古力榛子方塊@Pacific Coffee Company

呢個真係我食咁多件佢既蛋糕, 係最好食既一件~~~

呢個真係有特色~~~~

一D都唔HEA~

不過除番, 呢件野真係幾貴........27大洋.....

係唔係好細件呢???

有名叫方塊, 梗係細件......不過呢, 站在消費者立場, 當然唔抵食啦.....

又不過呢, 大件又未必好食, 又未必有滿足感喎....

見到咁多古古力, 又有我最愛既榛子.....你問我好唔好食,

未食之前, 我一定會俾個預設答案你:

好好食~

個蛋糕有唔同既質感, 有乾又有濕....仲有脆添~

直情可以滿足到我3個願望....~

面頭係一層OK厚, 軟軟地既古古力, 十分香濃........中間仲夾住左古古力海綿蛋糕, 佢既質地就比較乾, 初時我以為會被古古力層搶哂D味, 又冇喎.......

中間夾雜住隱約榛子味~~~~

食到呢層, 脆脆地喎, 佢又唔似係蛋糕.....叫佢脆脆啦~

我用隻叉篤佢, 都係篤唔爛, 有聲架.......

應該係榛子脆脆, 好有kinder fu,

我食呢個係由第一層, 食1-3層, 諸如此類......食脆脆果層真係俾我好大驚喜, 佢同所有野都好夾, 靠脆脆去將海綿蛋糕等去串連埋一齊.....

呢個真係神來之筆.....

因為PC既蛋糕一唔係太甜, 就係太HEA.......

如果有球有呍呢拿籽既雪糕0係側邊....

我會好多個like佢....