每日一飲

我唔知幾時開始就愛上左港式奶茶,

細細個既時候, 純情既飲十字牌 鮮奶, 大少少就飲好立克,

中學生時代就飲檸茶/水....

好坦白, 我飲奶茶都係呢一,兩年既事,

之前果2x年都好少飲.....

只係見屋企人飲....凍奶茶走甜...

直至搬左, 有一次想搞搞新意思, 叫左一杯,

驚為天人....太好飲啦....

可能係我去開既飯堂沖得好,

我一飲即愛上....結果就每日一杯....

夏天就飲凍既, 冬天就飲熱既...

但係食飯要加2大洋先有凍飲, 所以只係食早餐先叫凍奶茶...

哈哈~~~~

夏天例叫 "少甜", 冬天就唔落糖....因為我唔鍾意"掂"糖包.....

仲有冬天一定唔飲凍飲, 唔想食完熱食, 飲一杯凍野, 打鬼入打鬼出咩..!

不過唔落糖一樣好飲,.....先飲到濃茶 + 淡奶既化學作用~~~

近呢幾次 (天氣暖暖地), 食早餐既時候, 發覺原來凍奶茶都真係幾多冰....

足有半杯....所以就變成叫 "凍奶茶少甜少冰"...

冰少左好多, 不過茶量就少dd咁多多, 絕對可以接受既~

不過就麻麻地鍾意飲 "冰鎮奶茶"....

可能係佢地沖得唔夠好....2間都係大集團, 一間就勁多奶味...

一間就勁多中國茶味........

有d茶餐廳雖然沖既係普通奶茶, 不過完全冇味.....!!!!!!!!!!!!!!!!!!!!!!