呢個0係log-on買既, 14元一條~
以前就好喜歡乾瑤柱呢個東東, 因為家中煮通粉又會掟少少去"墊"個湯底, 炆雞翼又會, 炆盤菜又會...總之乾瑤柱0係我屋企係好受歡迎....
不過去左英國之後, 就要限住D乾瑤柱用...珍貴物資嘛...
又不過呢, 我有2個朋友竟然富貴到咁,
將乾瑤柱當零食咬....我所指乾瑤柱, 唔係日本超市, 零食買果D, 係海味鋪賣果D....即係乾貨.....
大大粒擺入口, 好似當食緊薯片一樣......佢地有請我食, 係好食呀.,...,不過好奢侈......
同埋D絲絲好痴牙.....
我只係用佢 (乾瑤柱仔)黎煮"冬菇雞飯"咋....
講番呢個,
佢呢個, 比同樣都係日本版善字牌既魚肉腸係要大條, 闊身少少既,
亦好易去開, 撕走紅色果張膠紙, 用牙咬住個頂頂, 不停"令", 再向下一拉, 就可以好完美撕開個膠膜~
又係睇唔到有咩瑤柱元素, 未食之前.....
不過當我食第一口之後, 有D野喎~
又幾有瑤柱元素~不過當然唔可以同乾貨比, 因為曬過點都濃味D~
再咬, 吓???
原來中間有都OK多既瑤柱絲, 當然係軟林林, 一D都唔硬,
仲好易入口~
一D都唔HEA喎~同埋又唔鹹呢~
呢個1+1, 個效果都可以叫出到2.5~
有少少驚喜~
好耐冇食過呢d腸喇.
回覆刪除呢D以前我都好少食......而家如果有D特別味先買...~
刪除乾瑤柱都係我至愛,煲粥煲湯加咗佢,正!
回覆刪除萬用呀~~~~~細細粒果D都好好味~!又平~
刪除阿靜,妳個大陰謀點呀?
回覆刪除守法星幾時攻打地球星呀?
我個大陰謀巳經完成左一個月~~~~開心ing~
刪除仲俾我意外地完成另一個陰謀....哈哈哈~~!又開心ing~
估唔到你仲記得喎....
守法星巳經侵略左地破兩次~ 暫時停止攻擊~~~哈哈~與民休養生息~~
吓??咁妳陰咗啲乜,謀咗邊度呀?
刪除陰左部好鍾意既野.....幾乎唔使錢......都係以舊換新~
刪除而家冇咩陰謀好想實行了~~~~~
嘩~我好耐無食過呢d腸仔, 我鐘意食一隻芝士味, 但乾瑤柱味真係第一次聽..哈!
回覆刪除都係善字牌? 係喎...LOG ON真係多特別零食賣...
刪除