豪咁一次買左2包..~~~哈~

 

 

佢比一般粟一燒既包裝細少少, 唔係迷你包~ 一個人一定可以食得哂架~

 

 

顏色亦冇咩好特別,

 

 

不過0係未食之前, 聞下又好似......冇咩帆立貝既元素...

 

 

不過又有一陣好熟悉既氣味~

 

 

唔唔....食左就覺....牛油味唔係濃, 有既.....中間偏少咁....

 

 

不過我最關心既帆立貝味, 就好似真係冇.....海水味冇, 總之就係冇帆立貝味...

 

 

不過入面就有一種我認為"9唔搭8"之餘, 不過係幾好味, 幾夾既味...

 

 

果種食材係我以前成日食.....大愛食材...

 

 

我都係講唔出.....講不出聲...!

 

 

呢個時候, 就最好睇營養標籤~

 

 

果種令我講不出聲既味道就係.....mushroom.....

 

 

下???

 

 

牛油帆立貝味竟然加左mushroom粉???

 

 

唔怪得之咁熟啦.....

 

 

不過牛油向來同mushroom係好好既朋友, 所以我今次亦覺味道冇咩唔妥~

 

 

帆立貝返回海洋, 就種出mushroom來~

 

 

幾有趣...

 

 

如果你一心想食帆立貝味, 就真係要諗過...

 

 

如果不是, 你都可以試下既~~~