朱古力番薯包@A1 Bakery

我好喜愛既秋天巳經到了, 除左天氣涼之外....佢仲係一個食野既季節....

 

秋天都好多時令食品....好似南瓜, 番薯同栗子~~~

 

樣樣都好好味~

 

有日經過東港城既great, 門口有間麵包店叫A1 Bakery (我諗佢Das Gute係同一個集團, 因為promotion一樣既....)~佢D麵包都好好味架~~

 

就發現左有"秋天限定"包包哦~

 

只係得2個星期??? 不過我琴日上佢個FB, 未話完喎.....

 

唔理啦, 買最想食果個先~~~

 

"朱古力番薯包"~12元一個~

 

古力呀.......成個包既外皮就被古力覆蓋.....就好似"OK"既"鮮奶球"一樣~~~~

 

 

上面仲有好多古力粒粒哦.....回本了......

 

 

個皮都叫幾脆~~~~尤其個邊邊~~~~仲係厚厚架~~~又厚又脆又好香既古力味~~~~

 

真係岩哂我....

 

又唔算好甜~

 

個心係番薯, 唔係甜, 甜中帶有清香,

 

亦冇被古力搶左主角地位~~~~

 

個心一D都唔乾, 仲係好"綿"架~

 

下次食邊個好~~???