感激我遇見

我覺得自己真係好好彩,

遇上很多愛自己, 痛錫自己的人,

家人, 朋友, 醫護人員, 網友, 鄰居, 街坊, 餐廳老闆娘......

佢地好關心我既情況, 個個都想我開心~

琴日我又去飯堂,

因為平時坐開既"皇位"有叔叔坐左,

於是疑似老闆娘既人就叫我入去一個入少少既位,

叫員工拉開位子, 好等我易坐....

點知員工們拉開既位子唔易坐,

嚴格黎講, 我部波子真係"sip"唔到入去,

不過唔想再麻煩人地, 唯有自己將就一下~

疑似老闆娘過來, 話: 你叫人地點坐呀?

查實我果陣坐既位唔多唔少係阻左佢地做野,

我連忙講唔好意思....

就0係果個時候, 叔叔埋單,

老闆娘問我坐唔坐番門口位, 我問佢: 真係可以?

佢話梗係得啦~~~

我話唔好意思, 又麻煩到你地....

老闆娘: 點會呢?

好開心呀, 因為一般既茶餐廳真係唔多唔少都幾唔鍾意我地入去,

因為我地某程度上都幾"阻定",

又要佢地拎開張櫈......

但係呢間就真係好唔同, 好歡迎我地,

老闆娘見我0係出0係老遠徘徊果陣, 就叫我入黎,

仲主動拉櫈俾我......

超好   ~~