我份人好專一, 我幾乎可以日日飲凍茶走甜都係無問題.....
完全冇厭既跡象....
不過琴日我......我.......我.......
"出軌"了....
我竟然轉軚飲:"凍檸茶少甜".....都係電光一閃想轉.....
連個侍應都話: "搞到我要轉一轉添....你平時都係凍奶茶走甜~"....
連人地都記得我飲咩....我唔係日日去架.....
哈哈...~
都OK大杯架, 都唔算多冰既~
我又篤檸啦~~~因為每次篤檸都勾起回憶...鋪頭上下5-6個人都係要我篤完先飲......個個都係懶鬼.....哈哈~~
今次都大大力篤.......先推D檸檬去最底, 最好平放,
咁篤既時候就唔會逃走~~~
飲一飲.....唔係人咁品.....
我叫少甜, 乜搞到好似走甜????? 勁檸......勁酸~~
冇糖水味.....
唔太好飲....呢D就係我"出軌"既報應了了了了了.....
呢杯野真健康....
呢個係雙拼通~~雞扒叉燒通~
佢幾乎係最大份, 又係最回本架啦.......
雞扒都幾大塊, 都唔林, 仲脆脆地.....又有我愛既肥膏同皮~~~
不過就成個餐連凍飲就30大洋~~
飲凍檸茶我都係狂篤.
回覆刪除我今次係篤過籠......哈哈
刪除出軌?阿靜妳背住我去咗邊度少甜?!鳴鳴鳴!!
回覆刪除哈哈哈...之唔係.........茶餐廳....小女子不敢再"出軌"了了......
刪除