S愛M&S - Bubble milk chocolate

有日閒逛馬莎.....大家唔好諗我係好富貴, 行馬莎喎....我只係行佢既食品部,

因為有時佢D野係會以好平既價錢出現...

仲有個多月就過期....

我鍾意馬莎, 因為佢既食品質素較好~

果日我就只係買左呢個, 10大洋~

 

 

 

吉吉利如果唔減價, 價錢真係同馬莎差唔多......

我會簡馬莎多少少, 因為吉吉利真係好甜........


一點點啡色係咩, 我就真係食唔出......

不過唔係一味死甜, 有少少清新既蜜糖味~~~仲有, 佢加左碎到不能再碎既榛子碎0係入面,

唔係話佢孤寒, 而係當佢同牛奶古古力, 蜜糖一齊既時候,

甜度係少左, 隱約滲出果仁味添~


叫得係bubble, 入面係泡泡狀既脆脆,

帶有少少麥芽味, 同可可味~~~

我覺比只係純粹果仁古古力既味道更豐富~`

只賣十大洋, 都叫幾抵食啦~~~~~