何其清清

我住果條邨既商場開左"譚仔雲南米線",

 

 

好奇心驅使既關係, 開左張既第二日就走左去試...

 

 

嘩.....好多人呀....原來有好多人同我一樣....

 

 

因為間野既前身係一間茶餐廳, 幾好味架, 不過"OX"唔同佢續約. 所以就變左呢間, 佢都裝修左好耐....

 

 

我冇影佢相, 因為好多侍應, 費時被人叫唔好影, 好"LOR"嘛....

 

 

我連影個餐牌都要偷偷摸摸......

 

 

 

佢係冇沙牛, 扒類架........對於我呢個食肉獸黎講......好似入左個"特大"既火坑一樣....(我都係一日食一個拳頭咁大既雞肉OR豬扒, 唔會再多)...

 

平均黎講, 價錢係偏貴.....因為冇咩肉類可以俾你選擇.....好多都係罐頭野.....

 

以一個A餐為例, 25元真係賺到笑.....

 

不過唔使你買, 煮同洗......喎....

 

於是我簡左:

 

豬膶+鮮牛肉出前一丁麵, 凍奶茶少甜

 

27元+2元

 

呢個都算係叫"比較"回本架啦......芝士腸, 餐肉呢D普通左少少......

 

豬膶+鮮牛肉就唔係太多地方有得食......況且本身我好鍾意食豬膶.....

 

 

由於開張第二日, 情況都有少少亂......等左一陣先有~

 

 

 

好似幾大碗喎......

 

D豬膶+鮮牛肉唔係全熟, 我都將佢再壓入湯入面, 等佢可以自行烚熟.....

 

D膶就唔算好"甘"既味道...一定唔係黃沙膶.....

 

不過佢好在冇筋, 咬起黎亦幾彈牙, 都叫OK鬆化啦....

 

有好多塊呢......

 

 

不過D牛肉就"削"左少少.....唔多夠滑....亦冇咩牛味.....

 

唔算多塊....

 

湯底都算幾清, 因為主要靠個豬膶味加埋湯.......唔好要求佢係濃味.....不過店員亦好細心奉上"出前丁丁"既麻油, 加左又好味D~

 

我食哂碗麵先飲我杯奶茶...~~~

 

 

好多冰.......

 

不過都OK大杯....只係個杯....

 

茶味唔濃, 不過就好香淡奶味~~~~~

 

呢間野, 如無意外, 我都唔會幫襯食第二次, 唔係service唔好, 唔係唔好食....

 

而係冇舊肉落肚......搞到我食完好似冇食......

 

我寧願食麥當當.....