鰻魚堡@Mos Burger

哈哈...荒廢左幾日既食文終於重見天日了.....

 

 

因為琴日經過一晚既休息, 又肯乖乖"半戒口"...(即係只係唔食沙牛...)...

 

 

成晚都冇覺咳嚨痛...不過起身就有少少咳到"痴肺"....哈哈...

 

 

"一雞咩一雞鳴".....哈哈

 

 

不過, 我都係要寫下啦~~~

 

 

就講一講我出巡果日去左Mos Burger食左D咩啦~

 

 

***********

 

 

因為間唔中都有上佢地既FB, 八下有咩新包出~~~

 

 

今次呢個我想食喎......因為一係"期間限定"....二係....鰻魚~

 

 

我愛食鰻魚都係由大人開始, 細個唔食既原因係因為有細骨.....我係一名懶人....我連食魚都只係食鯇魚腩, 最冇乜骨既位先食....其他部位就一律不吃.....哈哈...

 

 

大個左就口味都變埋, 不過就僅可以食鰻魚.....其他太多細骨既都...

 

 

煮完出黎既鰻魚肉, 唔多唔少都仲有少少細骨, 不過就真係變得好腍.....可以咬到同吞落肚都冇問題...(個人認為)

 

 

鰻魚+米堡, 唔知又好唔味? 唔試, 過左推廣期就冇....我思前想後都係食左先算...~

 

 

都係王兄找數嘛.....

 

 

佢係即叫即做既, 所以係要等少少時間, 大約5分鐘左右啦~ 之後有店員拎過黎~

 

 

個外表唔算太吸引....

 

 

我巳經係立刻打開黎食, 不過個米堡巳經被"倒汗水"整腍了~~

 

 

我只可以當佢係"比較紮實既飯糰"...

 

 

佢最大問題係腍, 不過冇可能完全避免既,

 

 

因為個包係即叫即做, 基本上除左椰菜之外, 所有野都係熱騰騰既,

 

 

整好之後仲有包裝, 試問又點會唔整腍個米堡?

 

 

唯有係儘量縮短製作時間, 同儘快送到客人手中,

 

 

先可以減少"倒汗水"....係不可能冇架...請留意.

 

 

被米堡夾住有蛋, 鰻魚同凍椰菜 (打開時巳不凍)

 

 

先講蛋, 佢係炒蛋, 都唔算炒得好"老", 不過冇咩蛋味.....兼且呢個真係炒蛋, 係一份炒到"散修修"的炒蛋.....

 

 

搞到我食果陣要格外小心....因為隨時有野跌出黎....

 

 

中間既係鰻魚, 有皮既, 不過又係完全冇crispy既感覺.....有少少"爛爛地"既感覺....D肉唔多彈牙啦...

 

 

佢有數小塊, 又係食果陣要小心DD~~

 

 

個汁相對比鰻魚飯既, 個味又係淡少少, 唔多唔少可能因為"倒汗水"....呱?

 

 

食左半個, 我就無條件送左比王兄.....王兄見我咁"疏爽", 佢就話都唔"荒"好好味.,....

 

 

其後有店員過黎問意見, 我又一五一十, 毫無保留數哂出黎了....

 

 

哈哈哈..

 

 

P.S. 鰻魚堡入面可能有少少鰻魚骨, 食果陣小心一點呢,

 

人地公司有出左溫馨提示架~