算啦, 快快手寫左佢....
我一向都好鍾意食中式糕點, 麵包之類....
所以是次出城覆診, 好想搵一間0係醫院附近, 又唔使我要"山長水又遠"碌去.....
有喎....因為我上"開飯啦"搵....
佢真係一個好好既搜尋器, 可以搵下有咩食肆0係自己附近, 又可以睇下食評先決定去唔去.....
呢間叫"明華餅家", 0係旺角, 好景中心附近....馬會附近....又近街市......
唔知就自己上網搵確實地點啦, 口講好難形容既....
呢位女士, 我叫佢做老闆娘啦, 查實我都唔知....當係一個稱呼啦~~~
佢唔多話講,一係一名女中豪傑, 亦唔會唔該前唔該後,
總之亦唔會兇你, 佢"唔憂"冇人買....因為佢好多人幫襯, 幾出名架~
佢初初有望住我, 因為"茂利"拎住電話0係度"影影貢".....
不過又冇叫停我.....於是佢就繼續影...
同諗吃咩...
佢地既燒餅都唔錯架, 想食紅豆味...不過未出爐....
只係得純燒餅....唔好啦瓜.....老闆娘話等一陣, 好快有~~
不過好快有既係.....奶黃燒餅.....好, 我都要~~~
冇理由只係要一個咁少...於是就加單要多個菠蘿包~
兩樣野盛惠5大洋~! 燒餅3大洋, 菠蘿包2大洋~~~
全部都岩岩出爐, 熱呼呼架~
真係好熱.......相當"辣手"..........
個燒皮仲係軟腍腍, 一D都唔甜, 又煙UN又有咬口~~~
奶黃我以為好少 (因為3元一個...), 又唔係喎~~~
佢比一般食既奶黃包既甜度少一點, 清淡一點,
不過一定可以食得出係奶黃味~
如果擺耐左, 係就係會UN, 不過可以叮番佢就正哂!
我食果陣就仲有少少流心效果~~~
好夾!
食完燒餅之後, 我就等唔切....食埋個菠蘿包~~~
好好奇只係2大洋, 佢既品質會係點.....會否係空氣包?
答案係: 絕對不是.
個皮好多呀...脆脆...唔係坊間一般麵包店收你3.8, 個皮只係得少少...
呢個簡直成個都係......連側邊都有~~
仲要夠脆, 呈沙粒狀, 不過又唔易散~ 食起黎一D都唔呢HEA~
麵包部份亦好夠料, 質地實, 一點都不空氣~~~~
我先把包按一按, 再一大口咬~
超滿足~~
我決定以後去開附近, 都會探下佢~
因為又平又好味~, 呢個時勢, 乜都貴, 好難得仲有呢個價錢既高水準作品~
沒有留言:
張貼留言
Hello~