桃哈多枝豆條 - 芝士味

呢個0係零食屋買既, 原價10.8, 折左之後就9.7元~

 

 

 

桃哈多呢隻枝豆條成日都出新味, 好似BBQ味, 牛油醬油味, 鹽味...不過就吸引唔到我...

 

因為好耐之前食過一次 (唔記得邊隻味), 覺冇咩特別之餘,

 

仲成包都偏多油....

 

好坦白講, 如果唔係芝士味既話, 都好難吸引我去食...

 

哈哈哈~

 

 

佢係偏淡青綠色既,

 

 

質地亦係軟, 唔係"硬屈屈", 亦稱唔上係脆口....

 

 

總之就係"林林地"....

 

 

佢包裝袋寫住有3隻芝士, 不過我又唔覺有咩驚喜....

 

 

亦唔覺有好大陣既芝味....

 

 

不過當佢呢個芝味同枝豆條加埋又幾OK, 有少少清新既豆既甜味添!

 

 

不過我完全食唔到有咩唐辛子味....又真係幾隱蔽.......

 

成包野都係偏多油....D油印多到....