升升降降湧湧記

我琴日有事要出去醫院,

要搭港鐵既,

由於果個係一個大站,

有好咩咩多人上落架....

而月台都有lift搭既...

不過每一次我都只有一個感覺...

"........................"

好多四肢健全既人都湧哂去等lift,

有好多年青人....

大佬, 扶手電梯就係 0係隔離,

唔係下下都要同我地爭呀???
琴日就仲利害,

成班自行行 (我眼見啦) 一窩蜂湧哂去lift門,

佢地完全意思係俾入面既人出先....

喂.....入面有一位長者架.....

結果佢地湧哂入去之後,

有位女士"禁"住道門, 示意叫我入去...

不過當時入面巳經差唔多滿哂..

名副其實既插針都唔入....

我好開心有一位好心人咁有心,

不過最後只係心領.....


我都係等下一部lift....

我就望住左張海報....

果張海報一定會貼0係lift門附近....

提醒要禮讓俾有需要人士....

例如:孕婦, 長者, 提重物者同傷殘人士....

佢地咁.....唔知佢地係唔係"有需要"呢....???


我唔係要人讓, 只不過唔抵得有需要既人用唔到....

我大把時間, 大不了咪等下一架.....


大家可以既話, 用多少少扶手電梯, 又或者樓梯,

等一d真正有需要既人可以用到,,.