互相尊重

近幾日0係電視都睇到一個有關醫護人員既宣傳片,

原來係"國際護士節"

我耐唔耐都住下醫院, 有次仲住左數月, 真係覺佢地好偉大, 好專業!!!!!

宣傳片入面提倡既係互相尊重...

我眼見有d病人當醫護人員係"阿四"...對佢地吆喝, 指佢地做東做西, 不過事情就完全係"非緊急".....

遲少少做, 海鮮餐出來了.....

亦有家屬以為醫護人員唔妥當照顧, 查實不知幾妥當....就去質問又質問.....

亦有d自以為有醫學知識, 以為自己既係最掂, 又質疑又質疑.........

家屬問病情, 果個護士就弊啦, 食飯時間通常只得一個護士, 要招呼家屬之餘, 仲有NN咁多樣要做...


查實佢地真係好忙, 可能一位護士睇2個病房, 16個病人呀......

晨咁早就量血壓, 派藥, 等醫生巡房, 再執行醫生既指示, 又要搞病人出院........"令令茶茶"....通宵更又隨時有突發事, 好似病人既病情突然惡化....就算無, 亦要做好多野, 點算藥品, 急救用品, 醫療用品....

仲有好多我睇唔到既,,,,,,

佢地追更既情況亦好嚴重......有時返早更既, 晚更就好大機會見到同一個護士....
雖然好多野都有姐姐幫忙, 但有d總係要護士去做......

唔好話你受得咁高人工就總要做野, 我地納稅人出糧俾你之類....

人地都係人, 都總會攰, 但係佢地一刻都唔可以放鬆......人地都有屋企人架.....邊個唔想放工就立刻返屋企? 好多時佢地都要OT.....


我唔係護士, 只係一名小小既病人, 見得太多....

好想大家可以互相尊重, 令衝突少一點.