Ito美式軟曲奇 - 法式栗子蛋糕味

呢個0係零食屋買既, 原價17.5元, 折左之後就15.8元~

 

 

一包有4塊, 獨立包裝~

 

 

呢D時候, 真係特別多季節限定版既零食....

 

 

我本人係一半愛栗子. 一半唔愛....

 

 

愛既係栗子炆雞呀, 鴨呀, 以至係街邊既車仔既炭炒栗子....呢D栗子啦喎....當然唔係由我去"滅"....係額娘代勞......由我去消滅.....哈哈哈~~~

 

 

唔愛既係栗子蛋糕, 細細個0係一般西式餅店買既栗子.,,,,,我就係唔多覺有栗子味, 勁人工, 勁假....

 

 

久而久之, 如果要買一個個既蛋糕, 我都只會食忌廉蛋糕, 頂多加生果, 栗子真係受唔住.....

 

 

人大個左.....總係"明知山有虎, 偏向虎山行", 加埋我係"阿崩".....

 

 

一出新野又要試啦~~~

 

 

佢呢個有大包裝, 不過我冇留意, 因為我只係買左呢個 (細包),

 

 

我買野既傾向都係以細包為主, 如果"老鍊"咁大包, 唔好食會好浪費....呢個唔好食極都係4塊.....

 

 

呢個系列既曲奇係軟曲奇架~ 之前試過, 我覺一般...

 

 

都唔算細塊架, 我擺唔哂入個口....呵呵...

 

我冇好仔細分開左十幾份睇佢多唔多古力粒~~~,畢竟主角係栗子~~~ 古力既份量剛好~~~

 

古力既硬度唔會好似石頭~~~~

 

曲奇係軟既, 所以唔好期望佢好似"藍X"咁.....同"mrs XXXXX"差唔多.....,

 

亦有疑似"夏威夷果仁", 幾香口呢!!!

 

至於栗子味, 佢係好清香, 唔藥水, 亦唔太人工, 又出奇地可以同古力幾夾.....

 

想要濃就食一粒粒既栗子又或者自製栗子蓉, 呢個就岩岩好~

唔錯唔錯....