Orion Market O朱古力餅

呢個0係零食屋買既, 19.5元一盒~ 一盒有4塊~

 

 

0係開始講之前, 我都想講DD野, 就係之前個blog, 時不時有D好趣怪既問題....

 

就係: 我好想買呢個呀, 不過行左好多間XX屋都冇...

 

問題黎啦...

 

 

就係, 個PO都至少半年至一年時間, 點搵呀...

 

 

想問問題之前, 睇下個post既時間先再問啦~~

 

同埋, 唔好再問, 零食屋即係...?

 

零食屋=759零食屋, 阿信屋.

 

只講一次, 如果再問, 恕我不作回應啦~

 

呢個一定唔係咩新野, 因為之前0係零食屋都一樣有賣, 不過我之前冇買, 直至再之前0係OK買過散裝, 又覺OK喎....

 

所以今次見到就買下啦~

 

不過我之後發現OK, 7仔, 吉吉島都一樣有, 不過價錢就貴好多....

 

往往都要23+.....我呢個價都叫幾好啦....

 

佢既同一系列, 好似出左古力crackers....之類....我就麻麻地...都係brownie岩我多少少~

 

又圈圈, 又角角....唔明...

 

 

佢比散賣既係細件D架~~~~都可能有1/5~

 

味道我都唔講咁多, 不過依然都係唔多chewy,

 

真係只係似一塊古力蛋糕多D.....

 

好就好在夠濃古力味~~~

 

 

 

仲有今次可以咬到少量古力碎~~~~

 

唔錯~

 

店員話, 叮一叮佢就變流心喎~~~不過我一向唔"好"熱東東的...

 

唔知可唔可以放入雪櫃, 令佢再chewy D???

 

點解...我人0係英國既時候, 唔食番舊brownie呢....

 

而家先黎"恨"...

 

連我都要"咪"眼先睇得清楚....

 

今次就真係唔好意思啦~

 

 

 



 



 

 

 



終結與開始

終於完了, 咩虎要摺了....

 

佢話30號進入唯讀mode, 不過我頭先留到言 (自己既同人地既, 不過有D blog就真係留唔到),

 

相信都係分階段進行...

 

"咩虎要在三更摺, 不過留blog到五更"...

 

呢段日子, 都有數年, 由我開始寫, 目的都係想轉移負能量...

 

到我識到一班好玩既blog友,

 

真係好開心~

 

每日寫blog都變得開心D~

 

加埋有blog友講喜歡我...個blog, 就更開心~

 

而家轉左新場, 係就係有少少唔慣, 不過,

 

"人, 生出黎就係要解決問題, 原地踏步係唔會有解決機會"

 

慢慢去解決~

 

我今後一定再加力去搵多D好味零食, 再po出黎分享...

 

不過同時大家有時就要聽我發牢騷啦...

 

 

一

 

二

 

 

三

 

 

開始~

Nabisco朱古力夾心餅

呢個0係零食屋買既, 原價10.8, 折左之後就9.7~

 

 

日版既ritz, 成日都出新味, 好似檸檬, vanilla...好多好多....隻隻味都唔錯架,

 

佢最好既係, 就係迷你包, 一個人都可以一次過食得哂, 唔使開封左, 又食唔哂, 又要搵盒裝, 再又要冒住D餅會受潮而變"林"既風險...

 

ritz既美版又或係其他地方版本, 好多時都係芝士餡, 花生醬餡...

 

好似偏偏就係冇古力餡??

 

係唔係呢?

 

我都唔知...所以見呢個係古力餡都要會...一會佢...

佢係細細個, 大約好似5元大小~

 

D古力都唔係硬, 唔係硬過岩石, 都叫幾滑架~~~

 

亦可以"痴實"D餅乾~~

 

幾有牛奶味, 對我黎講, 呢個甜味就岩岩好~~

 

個餅乾本身唔似一般ritz餅咁, 佢呢個加左胚芽入去,

 

令塊餅乾添多一份麥味~~~~起碼叫多D fiber瓜...?哈

 

佢加埋古力餡個效果又唔錯呀, 因為呢個古力本身巳經係甜,

 

有少少驚一齊食就令麥味餅乾失色,

 

不過又唔會喎~~~冇咁HEA~

 

 





Nabisco Oreo迷你杏仁脆心朱古力條

呢個0係零食屋買既, 原價13.8, 折左之後就12.4~

 

 

(抱歉...佢又自動轉了了了)

 

終於等到OOO新味....仲要係我愛既迷你包~~

 

之前出既抺茶味都唔錯, 好自然對呢個都有期待~加埋我又鍾意食杏仁呢~

 

唔係有好多, 不過一個人吃就岩岩夠, 二個人就....哈

 

聞就聞唔到咩味, 因為都被古力包實哂....

 

 

呢張巳經係影得比較滿意既一張....因為粒古力咁細, 都好難影到佢分層...

 

好彩包裝有圖...

 

一食落去, 今次既OOO味又好似唔太重, 冇之前既抺茶味咁明顯....

 

就都幾多一粒粒既野...

 

不過又食唔出係杏仁又或者係果仁味...

 

直至....當我成包食完(都唔駛5分鐘), 有一陣果仁味飄上黎~~~

 

又幾香~~~

 

今次呢個我就覺唔係太特別, 唔係佢唔好食, 係因為市面太多果仁呀, 杏仁朱古力呀呢D,

 

所以來來去去都好似係呢D味咁....少左一個亮點啦~

 

相反我覺之前既抺茶味比較好, 因為味道分明, 可以0係OOO之中食到有matcha味都唔係易事....

 

希望下次再好D~

 

 

 

 





米屋和樂之里粒粒紅豆饅頭&胡桃饅頭

呢2個我0係零食屋買既, 原價12元一個, 折左之後就8.4元一個(不過琴日個價錢好似平左, 6個幾~好似要出示會員咭既)

 

 

唐記包點既饅頭我就成日都食, 不過日式既饅頭就好少食....

 

 

我對佢既認知就係好多都係紅豆餡.....有限公司...

 

 

不過見佢有減價, 又想試, 就...買....啦...

 

 

不過都係....

 

 

呢個係粒粒酥皮紅豆饅頭, 我好好奇佢點樣酥.....

 

 

原來係咁的.....

 

由外表真係唔多覺佢酥, 反而覺似"皮蛋酥".....個樣...

 

食落去一樣feel唔到有咩酥味, 牛油味.....

 

又唔脆.....因為d皮巳經唔係厚, 帶濕濕地....

 

真係個皮好似"中式酥餅"咁....

 

不過個餡真係好多...係爆多.....

 

好重紅豆味, 仲要有紅豆衣0係入面....

 

對我黎講, 甜左少少....

 

全個酥, 3啖吃哂~

 

呢個胡桃味, 我初初以為入面係胡桃餡....

 

 

原來入面也是....

 

紅豆餡來的.....

 

餡既味道我就不作多說啦, 因為同之前果個饅頭餡既味係好似....

 

又即咪係甜LOR....

 

只不過係個饅頭皮加左胡桃....

 

因為紅豆餡太甜, 我完全食唔到胡桃味...只係咬到一粒粒既野...

 

唉.

 

完畢.



 





週六有碎

• "Amazing race"又回來了....好期待呀...一定追....
• 呢幾日真係涼左唔少.....一早一晚....我最怕耳仔凍...所以我一定放番D頭髮落黎, 當頸巾用...~
• 原來佢係我既剋星....一見佢就要"運"路走...
• 一輪掙扎之下, 終於都睇左....結果都係令自己唔開心...我都好可能要面對同一問題, 不過總希望狀況唔好咁快咩咩啦....
• 一個滑手就fing部電話....撞櫃再落地.....好彩乜事都冇....佢真係堅...
• 經過多少年既期盼...我終於得到了一個好想要既數字...25...
• 我真係好怕D人一字型咁行..一行4個人, 巳經有3個人成一直線.....最弊既係條路只係夠4個人行...哈
• 中左張無用既鮮奶劵.....送左俾人了....

米屋和樂之里迷你羊羹 - 紅豆味

呢個0係零食屋買既, 原價6.5,  特價左4.5, 係要出示會員咭既~

 

 

做左咁多年人, 我都好似從未食過羊羹呢樣東東, 只係成日0係卡通聽過....乜好好味架咩???

 

 

如果唔係4.5元, 我都未必會買.....

 

 

佢呢個仲有栗子, 抺茶, 煉 (唔知等唔等於我地香港既煉奶), 好似一共4種味?

 

 

我買左之後, 都好好奇羊羹係咩東東..於是上wiki百科搵一搵...

 

 

原來係源自中國, 當初亦真係加左羊入去煮成湯羹, 後來傳去日本, 因為僧侶不能吃肉, 所以就加左豆類入去....慢慢就演變成今日既羊羹啦....

 

 

如果我有邊度講得唔岩, 請賜教~

 

 

唔算太難撕開~~~

 

 

個質地亦如wiki百科所講, 又真係幾似啫喱~不過就比較硬身少少~

 

 

每一口都充滿紅豆味, 真係好多架~~我仲周不時食到"紅豆衣"添~ 呢個可以加多D口感, 話俾人知, 真材實料呀~~

 

 

不過我就覺甜左DD....

 

因為少左杯日本茶? 我諗一邊歎番杯日本茶, 一邊咬...個效果應該唔錯~~~

 





善字牌魚肉腸 - 乾瑤柱味

呢個0係log-on買既, 14元一條~

 

 

以前就好喜歡乾瑤柱呢個東東, 因為家中煮通粉又會掟少少去"墊"個湯底, 炆雞翼又會, 炆盤菜又會...總之乾瑤柱0係我屋企係好受歡迎....

 

不過去左英國之後, 就要限住D乾瑤柱用...珍貴物資嘛...

 

又不過呢, 我有2個朋友竟然富貴到咁,

 

將乾瑤柱當零食咬....我所指乾瑤柱, 唔係日本超市, 零食買果D, 係海味鋪賣果D....即係乾貨.....

 

大大粒擺入口, 好似當食緊薯片一樣......佢地有請我食, 係好食呀.,...,不過好奢侈......

 

同埋D絲絲好痴牙.....

 

我只係用佢 (乾瑤柱仔)黎煮"冬菇雞飯"咋....

 

講番呢個,

 

 

佢呢個, 比同樣都係日本版善字牌既魚肉腸係要大條, 闊身少少既,

 

亦好易去開, 撕走紅色果張膠紙, 用牙咬住個頂頂, 不停"令", 再向下一拉, 就可以好完美撕開個膠膜~

 

 

又係睇唔到有咩瑤柱元素, 未食之前.....

 

 

不過當我食第一口之後, 有D野喎~

 

 

又幾有瑤柱元素~不過當然唔可以同乾貨比, 因為曬過點都濃味D~

 

再咬, 吓???

 

原來中間有都OK多既瑤柱絲, 當然係軟林林, 一D都唔硬,

 

仲好易入口~

 

一D都唔HEA喎~同埋又唔鹹呢~

 

呢個1+1, 個效果都可以叫出到2.5~

 

有少少驚喜~

 

 





 



固力果雙層百力滋 - 檸檬椰子味

呢個0係log-on買既, 17元一包~

 

平時我係絕少去log-on買零食既, 唔係因為佢貴, 係因為離我太遠....

 

 

我只可以0係我出城覆診既時候, 順帶一齊去....去langham place, 一個商場有齊哂所有野.....

 

 

所以果日唔覺唔覺, 前前又後後...都用左幾百元...

 

 

0係log-on就用左六十幾買5樣野.....我都覺抵啦....呢個係最貴啦...

 

 

呢個味, 我等極零食屋佢都唔入.....7仔OK都冇...來來去去都係之前既蘋果同可可味.....

 

 

價錢係就係貴, 不過想食就要付出代價....哈哈...都係數元..

 

叫得雙層, 一層係檸檬CREAM, 另一層係椰子咩咩..(椰子之後果一排字...我唔識解....吉士?)~

 

原則上, 呢個相係好難睇清楚既, 連我自己影既時候都好難影&睇清楚....不過....真係有兩層既~~~

 

條數唔算多, 不過一個人食就好夠~

 

佢lemon cream果層呢, lemon好明顯被忌廉"馴化"了....佢變得不再霸道...係好溫柔既味...

 

如果你expect好似super lemon既果種酸到冇人有果種味...

 

呢個一定唔岩你...

 

椰子味呢呢.....冇我想像中咁重....淡口好多...唔係"咩咩大王"賣果D.....

 

椰子味只係有3-4度 (10度最多)...

 

不過兩者加埋個味就唔錯, 都幾岩怕酸既朋友食~

 

佢好似仲有士多多味, 不過好似平凡左少少....

 

 





彩彩好好

今期OK同"神X之X" (近排一隻幾受歡迎既mobile game)合作, 凡買滿20元, 就可以由1-9選一個號碼, 有魔法石之類....

 

仲有"現實世界"可以用現金劵.....

 

對我黎講, 玩online game, 又或者要"課金", 就好似燒銀紙一樣....

 

所以我從來未玩過要課金, "買石", "抽武器"之類既game...不過我都係會俾錢買apps, 三十幾元夠我玩幾個星期, 又唔需要額外俾錢果D~!~

 

所以, 呢D"石"對我黎講, 吸引力絕對係零, 不過我都將佢地轉送朋友......

 

唔知人地個親戚岩唔岩玩....

 

我寧願要現金劵好過....

 

有日, 我只係買左一本雜誌, 少少零食, 岩岩好夠20鬆少少....

 

好意外就俾我中左呢個...

 

2元coupon~

 

我既第一個反應係:

 

"唔會要我買夠50元先可以用瓜...."

 

之後睇下D T&C, 哦.....原來買滿10元就可以用...~

 

如果一本雜誌既價錢係10元, 即係用8元就可以~

 

仲有紙巾送~~

 

咁呀....等我有野"谷埋"一齊買先.....

 

不過, 我一星期最多都係花40元左右, ....哈哈

 

固力果牛奶朱古力味百力滋

呢個0係7仔買既, 價錢好似係....14.9-15.9之間...因為我唔記得左....

 

 

一盒有2包~

 

 

耐唔耐我都會去巡下日本各大零食商既網站, 因為可以知出咩新味, 有咩限定版出.....

 

 

等我巡便利店果陣可以多加留意....哈哈哈....

 

 

我一早"苗"到日本百力滋出左呢個~~~好想試~因為我都OK鍾意飲牛奶....尤其係full-fat....

 

 

直至有日巡7仔, 見佢有喎, 不過又未拆箱....於是我問店員我想拎一盒...(當然我睇過店內冇擺出黎先講)...由一個senior開比我~

 

 

(佢又自動波了...)

 

 

佢呢個既特點, 除左濃牛奶味之外, 就係佢個餅乾條, 好似有別於一般既百力滋.....以酥皮形式出現???

 

 

佢一袋都好似有1X條.....都可以呢~

 

 

外表同一般既古力百力滋好似冇咩分別.....

 

 

而賣點之一既濃牛奶古力....我覺......有分別咩咩咩????

 

 

有....甜左多多多.....

 

 

我一次過擺2張出黎, 為免大家睇唔清楚...因為我都影左好多張先收手......

 

 

佢真係幾酥皮喎......不過我既味覺收唔到有牛油味呢個元素.......

 

只係覺佢"硬屈屈"......又比一般難咬, 又比較痴牙.....

 

 

不過佢唔係唔好食...只係我比較唔喜歡太痴牙既餅乾....

 

 

都可以叫合格, 多少少啦......

 

 

不過又可以叫係OK新穎既~

 











雀巢絲滑朱古力咖啡

呢個0係百佳買既, 18.9元一pack, 一pack有3支~

 

 

我諗呢個可能唔係咩新野.....因為我平時好少何望過去....

 

因為平時果個位係擺同一系列, 不過就係原味....果日原味就冇哂貨, 就變左呢個.....

 

我之前未飲過呀, 原味就飲過, 都唔錯, 真係好好好滑, 都OK牛奶香~~

 

所以今次就試下啦~

容量同原味一樣既, 268ML~

 

我"令"個樽蓋果陣好小心, 因為手指既觸感唔太好, 成日"拎"唔穩D野.....萬一個蓋"逃走"左就煩...

 

所以我一向都好少買要"令"蓋既飲品....

 

唔......對於呢個....

 

我都只有一個comment:

 

"朱古力味咩咩咩, 牛奶味又唔咩咩咩"

 

(實情我係唔記得果句點唱)

 

古力味就比例少一點, 始終都係牛奶味比例多少少...

 

 

不過就似飲緊古力奶多D....唔似飲啡....一D啡味都冇....

 

 

不過都仲係好滑....~~~凍飲真係好一流~

 

 

不過我都係愛原味多少少....

我承認我

我承認我......好固執.....可以去到只聽自己意見既地步.

 

 

我承認我......好專一......可以喜歡一件事/一個人/一款食物很久.

 

 

我承認我......好好勝......不喜歡輸.

 

 

我承認我......好挑戰, 喜歡去"挑"人機....不過不喜歡"挑"自己....

 

 

我承認我......好"小器", 可以記仇很久....

 

好了好了.......扮完有文采.....講番正題....

 

我今日有野想發表既係: "我好 "小器" ".

 

係, 我不得不承認, 我由細到大, 我都係一個好"小器"既人....小事我未必同你記, 不過旦凡一令我"道氣chok住 chok住"既事, 我就一定會....

 

記到我"釘"果日為止...未"釘"之前, 再搵"機會"報復...

 

近排發生左件事, 令我"好激心"....我一星期總有幾日去左"X德商場"既"X粥麵"食早餐, 次次都係店務員拎俾我既,

 

如果我份餐係冇多杯水既, 我就會麻煩佢地幫我拎一杯...(有D姐姐認得我, 總記得幫我拎)...

 

有日, 我正在等緊個餐 (果日人唔多, 一般), 果個店務員拎個餐埋黎, 我見冇杯水喎, 就好有禮貌拜託佢幫我拎...

 

點知, 佢帶點語氣講, "你下次同收銀講加多杯水嘛".

 

佢唔算係黑面, 不過佢咁既語氣就令我唔舒服...

 

我點知同收銀講都可以呀??? 一般都係同店務員講架啦....我又點知收銀機有"一杯水"呢個掣????

 

你可以輕D語氣同人地講, 令人地舒服D....如果我行到, 我使咩要麻煩你地咩....

 

自此之後, 我就"銘記在心".....

 

直至琴日, 又係佢拎餐俾我, 佢一見到我, 就話: "乜你咁醒叫收銀打多杯水呀?"

 

言下之意, 你即係覺我係一個蠢材???

 

不出0.1秒, 我就話, "梗係啦"

 

點解我唔即時還擊, 加多一句呢?

 

因為.....我仲要係果間野食早餐.....除非我可以多D早餐choice.....

 

不過, 如果有機會, 佢敢再"潤"我.....我一定加多一句.

 

"都係你教既"

 

 

發表完畢



兜兜腸粉

仲記得細個果陣, 我巳經係"要風得風, 要雨得雨", 只要我想食既 (價錢唔貴), 屋企都會滿足我~

 

 

所以一有機會, 我就會做"伸手黨" (即係伸手拎錢去買零食, 零食不包括薯片, 汽水, 餅乾), 當然梗係要幫額娘買餸, 仲要買埋佢果份野食啦...

 

 

我當然會拎足錢先走....我唔會做蝕本生意.....我細細個巳經好識計數....

 

 

買咩野食多? 都係腸粉多~

 

 

以前我去開街市, 有一個車仔檔, 可能店主俾人拉得多, 後來0係藥材鋪既角仔擺檔, 係唔合法架啦, 不過都叫有瓦遮頭...瓜?

 

 

我好鍾意去果個檔仔, 因為好鍾意佢用果隻"鐵又唔多似鐵"既碟, 未剪腸粉前, 先"鋪"幾張牛油紙, 塗少少油....

 

 

呢個動作好懷念...~

 

 

架擦架擦既聲....

 

 

再0係鐵蒸籠入面拎燒賣呀果D出黎~~

 

老闆, 多甜醬, 多多麻醬呀~

 

拎返去果陣要好小心, 因為一唔小心就會好易枝籤整穿張紙......D豉油漏走哂....

 

仲懷念....而家都好難有呢D車仔檔?

 

由於而家身體唔同左, 好怕肚痛, 飲食唔可以唔檢點D....好少何幫襯街邊檔啦~

 

不過我又好想食腸粉....又不過我又要乾淨....

 

終於0係我"後知"既情況之下, 先知7仔係有腸粉賣既....我屋企附近果個屋邨商場既7仔就有小食站~

 

一兜腸粉賣7元, 佢好似冇寫有幾多條, 我亦冇問...

 

不過個量我係接受既~

 

個味都唔錯, 不過個麻醬有丁丁丁既澀味, 可能係個別牌子問題瓜?

 

最鍾意佢夠乾淨, 起碼唔係"食塵", "小動物&昆蟲大匯合"之類...服務又好....

 

不過佢呢排果個"日韓風"就未食過.....

 

我係一個保守既人, 唔係腸粉, 就係燒賣, 魚旦......

 

 

 



週四先碎

• 截至今日為止, 燒巳經退哂, 喉嚨痛冇哂, 雙腳既感覺比較好少少, 肌肉痛都冇哂.....不過鼻水依然流DD, 個鼻依然仲係塞塞地...
• 聲"萌"而人不"萌", 先係最大問題....
• 為何鼻塞既時候, 把聲會"萌"架呢?
• 今次都係多得我自己, 採用本門獨步丹方--"以毒攻毒法"....
• 即係食甜野, 食薯片, 飲凍野, 吹風扇, 沖凍水涼.,,,,,仲有唔"cum"被...
• 近一兩日又迷上新歡....玩到唔停手...不過岩岩來宮既, 我都唔可以咁快打佢入冷宮.....
• 日日bloomsberg都講債務上限....好悶...
• 佢日日0係咁飲2罐以上既可樂, 奶茶...佢唔怕會有病架咩??
• 佢突然辭職了, 大家都好突然.....搵唔到佢了....D 7仔印花點?
• 想入去零食屋, 仲難過"登天"....D貨多到....擺哂0係店內....
• 最奇既係....無人覺得我病既??? 乜我個樣好精神?

龜田製藥魷魚米小吃

呢個0係零食屋買既, 原價12.5元, 折左之後就11.3元~

 

由細到大, 我都幾鍾意食魷魚, 不論係燒魷魚, 魷魚絲 (愛佢既微辣味), 酒樓既炸魷魚 (炸漿又好味, 又可以帶出魷魚既鮮味)...介仲有我最愛既魷魚馬蹄蒸肉餅~

 

我唔理佢膽固醇高唔高, 總之凡事唔好食過量就得啦~~

 

我初初見....乜好似咁少既? 原來食食下都覺幾多架~~

 

 

我一打開個袋, 唔使"洪"個鼻埋去, 都巳經聞到陣陣魷魚味~~~呢個就係我想要既味~~

 

 

不過食落去又可能係另外一回事....

 

 

再不過, 呢個我食落去, 成個口腔都好重魷魚味~

 

 

濃度又岩岩好, 再濃D就"過籠"啦~~~又唔鹹喎~

 

 

佢呢個唔係薯片, 而係以米製成既小吃, 仲要係"非油炸", 吃起黎又放心D, 又小D guilty....hahaa...

 

 

不過佢都係幾薄, 所以唔會有咩好特別既口感, 亦唔算好crunchy....

 

 

不過, 呢個都幾岩一路飲啤酒, 一路睇波, 一路食架~

 

 

如果你"好"魷魚~

 



 



牧原鬆軟抺茶年輪蛋糕

呢個0係零食屋買既, 原價12.5元, 折左之後就11.3元~

 

 

年輪蛋糕我好似就未食過, 所以0係零食屋見到就有少少想試~

 

 

仲要係抺茶味, 更加想食~

 

 

我本身好少買件裝既蛋糕食, 一來唔鍾意夏天食蛋糕 (唔好問我點解, 係X檔案), 二來係一件蛋糕都好多糖下, 我怕我上癮....

 

 

即係由日本運到HK, 再運去店面, 件蛋糕都無爛呀~~

 

好似幾厚喎.....

 

 

都不失抺茶味喎~估唔到佢可以岩岩好~ 唔苦架~

 

 

不過呢, 頭果幾啖仲叫幾好味, 仲食到抺茶味, 不過食多幾啖就好似被甜味沖走哂......

 

 

有少少愈食愈甜既感覺.....

 

 

再不過, 真係超級鬆軟~~~好軟林林呀~~~

 

 

呢度幫佢搶番少少分數.....

 

 

我想知市面除左原味之外, 年輪蛋糕仲可以有咩味????

 

小記: 唔好意思我琴日冇update.....因為被個電子產品搞到我"tum tum轉".....之後仲喉嚨痛, 迅速變成"最強組合"....

 

鼻塞+流鼻水....

 

今朝仲發埋低燒.....好彩之後出左一身汗....

 

好似退了......

 

呢D天氣, 大家真係要小心身體.....