佳之選-黑芝麻方塊酥

呢個0係百佳買既, 13.9大洋~
有12包, 1包有2塊, 獨立包~

由於天氣開始暖, 實在唔方便擺古力0係室內....溶嘛.....

我又唔鍾意擺入雪櫃...

所以夏天我都會食餅多.....一條條既古力就暫停一陣咁多啦...!

一般既曲奇都係比較多糖, 除非標示"無糖"果D....

我又唔想食咁多糖.....呢個都可以喎~~~

芝麻又健康呢~

仲有, 我係完全未食過方塊酥架....令我更有興趣想食~

黑芝麻配黑色包裝...夾哂啦....

細細包, 不過又有2塊~

下午茶小食就岩哂~

呢度有2塊, 都OK厚架~

佢雖然唔似"拿破崙"果D酥皮咁脆, 不過咬落去都幾有層次,

唔係食緊一PAT野架~

完全唔甜, 只係微甜~~~

岩哂我呢D想搵野咬既人...哈~


本身方塊酥都幾香, 冇乜牛油味, 不過就好香小麥味~~~

仲有啡色一粒粒既穀? 0係入面.....勁多...

初時第一張相我仲以為得好少芝麻,

心諗都算啦, 呢個價錢都叫咁上下啦.....

仲可以要求幾多??

不過嘩...原來收收埋埋咁多黑芝麻~~~

雖然唔係特濃, 不過都幾有芝麻味~

同方塊酥幾夾~~~

我諗我鍾意左方塊酥了.....,

除左黑芝麻味, 仲有杏仁味同薑味~