好溫暖

今日係聖誕節, 首先祝大家聖誕快樂, 開開心心~

琴日我過得異常開心, 原因係:

有郵差叔叔LIN我門, 話我有包裹收, 係聖誕禮物~! 因為平時我只會係收GAME既時候先會見到佢.....但當我打開包裹既時候, 我既開心程度再度加倍去到滿分~~~

因為我見到小丸子~~ 我十分鍾意小丸子, 小丸子呢套卡通片我睇左好耐, 由我中學時代直到而家, 係其中一套我重複睇都唔會厭既卡通片~

禮物係咩? 係小丸子毛巾仔~~多謝你~我一定會珍而重之~!!!
仲有另外2份禮物, 係我最愛既HOT CHOCOLATE & LATTE~ 仲要係即沖, 獨立包裝果D~

因為我份人好懶, 如果下下要我開罐, 加糖加奶, 我未必會飲....呢個真係合我河車~ 我好愛飲CHOCOLATE~ 不過有D味道我真係聽都未聽過...好似FRAMBOISE CHOCOLATTE, DARK RUM CHOCOLATTE.....唔知係點既味道呢...? 不過一定會好好飲~ MACCHIATO我從來未飲過, 係一種咩既飲品????
好多謝你~

之後我走左出去, 去地鐵站收GAME~ 個SALES姐姐原本巳經走左, 但係佢突然間走番黎同我講"聖誕快樂"~ 我好開心呀~~~
我發覺0係大時大節搭港鐵係一件異常恐怖既事....人多到呢...

回程既時候, 我去左BURGER KING食野, 見到有新包出, 一定要試試啦~ 呢個飽叫"安格斯包", 顧名思義係用安格斯牛肉做的, 當我未打開個飽時, 對佢有一定程度既幻想 (因為我係一名牛魔王)....

不過當我打開, 咬一口之後就.....D牛肉好乾...冇汁既..???? 我完全食唔出同普通BK BURGER有咩分別...哈哈...我寧願食BK DOUBLE好過, 因為有我最愛既芝士, 雙層牛肉, 煙肉同埋BBQ SAUCE~~理論上, 個餐唔難食, 不過唔會叫下次....因為有少少貴....一個餐賣$43.5

 

 

 

 

此外, 我仲叫左一個OREO CHERRY SUNDAE (可能你會諗, 你食唔食得落咁多野呀..?

答案係: 我完全食得落, 仲KO哂~Yeah~) 我好鍾意OREO, 但係只會0係食雪糕既時候先食~ 第一口食落去, 好正~! 因為D餅乾打得唔碎, 一舊一舊有咬口~ 加埋D SAUCE就仲好, 完全冇藥水味, 不過, 唯一一個敗筆既係佢地落得太多....搞食到落果陣好似淨係食SAUCE...不過都好好食既~

 

我琴日真係好開心, 有包裹收, 有GAME玩, 有好野食, 最重要既係有一份錫我既家人同朋友~我好溫暖呀~