三幸雪之宿沙律味米餅

呢個0係零食屋買既,

一袋有7包, 每包有2塊~獨立包~

呢個都唔係咩新出零食, 都出左一段比較耐既時間,

不過我覺呢個好岩我食, 雖然我只係買過2次, 第一次係N年前,

第二次今次, 不過次次我都食得幾開心~

個名好靚~~~~~

打開就都係一般既燒米餅味,

不過入口就馬上有2種味,

少少鹹味, 唔知係唔係醬油味呢, 不過一D都唔濃,

只係淡淡地~

之後, 牛奶味, 即係面頭似"白色潑漆"既東東就四散~

甜甜地, 又真係幾有忌廉味~

好就好在唔係太甜.......兩種味都叫幾夾喎~

夏天嘛, 如果食太甜, 就愈食愈口渴....本人感覺....

米味幾有, 唔假, 亦唔算太易碎, 不過食果陣都係小心D好.,,,,

7包, 我足足食左成個星期, 抵哂~