刀與叉

大家只係睇個標題都好難估到我今日想發表咩...

 

 

先聽一聽琴日我搭lift落去早餐既一段小故事...

 

 

lift向下降既時候, 佢0係29樓左右停左, 有一個婆婆入左黎,

 

 

唉, 又見佢...

 

 

佢次次見到我, 都話: "靚女, 你唔着番條長褲?" 仲0係度扮熟摸我隻手臂...

 

 

果陣既溫度大約23度左右,

 

我話, 而家二十幾度, 咁都叫凍呀???? 如果得番十度以下, 咁你唔好出門啦...

 

 

我知, 佢係出於好心, 不過唔使見我一次就講一次....

 

你唔煩我都覺極之煩...

 

 

我心入面浮左一句: "關你刀事"....

 

 

唔明? 即係"關你隻叉事",.....

 

 

我同佢講左好多次我係唔怕凍, 佢硬係聽唔入耳....

 

 

你凍你涼都唔關我事...唔好用你既價值觀"塞"0係我身上...

 

 

我少過10度都係着短褲架啦, 唔得咩? 我鍾意呀.

 

我仲開哂窗, 開風扇訓添, 唔得咩? 我鍾意呀.

 

 

不過, 我係有着褸既...