嘲己一默

平時星期六, 總會見到有賣旗,

十次總會見到七次左右,

我次次見到都會買,

一來想做下善事,

二來想幫下慈善機構, 我受人地既恩惠太多...盡些少綿力啦~ (定係呢個棉呢?)琴日就見唔到賣旗既, 

不過就見到有長者賣獎劵, 係"救世軍:

我問婆婆:

"婆婆, 請問你係唔係賣獎劵架?"

婆婆聽到不知幾開心, 仲奔過黎,

問我要幾多張, 我問婆婆幾銀一張,

10元一張, 咁我要2張啦~

婆婆好高興~

跟住, 我就話:"我平時做得壞事太多, 所以而家要做善事填番條數~~~"

婆婆聽到有一秒遲疑,跟住哈哈大笑~

仲講左一輪野去"安慰"我~

我以前的確做左唔少壞事....

不過而家大幅減少....

有時, 幽自己一默, 又可以令身邊既人笑一下, 幾好.

之後, 我再望獎劵有咩抽....

全部都係"唔等使"既野,......

再之後, 我將獎劵分成四份,送往堆填區了了了~~~呵