呢個0係東海堂(天晉分店)買既,
因為唔記得左個包既正確名稱, 只係記得叫 "十勝紅豆燒餅" 或"十勝紅豆直燒" 又或者係 "十勝紅豆包"...
總之就係呢3個是但一個, 如果都係唔岩既話, 你買既時候就認住個樣又或者係"十勝紅豆xxx"啦~~~
東海堂都係我愛既麵包店之一, 唔算貴之餘都幾好味~~~
好可惜以前屋企附近冇........而家有啦~成日去幫襯都得~~~
原來呢間店(Aroma Bakery Room)係新line, 同一般既東海堂裝修好唔一樣.. 走新形象路線, 買埋泡芙.......暫時唔係有好多地方有架~~~
對於我呢d澱粉質同甜品怪, 無疑呢個係一個好消息~~~~
暫時好想搵一d同紅豆有關既麵包或甜點.....所以見到呢個都要望一下...
呢個唔太似麵包, 因為扁左....唔係因為運送方面出左問題, 亦唔係人為...
我望過個個都係咁.......不過見在日本此海道紅豆份上.....就奉上七大洋了...~
就咁望, 真係望唔到有太多紅豆......
紅豆蓉絕對唔係多到爆燈果隻, 亦叫適中, 如果太多紅豆既話, 本身個唔係叫大, 成個就變得好唔平衡.....咁樣我覺岩岩好~
佢既紅豆蓉同坊間既顏色有少少分別, 呢個就深色少少, 一粒粒既紅豆蓉就唔太覺有, 可能真係打得好溶~~哈哈哈
甜度絕對係清淡, 非常清新, 絕對唔係坊間既死甜又假既味道......佢呢個蓉調較得剛剛好~
最怕食完之後要飲杯水沖淡味道......呢個就唔會啦~
用上北海道既名產, 十勝紅豆, 之前完全未試過, 今日終於試到了~
講左咁多, 個包用左小麥黎做, 面頭烤得一片燶燶地, 加埋紅豆, 成個包既味道豐富了, 唔會似用一般麵粉咁寡, 冇乜味.......
呢個包, 絕對有誠意.....
佢地既服務亦好好, 好願意主動幫忙, 同解答我既疑問, 亦好樂意聽我既意見~~
雖然佢之後做唔做就係另一回事了~~~~
呢間店, 我以後會"加強"幫襯~
沒有留言:
張貼留言
Hello~