奔訪

琴日終於買到想買既褸.....

 

仲要係我十分喜愛既顏色...

 

0係未着之前, 我拎左去洗衣店洗一洗...

 

我家太小, 冇咁多位可以俾我曬衣, 總之就係冇位, 唔好駁我...

 

當我去完洗衣店之後, 唔夠兩步, 就有個婆婆向我呢個方向行過黎,

 

因為隔離就係診所, 所以我估婆婆係等候緊....

 

婆婆都着好多衫...(我眼中係), 不過長者可能未必夠...,我明.

 

婆婆行到黎我度就停左, 好友善問我, 你夠唔夠衫呀? 凍唔凍呀?

 

哈哈.....婆婆覺佢眼前既, 係一個奇人, 怪人, 外星人....

 

十幾度既時候, 仲有人短衫短褲, 坐波子....

 

果位奇人着既, 仲要係dri-fit tee.....

 

仲更通風...

 

我知, 婆婆好關心我, 係唔係友善既訪問, 我一眼就睇得穿...

 

可能被人訪問太多次了.....

 

我同婆婆講, 我OK呀~岩岩好~ 我慣左呢個溫度啦~~

 

婆婆笑笑口, 話我太厲害...真後生.....

 

查實...我唔後生啦.....我個樣呃得下人...

 

我有提醒婆婆, 下星期會再轉涼...

 

大家, 見到身邊有長者, 不妨作一個善意既提醒,

 

提醒佢地注意保暖....

 

我地一個小小問候, 一樣可以令佢地開心架~

 

完畢