早餐也飯

我係好鍾意食飯, 可以連朝早果餐都食飯....

 

 

名副其實係一名飯桶.....

 

 

有日去完吉吉島, 我既例牌行程就一定要去"吉吉家"食番個牛肉飯先返歸既....於是就睇有咩食...

 

 

半西式半日式, 即係又腸仔, 又炒蛋, 不過又烏冬果D唔岩我...

 

 

一來份量太小, 二來好像有少少貴....唔多岩我....

 

 

我一心想食牛肉飯, 原本想食"細牛肉飯"既, 不過最後都叫左:

 

 

"細野菜牛肉飯"+"鲭魚"~

 

 

就盛惠19+12.5~

 

 

我都幾鍾意佢既鲭魚,個魚肉既質地係我比較愛既果種類型...同埋一條骨都冇....岩我呢D怕骨既人.....

 

 

好豐富呀~~~白色果杯係水~佢地好細心, 用蓋蓋好, 等客人飲既時候仲係暖既~~! 雖然係有少少唔環保....

 

佢既野菜係紅蘿蔔, 西蘭花, 椰菜花同豆角 (?)~ 份量都可以架~

 

牛肉既份量都唔小, 不過D汁就少左DD......

 

我先清哂D我唔太喜歡既東東先.....就係菜~~~(我份人好喜歡食哂A食物, 就食B食物....絕對唔會食一口A, 一口B, 一口C...)..

 

主角黎啦....牛肉..嘩....

 

"鹹到親人都唔認得".....我絕對有理由去懷疑係D汁過鹹.....

 

平時都唔係咁.....

 

如果果陣時有好多客人0係度, 我一定同經理講....因為果個經理好好人架~

 

好彩, 加埋D飯就仲可以.....

 

如果我冇記錯, 條魚我前後只係食左2啖就食完,

 

唔係因為條魚細條, 係我將佢分開兩截,

 

大大舊擺入口, 啖啖肉.....好enjoy~~

 

條魚係偏甜既, 同埋係唔熱唔凍唔暖既, 不過我buy~

 

可以擺0係白飯上焗一陣, 唔多唔少都可以熱DD....瓜?

 

唔知鹽燒會唔會好好味架呢????