說真的, 我好鍾意幽自己一默.
結果令人地唔知點回應我.....
事情係咁既:
我琴日又收到銀行既推廣電話,
"小姐, 我地係星展銀行, XXX"
我一開口就...................唔係講粗口, 而係:
"我冇需要借貸, 唔該哂" 講完之後, 佢仲快過我...
"小姐, 咁有冇需要清咭數呀?"
拜託, 我都講左我冇需要借貸, 又點會需要清咭數呀...??
有問題的.
我講: "我冇信用卡架, 冇需要, 係咁先啦"
佢都係快過我收線, 講:
"小姐, 你係唔係香港人黎架? 冇信用咭?!?!?"
果一刻, 我火都黎埋.....阿生, 你阻住我睇奧運....
我好應該立刻收線...不過唔知點解, 我又冇咁做.
我開口了.....
好斯文咁講 (真的):
"係呀, 我唔係香港人黎架, 我係外星人黎架"
佢當堂唔知點應我..............佢點會估到會有人會講自己係外星人黎架???
之後就收線了~~~
哈哈哈~~~~
我係擁有過信用卡, 不過就真係只係0係英國時期......
我一向(由細到大)都冇先使未來錢既習慣, 因為使大埋左, 要還就好辛苦....
我最多只有提款咭.....一定唔會用突...
而家閒閒地, 香港人都有N咁多張....我冇就被歸納為異類.
我認我係. 我來自自外太空, 某某星雲, 某某行星.....
沒有留言:
張貼留言
Hello~