森永演奏朱古力夾心餅

呢個0係零食屋買既,一盒有10包, 1包1塊~

請注意, 因為我買左有好幾日, 而家未必再係13.9架啦, 買之前睇清楚個牌~

好耐都冇買森永既餅乾啦......對上果次好似係買瑪莉餅....都好似係數個月前既事.,,,,

今次我首先係被個粉紅色盒吸引.,,,,,

繼而就係被個名吸引....

symphony?點呀???

食左會好似千秋同野田妹咁勁???

傻啦...... 係個成份! 胚芽同古力~

講起胚芽, 我以前去台式飲品店, 好多時都叫"密瓜雪香", "士多啤梨雪香"之類, 除左加珠, 我好多時都會加胚芽...

因為胚芽好香架~~~~又健康又有咬口~~~

餅乾加胚芽我就未食過, 點都要一試~



個包裝好少女....好浪漫~

細細塊, 我就可以一口一塊........


餅乾唔算好脆, 有丁點兒林, 不過絕對可以接受到~~

一咬落去, 帶有好香既胚芽小麥味~~~烤過既味道~~

又有少少粒粒狀, 真係唔錯~~~

好似飲緊"麥精"一樣?!?

個心係古力忌廉, 唔錯, 冇野可以彈~~~

如果下次再見到,

都可以考慮再入貨~