湖池屋海之家限定薯片 - 炒麵味

呢個0係零食屋買既,

日本既夏天, 都應該好熱下....

所以好多日本人一有假期就一家大小, 三五成群去海灘游水, 堆下沙, 打下沙排~

玩得耐就自不然會肚仔餓,

於是0係好多海灘都有"海之家", 即係小型食肆, 你都可以話係餐廳既,

佢地既裝修簡單, 不過就涼涼快快, 就連餐牌都係好簡單...

刨冰, 咖喱飯...同炒麵~

食刨冰我絕對可以理解, 不過夏天熱成咁....仲要食熱辣辣既飯???

我真係唔明LOR......

炒麵呢, 不過海之家, 定係祭會, 都好多時都有炒麵出現, 因為佢製作簡單又好味???

我就係愛日式炒麵果種甜中有酸, 又有少少spicy, 加埋紫菜果種獨特風味......

我真係食到唔停口....食過唔同種類既炒麵味零食, 都唔係太好......個醬淡.....又少紫菜碎....

最好既都係湖池屋X UFO炒麵味粟米條, 個味岩岩好~~~~岩重味之餘又不至過鹹~ 不過而家夏天想食淡口少少.....食少左~

所以今次見到係湖池屋, 買啦~

simple的味道?

佢薯片既顏色都唔算係深色, 不過都可以好清楚見到中間既醬汁色~

都有紫菜碎架~~~

佢比UFO粟米條, 確係淡味左少少....

不過就合格有餘, 唔多花巧野~黎得好簡單...真係幾simple喎....

當佢加埋薯仔味, 都好彩, 尚未被薯仔味搶哂鏡....

不過重番DD咁多多味就好啦~~

唔錯唔錯............又夠食..~

唔知加埋mayo會係點架呢???