綠茶餅@DONQ

翻新左既君薈坊, 有唔少既店鋪都開左,

都係行中高檔, 有唔少錶行, 化妝品, 電器行....

只有極少數既商鋪可以留低....

大家可能唔太清楚係邊度, 0係TKO MTR出口, A出口? (涼茶鋪果邊啦)果個....住宅君傲灣上蓋....再唔知就自己搵地圖啦.

因為附近有新酒店嘛, 有一定既人流...

我終於有野要買, 順便行下有咩開左....

有italian tomato....不過未到營業時間....不過對面就有間麵包店....

全個商場都係得2層, 地下&一樓, 佢就0係一樓~

我就飄左過去....

我好鍾意呢間左, SOGO以前好似有呢間??? 唔知而家仲有冇呢?

 

 

來自東京既?

佢入面都係賣牛角包, 酥皮類既東東多~

都好香呀~

我唔太鍾意食酥皮, 不過我第一眼就簡左呢個:

綠茶餅, 佢個LABEL寫係green tea scone

都係8元一個, 比Das Gxxx好似仲要平少少喎......

外表亦唔錯...一於就買....

我就搵店員幫忙, 佢地好友善, 好注重eye contact, 連接我既紙幣係雙手接....果位仲要係後生女....
呢間鋪, 服務我俾100分...~

佢比傳統既scone, 真係唔多似, 真係似一塊餅多D.....又或者似厚左既曲奇....

不過好食就得~

外表, 唔錯, 外皮, 係異常脆&硬, 我唔小心"冼手", 聽到"clock"得好清脆.....

不過又未至於咬唔到, 好易咬開~

有綠茶味喎, 唔濃唔淡, 岩岩好, 唔太有牛油味,

亦一D都唔甜.......真係好清淡既味.....

佢個牌寫有紅腰豆同小紅莓, 入面都有唔少架,

D豆一D都唔硬, 亦唔粉, 保留到咬口.......唔知點解我覺似食緊核桃,,.,,

小紅莓, 就比例少左DD, 因為我好努力去食都好似食唔到果味....

係有既, 不過可能唔太甜而令我食唔到~

呢個餅, 絕對清淡, 岩唔愛既朋友~~

岩我, 夠脆~因為我愛邊邊~

下次, 我會繼續食其他~~~