由於我用開的繃帶冇貨, 萬寧藥劑師真係好好人, 0係星期五幫我落order, 琴日朝早可以去拎! 我0係十點左右打去問一問係唔係真係返左貨, 以防萬一, 冇既, 我可以"遠征"去其他萬寧....有時, 做人既野, 一定要有兩手準備...可能係剛開鋪的關係, 我打左3次先有人聽~
我問她: "x藥劑師呀, 我想問呢, 我要果d繃帶返左貨未呀?"
妙答來了...
她諗都唔諗就答: "哎呀, 係喎, 係返左貨, 唔記得添...我而家去留俾你呀!"
她真係爽直....哈哈...不過繃帶唔係成日有人買...不過一旦有人就會買好多...我就係其一.
..
於是, 我在收線後去拎繃帶了~
我又影了d相 (有血有肉的相)給她睇, 因為想俾佢睇下我係唔係好左. 佢話係好左呀, 叫我唔好急, 唔好搞咁多野, 照而家呢個方法去洗傷口就可以了...
我又問她: "點解有時明明果度冇傷口, 我都會覺得痛架呢 ????"
她好有耐性答: "你全身都有神經架嘛, 你會覺得痛既地方可能方內裡受傷, 係叫relieve pain (??) reflect pain (???) (我唔記得左個醫學名詞), 而你有 ms, 感覺可能會遲鈍d, 所以有時你會某d地方覺得痛, 有d地方明明有傷口都唔覺得痛. "
我當堂覺得她真的關心我, 因為我次次去親她都好關心我, 好仔細望我對腳, 又俾左好多建議我 (不過我聽唔聽係另一回事~ 哈), 我只係講過1,2次我個病名, 佢竟然記得, 仲講得出病徵, 可以諗得到佢之後可能查過...
如果我去其他地方既萬寧或屈臣氏, 未必會咁好彩遇到一個咁體貼, 咁專業既藥劑師~
沒有留言:
張貼留言
Hello~