因為而家住公屋既關係, 出入有少少問題....我意思係因為門口有一個壆, 以前我用醫院整俾我既活動斜板. 不過好麻煩, 每一次出出入入都要拎起又放低, 又"嘭嘭"聲...我成日驚會嘈親隔離...所以, 久而久之, 我放棄左個斜板, 人坐0係輪椅上, 直接"駛"到門口, 將2個小車輪對準成一直線....
之後我人起身, 拎起輪椅, 令小輪椅出左屋外, 人再坐底...
不過我都係嫌麻煩...
於是我今日出去買飯果陣, 試一試直接由屋面chok出去...
又可以喎...以後就唔駛咁麻煩!!
不過頓時我又覺得悲...我有朝一日, 病情惡化既時候, 我唔可以再起身, 而要用呢個方法先可以出去....
一諗到呢度就有少少悲...我會唔會惡化呢? 希望唔好再惡化就好啦...同埋唔好退步得咁多.....
沒有留言:
張貼留言
Hello~