- 差點陷入廢blog邊緣....我會努力去update多D的...
- 天氣真係....時而暖時而凍......好難適應...
- 今件着多左衫....一共3件....咁多....
- 今日買番支hand cream先得....好似又乾了點...
- 原來用coupon買野...係咁爽的....
- 差D訓到跌落床.....好險....
- 我都係鍾意傳統既聖誕裝飾.....太新派的...都係唔太好..
- 飲左星巴巴既xmas special~ christmas cookie latte~ 唔錯唔錯~ 可以出post~
- 冇野爽得過天氣凍既時候....沖凍水涼....開風扇....
- 我似乎對換公仔呢D野....有抗體了....
2014年12月9日 星期二
週二重碎
2014年11月13日 星期四
2014年11月10日 星期一
2014年11月9日 星期日
Oreo藍莓乳酪朱古力迷你裝
呢個0係7仔買既, 原價都好似要11個幾, 唔知係佢清貨定係就快到期既關係....
7.9大洋~~~
我諗都唔諗就買左~
佢真係好鍾意同我作對.......自動旋轉...
由於係迷你包, 用黎作下午茶就真係好正~~~~
以往出既味道亦好岩我口味, 而我亦幾愛藍莓, 所以都對佢有少少期望....
一包唔係有好多粒, 好快可以食哂~~
主要既味道係藍莓味, 而乳酪就係白色果D~~~
雖然藍莓既味道本身係酸酸甜甜, 佢既光芒都被乳酪奪去了.......
連OOO味都幾乎食唔到......
莫非一體化得咁重要?????
又唔係唔好食, 只不過我想藍莓味同OOO味重番少少.....
有丁點兒失望...不過依然期待下一次出既新味~~
太細啦.....
2014年11月8日 星期六
2014年10月23日 星期四
2014年10月21日 星期二
2014年10月20日 星期一
卡樂B黑椒濃芝薄餅味薯片
呢個0係OK買既, 12元一包~
似乎就係貴左少少, 不過我未0係超市見到, 又忍唔到手....所以都係買鳥....
可能過幾日, 我同佢會0係超市相遇....如果平過此價...我都係要拎定鎚仔"dum"自己鳥...~哈哈
佢又自動轉了.....
芝士呀...芝士呀....佢同black pepper好friend架喎..~
第二日我巳經等唔切要食......起初仲擔心黑椒味會過激...
點知呢, 又唔係果回事呀, 聞就幾乎聞唔到咁滯,
此時, 我又擔心"冇味"鳥.....哈哈
不過入口果一刻, 的確係有幾清晰既黑椒香,
一點都不辛口, 非常容易入口....連我呢D"又要威又要戴頭盔"既人, 都可以完全接受到~
只係取其香~
芝士就唔係超濃味, 有少少奶香, 唔算太鹹, 唔似車打咁,
佢包裝上寫住有半溶芝士, 由相中唔係咁清楚,
不過每一塊都有唔少半溶芝架~
食落去係唔太感受到佢係唔係半溶, 不過確係有少少分別~
如果可以有少少番茄味就好鳥~~
2014年10月19日 星期日
它至重要
各位~~~我回來啦~~~
搬左入新居都有好幾日, 到現時為止, 一切都適應得不錯~~
不過就係適應唔到初時冇寬頻上網既日子....
因為岩岩搬, 見完sales (電腦鋪refer的), 都要等三日左右先有師傅黎...
期間要用手提電話...因為唔係無限, 所以真係要"就住就住"用.....
因為驚爆DATA.....
琴日, 終於安裝完畢鳥~
可以盡情上網鳥~~~ 因為用WIFI, 所以唔怕手機爆DATA~
又好似WIFI方面, 以前果間野真係慢少少.....而家呢間好好多...~~~
第一時間要過番D相, 要scan過部電腦, update防毒......
不過, 只要可以上網, 其他都唔係太重要啦~~
我唔係上網成癮哦,.....只不過係唔想爆....
所以我又可以繼續寫blog~~~
2014年10月18日 星期六
2014年10月7日 星期二
2014年10月4日 星期六
2014年10月1日 星期三
2014年9月29日 星期一
週一首碎
- 原來買傢俬係一件好煩既事.....0係一個迷宮行足數小時就更難熬...
- 一次過見好多排扭蛋機....何其壯觀.....
- 原來最後一名臥底係佢?????
- 今集既RM, 好似好好笑...金鐘國扮女子??? 果條辮子...好可愛....哈
- 好想食picnic....不過而家未到食古力既好時候~
- 哈...可能我同果個名無緣.......搵極都......(可樂果D)
- 琴日0係MYTV睇一個飲食節目, 果集係介紹 點心......我好想食呀......
- 我而家先知平日飲開既"屋仔奶"都一樣有糖.....
- 而家超市都入左不少新款既日本零食.....唔通呢個就係零食屋少左日本貨既原因?
2014年9月26日 星期五
2014年9月24日 星期三
2014年9月21日 星期日
週日首碎
- 記得帶鎖匙, 電話, 偏偏....就係...唔記得帶錢包.....好彩近.....
- 天氣涼了少少......手都有DD咁多多乾既感覺~~ OUR 秋~
- 一隻炒蛋就夠哂數.....原來一次食2隻...就真係多左少少...
- 我都想搵自己名既可樂.....
- 唉....而家想0係零食屋搵罐啡都難....
- 呢幾日都係果部手機既新聞......翻天覆地...~哈~
- 點解唔可以等耐一陣???
- 原來上年....我見過你???? 呢位太太....真係唔好意思.....
- 清左錢包既所有5毫子....真開心....大家估下D毫子去哂邊?
- 聽番<好心好報>同<自欺欺人>.....仲係好好聽~~~
- 人地係唔係復合, 都係人地既事....應該留有空間俾人地...
- 最唔鍾意台慶開鎖匙......因為我次次搵唔岩.....哈哈
2014年9月19日 星期五
2014年9月17日 星期三
2014年9月15日 星期一
週一首碎
- 一號了....希望唔會為大家帶來太大麻煩......我只求唔好落太大雨...
- 我又可以放棄入另一間759...
- 我熱傻了.......涼番少少....可以嗎???
- 我好快可以有新歡........
- 哈哈...王兄, 你呢招前後用過唔少次.....我一早巳經睇穿哂啦...
- 要我等......我真係唔想......我係一個冇咩耐性既人.....我唔鐘意空等, 浪費時間.
- 連醫生都話我瘦左好多.....好開心......
- 睇睇下, <急診男女>就快播完了......唔知下一套好唔好睇?
- 唔........支裝既TROXXCANA....橙汁.....都係麻麻....都係可X好....哈
2014年9月13日 星期六
你抽到未
琴日, 去茶記食早餐既時候, 正當我歎緊我杯"凍奶茶少甜"果陣, 有2位女性客人坐過來,
佢地一坐下, 佢地既第一個話題就係:
今日有得抽啦喎
我心諗: 冇可能係P&D, 亦未開"六合"....
哦.....原來係"生果IPX"開售......
我唔知佢地講緊續約式果D, 定係純綷0係"生果鋪"預約果種.....
前者, 唔使抽, 不過之前拎左PASS既, 會比較快派到; 不過今年既月費就貴到無人有....
後者, 要同萬千既人鬥快按掣......一個唔好彩就賣哂.....
我覺得遲早都有大貨, 點解唔遲少少先買呢? 又唔會唔出.....
我份新約岩岩先生效....唔會再搵自己笨.....2年又2年.......唔買啦....要買既都買game玩啦......
年尾大把games出......
哈
2014年9月11日 星期四
週四好碎
- 一個super lag到不行鳥既發佈會.....最終冇癮再睇.....之後睇新聞好過..
- 原來本宮既英文冇退步.....仲聽得明....
- 究竟係美國英文 易聽D定係 英國英文 易聽???
- 我愛追....不過唔係追月...而係追住周公子...~~
- 不能忍既情況之下.....大complaint了一番.....
- McCafe既Earl Grey Jelly Latte....好飲嗎?
- 便利店換上新既promotion....大家都好接近, 以sweet potato....栗子為題~
- 呢幾日.....什麼事了?? 熱到溶鳥........
- 就快可以同佢講再見....我要另結新歡........
- 今次會係小公主定係小王子?
- 希望一陣出巡可以順利...不要太熱.....
2014年9月9日 星期二
週二又碎
- 琴日唔記得左.....補祝: 中秋節快樂~
- 斷斷續續下雨...叫稍為涼快一點.....唔使成晚"典床"....
- 好彩我有靈敏既鼻.......如果唔係成支消毒藥水就浸濕哂波子了.....(因為個瓶口位有少少不對位...漏左少少出黎)
- 原來清水係唔可以洗走消毒藥水味.....我雙手...哈哈....
- 原來琴晚月亮有出現喎~
- 希望過幾日出巡既時候, 天氣好~
- 一個百幾年既謎團巳經解開了???
- 今集running man好好睇...一隻紙船橫渡漢江....
- 呢一刻......我好想食Beard PaPa既puff......
- 我又好想食焗豬扒飯.....
- 我又變心了......重投凍奶茶少甜既懷抱....
2014年9月8日 星期一
似有還無
究竟.....琴晚係....
似有還無還是毛????
哈哈哈.....毛既意思係雨....因為適逢中秋佳節, 屋邨年年都有慶祝野搞......
年年個區議員都嗌得好大聲....
我住0係高高層都聽得好清楚.......佢嗌到半路, 條街好似有少少"沙沙聲"....
我以為係冷氣機既摩打聲...因為家家戶戶都開既話, 沒法子無聲既~
之後個區議員話落大雨...移師去會堂~
我又唔覺落雨, 因為完全感覺唔到涼意....
難道係毛毛雨.....?
********************************
今年完全冇食月餅....取而代之係食左.....
X記既雪糕糯米糍一粒.......vanilla味....我最愛既taro味冇哂.......
叫做應左節架啦....~
呵呵呵呵......
2014年9月5日 星期五
2014年9月2日 星期二
週二兩碎
- 遇到了相當, 十分, 極之ridiculous既事, 有鎖匙但不得而入.....即係此匙不配此門.
- 累翻了...拎住電話都可以突然"斷電".....
- 而家既天氣...似秋左咩???? 熱爆...
- 要慢慢追番D朋友.....仲有幾耐先可以去到candy crush既山頂???
- <急診男女>真係唔錯......係我近排日日追既韓劇...一來我對醫院劇好有興趣....二來...
- 主角們太正,,,,,,,我好鍾意國主任~~~
- 一隻擬人化既貓.....哈
- 我都知呢個幾星期有好多新手機出...我都拎左PASS...不過我冇打算買...哈....買game好過啦.....
- 好彩....吉吉島仲0係度........未約滿...
- 祝友人生產順利~~~~ 我好想見下小公主呀~
2014年9月1日 星期一
重拾糖糖
早陣子咪好流行玩Candy Crush Saga既, 大人小朋友都愛....
雖然而家熱潮巳過, 不過有時都仲見到有人玩~
我都捨棄佢都差唔多半年啦,.....
先前係玩普通版, 玩到去425關.....
點知果關我就覺得奇奇奇難....難在最底層兩邊, 一共四個疑似漏斗既野,
只要你一移動, 就出一粒炸珠.....會倒數的....
只要你一定要解左佢先可以LOR....
仲有, 要整埋"糖+袋裝糖" 同藍色珠二百幾粒....
\
對於我黎講.....簡直係mission impossible.....
我試左NNNNNNNNNNNNNNNNNN咁多次.....亦發老脾不少次......
都係毫無進展....由於我冇JB, 所以唔會有無限道具.
0係過唔到關既情況之下.....就擺0係度荒廢了....
直至琴日, 等緊既時候, 見冇野做就玩下啦.....
點知0係take 3就得左~~~
不過都好"文"......我用HKD 8元買5個extra moves....
當過到果關既時候, 真係YO左一聲~~~
如果唔係去到"打極都打唔到, 十世"既情況之下, 我係唔會買道具既....小數怕長計....
我又多番樣野玩了~
2014年8月30日 星期六
2014年8月28日 星期四
2014年8月27日 星期三
再跟進的
又經過一日既休息......喉嚨唔舒服又好了一點,
因為我訓覺好喜歡擘大個口.....哈哈哈...同埋我琴日冇去挑"沙牛"機....
所以唔使"找數"~
我身邊有不少朋友巳經被點名, 佢地都大部分巳找數~
有D仲更好, 捐左錢~
不過有一位就有趣少少....捐左去 無國界....
又不過, 都係做善事, 幫到人就得啦~
我冇被點名, 因為大家都知我咩情況....叫我挑戰即係叫我去C.....病呢家野, 對坐波子人士黎講, 都係避得就避....
咁捐錢? 我個個月都有捐, 我有參加MSF每月捐款, 同PLAN既助養~~夠找啦~~~
哈哈哈....
不過日日睇FB, 依然都好似被洗版.......
好熱好熱.......我要快D秋
2014年8月26日 星期二
2014年8月25日 星期一
2014年8月23日 星期六
秋風起起
近呢個星期既天氣涼快了不少, 不過都係因為下雨既關係.....
人都精神左少少.....不過呢, 呢幾日我開始:
"周身痕".....唔好誤會呀, 我唔係想"駁打"...
係因為天氣好似開始轉而引發起既痕癢.....
我對手開始覺得乾乾地, 不過又未至於要裂....
尤其塊面有少少癢.....係DD , 非常吊癮的癢...哈哈...
唔會要你"起勢"去"R"....不過摸一下, 捽一下又好似好少少...
幾分鐘後又0係第二處癢過.....
我以前一入秋都會咁, 不過今年好似提早左....
我又睇下天文台個天氣預測, 原來都開始轉風向.....不過溫度都係如此既熱情....
不過.....我琴日連汗都完全冇出過.....
2014年8月22日 星期五
2014年8月20日 星期三
2014年8月18日 星期一
週一一碎
- 好耐冇飲過珍珠奶茶了~~~~難得唔甜~~~早餐時候飲....好似...哈
- 第一次入零食屋係吉手而回....
- "夢中天使"~~~ 經典中的經典~~~~
- 一輛細細的lift, 入面可以有咁多架BB車...真神奇....
- 收到RED PASS 既邀請通知, 都係登記左先.......
- 有時候有些事不用問......睇下佢FB既相就知佢進行成點.....
- 我雖然8, 不過我係暗地裡8.....哈
- 我一有機打....就什麼都唔記得了~
- <銀之匙>, 今晚又有得睇了~~~
- 我係性格巨星.....我有資格去拎, 唔代表我會去拎.......哈
- 九月又係眾手機出爐既日子...而家呢個時候會少人買機啦....苦了Sales....要追數
- 我好想搵英國旗既手機殼呢~~~~
2014年8月17日 星期日
那些年那些歌
我好相信, 每個人0係不同既人生階段都有一首歌,
果首歌既內容未必切合果陣發生既事,
不過果陣就係"枕"住聽...
結果到最後, 一聽果首歌就想起果陣出現既人同事...
相反, 一想起果件事就好自然0係心入面響起果段background music~
我既最愛, 永遠唯一最愛係 Twins既<女校男生> , 我唔稱得上係粉,
不過大部份既歌都OK識唱啦~
<女校男生>, 係我0係英國第一日不停播既歌,
果日發生既事, 環境, 以至連空氣既味道, 我都好記得,
果段時期, 係我人生入面最快樂既,
去超市, 大伙兒煮飯, 去chinatown,
鋤D...(4條D+1)....鋤完就去訓.....
呢D生活無憂無慮......
係我好想再一次經歷的....
我每一次聽, 都會心微笑~
你的歌, 會是哪首?
2014年8月16日 星期六
2014年8月15日 星期五
桃哈多甜辣蝦味幼薯環
呢個0係 OK買既, 8.9元一包~
*********************************
好耐都冇寫過零食PO啦....唔得啦.....要出番份先.....
如果唔係就係真要廢了.....
*********************************
呢個未食之前, 感覺跟之前既不一樣, 我想講既唔係味道, 而係包裝...硬係覺不對勁....
'
一拎上手.....原來如此....
係細包左, 稍為輕左少少.....不過都係賣差唔多既價錢...
冇法啦, 生意難做, 消費者比較難接受加價,
生產商唯有0係商品重量入手.....減少少磅當加左價啦~
少一口半口...絕對可以接受.....畢竟人地都係要做生意, 唔係開善堂, 要向股東交代既~
********************************
講開好似好耐冇食薯圈, 不過今次食既呢個係薯環, 都係桃哈多出,
不過有薯圈同薯環咁lor lor lor......
薯圈既味道係好似, 好似係麻婆味 (我唔知咩味, 冇食); 而薯環就係呢個, 甜辣蝦味~
初初我都有少少猶疑, 買唔買好, 因為怕辛辣....不過睇下個label, sugar排第三, 即係辛辣都係好有限......甜多...
因為排位愈前, 代表果樣野, 佔既成野多...
開一開先~~~ 唔......完全聞唔到任何辛辣味...
佢有少少DD, 橙橙地既......(粉..~)0係上面~ 呵
我就唔多覺有蝦味.....因為EBI.....唔係冇...少啦~
因為D味其他味搶左, 辛辣味就變成 (我)覺既泰式甜辣醬味~~~
少左份醒神, 酸味, 稍為甜左D....尚可~
唔係話唔夾, 不過就少左個亮點....
唔係唔好食, 合格有餘, 不過就......未必想再買~
2014年8月12日 星期二
週二小碎
- 我係一個唔鍾意未自己試過解題, 就問人地既人....
- 可以解難既滿足感太美好......
- 第一次聽哂 <口水多過浪花>! 唔錯唔錯~~~
- 有價有市.....呢句話冇錯.
- 熱呀........落DD雨啦....
- 我巳經對果間野完全失望.......如無意外, 唔會再去了....
- 夏天食粥, 仲要係炎炎夏日.....對我黎講, 直情係捉野入身體....
- 我最愛捉錯字.....
- 而家既學生真係唔易做.....暑假仲要返學校.....
- 不經不覺, 0係我"22哦哦"既情況之下, 夏天都過左大半..
- 以前覺好, 唔代表以後也是.....菠蘿包是也.....
- 收到了.....要振興經濟鳥~~~~
2014年8月11日 星期一
愛邊科科
以前, 好耐好耐以前.....有一名小朋友....
佢中文, 英文....數學都係唔得.....唔得既意思係唔合格, 就算合格都只係死背.....
中文, 果位小朋友永遠都唔明考試何解要解主旨, 段落意思, 同現實好似冇咩"那lung"....(乜丁解羊....小朋友係唔明)
英文, 更惡劣....乜式乜式完全唔知點用.....完全冇文法既概念.....
當然, 而家冇問題, 果位小朋友既listening, oral都尚算可以....不過作文啦喎, 就只可以用哈哈又哈哈黎形容....
數學, 小學階段係紅色的......中學階段就好好多......仲有少少鍾意左佢....
化學: 小朋友竟然好鍾意D化學簡寫......
生物: 小朋友.....話唔好要佢執刀劏野....
物理: 完全冇印象學過什麼....
歷史: 小朋友話佢可以講出七國, 巳經好勁....
地理: 如果可以用中文教, 佢一定合格....喎
Econ & 會計: 小朋友天生性格市儈, 太愛錢......哈....所以呢唔錯唔錯.....
如果可以俾小朋友選多一次, 小朋友一定會轉科....轉去理科.....讀化學....
2014年8月10日 星期日
好有難度
有幾類既game我係唔太鍾意玩既, 一係太黑暗, 成日拿住把刀劈劈劈果D....
二係體育game, 即係球類運動...因為我由細到大都係"文人".....
仲有, 就係節奏game, 即係乜乜鼓果種....
因為音樂只會愈來愈快, 即係代表你又要好快又好準確按岩哂D button....
我呢D手腳唔多協調既人.....唔好話手腳...係腦同手先岩....
我就係果種慢半拍既人......
一按唔準, 我又開始忟....
對上一次玩都好似係大半年前既事, 有一隻歌, 係絕對快歌, 我打左兩日都過唔到關....
後來我慢慢記D button位, 差唔多即係背哂成首歌..,,,
買左又冇理由唔玩.......
今次玩第二隻, 佢都係節奏game成份居多, 不過好就好在可以0係比賽前簡難度.....
當然.....我呢D岩岩玩既, 梗係玩easy mode啦....一樣都可以拎到D CG~
隻game咁多主角.....有排玩了~~~
可以改善腦手協調, 又可以改下脾氣....一舉兩得,
得左.
2014年8月8日 星期五
週五又碎
- 經歷左一日冇沖廁水之後....我對腳很攰了....
- 好似恢復正常鳥? 不過有朋友一樣住0係同區...佢就....
- 同系列既game, 遊戲系統大約一樣, 不過CG當然好左....內容豐富左.....
- 果陣我玩既係第一輯.....而家玩既係第三輯~ 都好似隔左好多年鳥...
- 如果有人咁餵我藥....仲要係佢既話...我中幾多次又如何....? 哈哈...
- 直情睇到我眼濕濕....
- 琴日 立秋鳥.....不過未 處暑, 天氣都係熱呢~
- 而家超市D零食, 都真係追得住零食屋架.....
- 九月又是各大電話發佈會之時.......我今年只睇...
- 換左OK菇菇了~ 我簡左星星~ 不過此星星個樣就....
- 愈來愈唔太喜歡甜食了.....
2014年8月6日 星期三
2014年8月5日 星期二
開口就黎
琴日, 當我買完野, "碌"緊返去既時候,
雲量比我早上出去既時候多左, 亦唔見雲與雲之間有罅隙,
又開始大風,
我就知, 不出數分鐘後一定落雨.....
當然, 我入屋之後唔夠三分鐘....就下雨了...~
初時, 我都唔知架, 又係感受到涼意.....回頭一看.....
睇都睇唔清楚對面幢大廈......
果一刻, 十分涼快, 確係爽架....
不過, 唔使好耐就停左...鳴......
下午, 即係太陽最光猛既時候.....亦係最難受既時候....
熱 + 濕度提升......有少少難受....
空氣焗促.....雖然我住得高, 不過我對溫度可算是十分敏感的.
不過, 落總好過唔落.....
可以涼快一會, 就要心足了.
氣象學....我閒來又可以睇下天文台個網, 當係學多樣都好~
2014年8月4日 星期一
開拍了了
萬眾期待既 <衝上雲霄>電影版要開拍了~~~
好開心呀~ 之前某節目入面, 一眾導演話8月開拍, 令我好開心~~~
因為<衝上雲霄>陪我渡過不少快樂日子, 特別是第一輯,
我人當時還在英國, 每晚都係"煲"佢.....
當zoe問sam哥拎禮物 (中間), sam哥話自己就係果份禮物........我都好想要呀.....
當然, 而家可以0係<GOTV>睇番 (係官方既, 當然, 梗係俾錢既, 收費好合理, 人地唔係開善堂架~), 一睇番既時候又令我想起英國既日子~~
今次電影版有佘詩曼, 好有新鮮感呀~ 佢果套空姐服都好靚~ 好合襯~ 我諗佢戲入面, 一定係senior,....至少...
不得不提....今次仲有古生.......型爆.....
期待加期待~
利申: 我同電視台冇任何利益關係
2014年8月3日 星期日
週日首碎
- R.I.P.
- 太震撼既畫面....
- 琴日雖然係比前日冇咁熱, 不過都係訓到一半會出汗....
- 我巳經可以免費換"菇菇"了...多謝各方幫忙
- 剛剛下了一場雨....涼了點點~
- 冇解, 我食煎蝦, 炒蝦球, 但係我偏偏就係唔愛白灼....哼
- 我唔應該讀hospitality business mgt, 讀心理學一定有得搞...哈哈
- 我竟然對韓文歌開始有興趣?
- 好想再睇"天幕下的戀人".....正呀
- 首主題曲亦係我其中一首金曲....
- 哈哈哈.....又得逞了....
- 當差一, 兩元先有印花既時候, 我就一定買TEMXX.....因為我本身都用嘛~
- 立秋.......立秋...我呼喚緊"你"....
訂閱：
文章 (Atom)