呢個0係奇華買既,
以前小時候, 由於屋企附近有間奇華, 所以成日幫襯~
都係食turtle包, 菠蘿包, 牛油切蛋.....
不過隨住租加得利害, 終於要搬, 一下子沒有奇華.....感覺怪怪的....
之後又坐波子, 好多時0係地鋪既我都去唔到, 因為始終高一"cup".....我亦唔鍾意搵人幫忙, 因為我唔愛開口.....好似成個傻婆搵人幫忙, 我做唔到, 大不了我唔食......
我係一個"何其有骨氣"既人~~~哈哈哈
搬左之後由於商場入面有奇華, 終於可以去幫襯了~
亦好開心奇華好肯放開懷抱, 有新形象, 有產品.....
由於我好愛古古力蛋糕, 所以今次就買了這個~~~
由於包裝袋所限, 初時我都睇唔到點樣"雙重"......原來係咁既........
佢呢個系列既蛋糕同海綿蛋糕差唔多, 不過就同佢既"牛油切蛋"好唔同....
牛油切蛋既質地就比較粗糙, 可以食到一粒粒既碎....
而蒸蛋糕呀, 蛋白蛋糕呀, 卷蛋呀, 以至呢個都係用同一個做法, 材料....
一樣十分綿滑, 彈力十足, 密度高, 一按下去好快就彈上黎~~~
呢個既海綿蛋糕就幾有古古力味, 濃就唔係十分濃, 依然有既~
不過當你咬埋中間果層古古力醬, 咁樣先係正確食法, 最能夠食到何謂雙重~
中間既古古力醬係濃古古力醬, 絕對唔係凝固哂~
雖然只係薄薄一層, 不過古古力味十足, 如果太多既話就會搶去海綿蛋糕既鏡架啦~~~
愛古古力既朋友們, 呢個可以一試~~~~
雖然唔係好大個, 用黎做早餐又或者係下午茶就岩岩好~~~~
不得不讚既係, 呢間鋪既服務態度非常唔錯......
一入黎就歡迎前歡迎後, 又拎籃子, 又幫我拎.........
因為我去既時候尚早, 佢地仲上貨中......佢地仲好樂意推開俾我, 冇黑面.....
我幾愛奇華個標籤, 佢地係以"個"計......唔使消費者加加減減...好方便~
11.4g糖~ok啦~
11.4g糖~ok啦~
沒有留言:
張貼留言
Hello~