呢個0係零食屋買既, 19.5元一盒~ 一盒有4塊~
0係開始講之前, 我都想講DD野, 就係之前個blog, 時不時有D好趣怪既問題....
就係: 我好想買呢個呀, 不過行左好多間XX屋都冇...
問題黎啦...
就係, 個PO都至少半年至一年時間, 點搵呀...
想問問題之前, 睇下個post既時間先再問啦~~
同埋, 唔好再問, 零食屋即係...?
零食屋=759零食屋, 阿信屋.
只講一次, 如果再問, 恕我不作回應啦~
呢個一定唔係咩新野, 因為之前0係零食屋都一樣有賣, 不過我之前冇買, 直至再之前0係OK買過散裝, 又覺OK喎....
所以今次見到就買下啦~
不過我之後發現OK, 7仔, 吉吉島都一樣有, 不過價錢就貴好多....
往往都要23+.....我呢個價都叫幾好啦....
佢既同一系列, 好似出左古力crackers....之類....我就麻麻地...都係brownie岩我多少少~
又圈圈, 又角角....唔明...
佢比散賣既係細件D架~~~~都可能有1/5~
味道我都唔講咁多, 不過依然都係唔多chewy,
真係只係似一塊古力蛋糕多D.....
好就好在夠濃古力味~~~
仲有今次可以咬到少量古力碎~~~~
唔錯~
店員話, 叮一叮佢就變流心喎~~~不過我一向唔"好"熱東東的...
唔知可唔可以放入雪櫃, 令佢再chewy D???
點解...我人0係英國既時候, 唔食番舊brownie呢....
而家先黎"恨"...
連我都要"咪"眼先睇得清楚....
今次就真係唔好意思啦~
我o係HK時見零食屋已有呢隻brownie. 但我相信我整o既會好食過佢囉,所以冇買. kakaka
回覆刪除自己整可以加多D料~~~佢呢個都係岩岩合格咋....
刪除我好鍾意食佢架,一打開個包裝,果下香味....好正!!但cracker就唔得,可以唔試!!
回覆刪除不過就係有DD貴.......我仲想試添......點解唔好味呢? 太普通????
刪除真係太普通,只係cracker上面加層朱古力,而果層朱古力又唔見得有乜特別!
刪除好彩冇買......因為7仔做做緊佢呢個古力系列既promotion....
刪除好多謝你呢呢呢~
好似好焾咁喎.............
回覆刪除好唔好食架架架??????
佢係比較軟身既, 不過又唔算難食, 比較普通咁...
刪除佢個樣唔靚仔............
刪除吸引唔倒我囉............
相信我唔會食............
係喎...可能自己比較好.......
刪除呢隻我都有食過, 但因為自己有敏感牙齒, 食完會痴住係牙就會痛, 要即飲水沖走佢, 所以就無再食過了~~
回覆刪除敏感牙齒唔係食熱/凍野先痛??
刪除的確有少少痴牙.....佢其他既東東我就未食過....你有冇佢既其他東東?