不二家麵包超人一口餅

呢個0係零食屋買既, 原價8.9, 折左之後就8元~

經過一日不停咳, 手腳冇力, 精神不振....(圓彈咁樣)之後....早早搵周公子談心.....冇事啦~~~~燒就退左, 不過依然咳....不過都少左~

哈哈, 我用"以毒攻毒"既方法...就係沖凍水涼, 飲凍野.....
全部做哂....都冇事~

麵包超人呢套卡通片, 係國民級既卡通, 日本無人不識....

香港好似冇咩點播過....而家J2有得睇, 真係要睇係唔係咁kawaii~

呢個都唔係我發現既, 我同王兄有日行零食屋既時候,

佢講: 要唔要呢個呀? 而家播啦喎...!

原來佢都知呢個叫麵包超人.....勁.....我仲以為佢只係知亂馬1/2, 相聚一刻, 龍珠果D.....

呢款餅, 一共有(好似)4個包裝, (應該)只係得一隻味:

蘋果蜜糖味~

仲有呀, 呢款餅好明顯係小朋友餅乾~
 

係有好多個造型, 我只係影左2個, 我實在冇咁好耐性去影.....

佢既質地係偏硬, 又有少少濕, 不過就絕對唔會食到"散修修"~

因為呢個係一口餅乾, 除非你要好lady咁食啦啦啦......

味道呢, 初初我都冇去睇係咩味, 只係"但求就手, 倒哂入口"~~~

一食落去, 甜喎.......,不過隨之而來就另一股甜味.....

我再睇下, 原來係蘋果蜜糖.....係小朋友喜歡既味道~~

係就係比較甜, 不過個比例就岩岩好~

小朋友食品, 係就係甜少少架啦, 如果唔係佢地都唔肯同你食啦~

呢位係.....紅豆爺爺???