牧原鬆軟抺茶年輪蛋糕

呢個0係零食屋買既, 原價12.5元, 折左之後就11.3元~

 

 

年輪蛋糕我好似就未食過, 所以0係零食屋見到就有少少想試~

 

 

仲要係抺茶味, 更加想食~

 

 

我本身好少買件裝既蛋糕食, 一來唔鍾意夏天食蛋糕 (唔好問我點解, 係X檔案), 二來係一件蛋糕都好多糖下, 我怕我上癮....

 

 

即係由日本運到HK, 再運去店面, 件蛋糕都無爛呀~~

 

好似幾厚喎.....

 

 

都不失抺茶味喎~估唔到佢可以岩岩好~ 唔苦架~

 

 

不過呢, 頭果幾啖仲叫幾好味, 仲食到抺茶味, 不過食多幾啖就好似被甜味沖走哂......

 

 

有少少愈食愈甜既感覺.....

 

 

再不過, 真係超級鬆軟~~~好軟林林呀~~~

 

 

呢度幫佢搶番少少分數.....

 

 

我想知市面除左原味之外, 年輪蛋糕仲可以有咩味????

 

小記: 唔好意思我琴日冇update.....因為被個電子產品搞到我"tum tum轉".....之後仲喉嚨痛, 迅速變成"最強組合"....

 

鼻塞+流鼻水....

 

今朝仲發埋低燒.....好彩之後出左一身汗....

 

好似退了......

 

呢D天氣, 大家真係要小心身體.....